நடன இயக்குநர் பிருந்தாவிற்கு படப்பிடிப்பில் விபத்து

தென்னிந்திய மொழிகளில் முன்னணி நடன இயக்குநராக வலம் வருபவர் பிருந்தா. இயக்குநராகவும் இரண்டு படங்களை இயக்கியுள்ளார். ஹே சினாமிகா, தக்ஸ் உள்ளிட்ட படங்கள் வெளியாகியுள்ளது. இப்போது தெலுங்கு நடிகர் விஷ்ணு மஞ்சு நடிப்பில் பிரம்மாண்ட பொருட்செலவில் உருவாகும் ‘கண்ணப்பா’ படத்தில் நடன இயக்குநராக பணியாற்றி வருகிறார். முகேஷ் குமார் சிங் இயக்கும் இப்படத்தில் பிரபாஸ், மோகன்லால் உள்ளிட்ட நடிகர்களும் நடிக்கிறார்கள். படப்பிடிப்பு நியூசிலாந்தில் முழு வீச்சில் நடைபெற்று வந்தது. 

இந்த படப்பிடிப்பில் பிருந்தா நடனமைக்கும் பாடல் படமாக்கப்பட்டு வந்தததாக கூறப்படும் நிலையில், தற்போது அவருக்கு விபத்து ஏற்பட்டுள்ளதாக தகவல் வெளியாகியுள்ளது. காலில் அவருக்கு அடிபட்டுள்ளதாகவும் அதனால் படப்பிடிப்பு தற்காலிகமாக நிறுத்தி வைக்கபட்டுள்ளதாகவும் கூறப்படுகிறது.