2.0 படத்தை தொடர்ந்து நடிகர் கமலை வைத்து இந்தியன் 2 படத்தை இயக்கும் பணியை தொடங்கியுள்ளார் பிரம்மாண்ட இயக்குனர் ஷங்கர். இந்த படத்தில் கமலுக்கு ஜோடியாக காஜல் அகர்வால் நடிக்க மேலும், சித்தார்த், பிரியா பவானி சங்கர், ரகுல் ப்ரீத் சிங், பாபி சிம்ஹா உள்ளிட்டோர் முக்கிய கதாபாத்திரத்தில் நடிக்கின்றனர்.
ஷங்கர் இயக்கும் 14வது படமான இதை பிரம்மாண்ட தயாரிப்பு நிறுவனமான லைக்கா நிறுவனம் தயாரித்து வருகிறது.இந்நிலையில் இப்படத்தில் நடத்து வரும் பாபி சிம்ஹா நவம்பர் 6ஆம் தேதி தனது 36வது பிறந்தநாளை இந்தியன் 2 குழுவினருடன் கொண்டாடினார். அதில், ஷங்கர் , விவேக், ஸ்டென்ட் மாஸ்டர் பீட்டர் மற்றும் பலர் கலந்துக்கொண்டர். கமல் தன்னுடைய பிறந்தநாளை கொண்டுவதற்காக தமிழகம் திரும்பியதால் மிஸ் ஆகியிருந்தார்.
இந்நிலையில் பாபி சிம்ஹா இப்படத்தில் காவலராக நடித்திருப்பதாக தகவல் வெளியாகியுள்ளது. இந்தியன்’ முதல் பாகத்தில் நெடுமுடி வேணு போலீஸாக நடித்தார் என்பது குறிப்பிடத்தக்கது.
