லைகா புரொடக்ஷன்ஸ் தயாரிப்பில், ஷங்கரின் இயக்கத்தில் உருவாகியிருக்கும் '2.O' படத்தின் டீசர் 3Dயில் வரும் செப்டம்பர் 13 விநாயகர் சதுர்த்தி அன்று வெளியாகவுள்ளது. இந்தியா மற்றும் வெளிநாடுகிளில் உள்ள தேர்ந்தெடுக்கப்பட்ட 3D திரையரங்குகளில் 3D தொழில்நுட்பத்தில் டீசர் திரையிடப்படவுள்ளதாக அறிவித்துள்ளனர். மேலும் எந்தெந்த திரையரங்குகளில் '2.O' பட டீசர் 3D தொழில்நுட்பத்தில் வெளியாகும் என்ற விவரம் விரைவில் அறிவிக்கப்படும் என்றும், மேலும் 3D யில் வெளியாகவுள்ளதாக அறிவிக்கப்பட்ட இப்படத்தின் டீசரை தற்போது ஒரே நேரத்தில் 2Dயில் யூடுபிலும், திரையரங்குகளிலும் வெளியிடவுள்ளதாக படக்குழு அறிவித்துள்ளனர். சூப்பர்ஸ்டார் ரஜினிகாந்த், நடித்திருக்கும் இப்படத்தில் ஹிந்தி நடிகர் அக்ஷய் குமார் வில்லனாக நடித்துள்ளார்.