தர்பார் படத்தில் நடித்து முடித்த பிறகு ரஜினிகாந்த் சிறுத்தை சிவா இயக்கத்தில் தலைவர் 168 என்று அழைக்கப்படும் படத்தில் நடித்து வருகிறார். இந்த படத்தில் ரஜினியுடன் குஷ்பு, மீனா, கீர்த்தி சுரேஷ், பிரகாஷ் ராஜ் உள்ளிட்ட பல நடிகர்கள் நடிக்கின்றனர். சன்பிக்சர்ஸ் நிறுவனம் தயாரிக்கும் இந்த படத்தின் ஷூட்டிங் சமீபத்தில் ராமோஜிராவ் பிலிம் சிட்டியில் தொடங்கப்பட்டது. முதலில் ரஜினி, குஷ்பு, மீனா உள்ளிட்டோரின் காட்சிகள் மட்டும் படமாக எடுக்கப்பட்டு வந்தது.
இந்நிலையில் கடந்த 24ஆம் தேதி மகாநடி படத்தில் நடித்ததற்காக சிறந்த கதாநாயகிக்கான விருதை பெற்ற கையோடு ஹைதராபாத்தில் நடைபெறும் தலைவர்168 ஷூட்டிங்கிற்கு சென்றுள்ளார். தேசிய விருது பெற்ற கீர்த்தி சுரேஷை பூங்கொத்து கொடுத்து வரவேற்று, பின்னர் படக்குழுவினருடன் சேர்ந்து ரஜினிகாந்த் கேக் வெட்டி கொண்டாடினார்.
ரஜினிகாந்த் கீர்த்தி சுரேஷுக்கு கேக் ஊட்டிவிடுவதுபோன்ற புகைப்படங்கள் இணையத்தில் வெளியாகி வைரலாகி வருகிறது.
