Skip to main content

காதலியுடன் சொகுசு வாழ்க்கை வாழ பேக்கரியில் 4 லட்சம் பணம் திருடியவர், கார்களை திருடியவர் கைது!

Published on 09/05/2019 | Edited on 14/05/2019

 

புதுச்சேரி உழவர்கரை பகுதியை சார்ந்த பெருமாள் என்பவர்  அதே பகுதியில் அமுதா பேக்கரி எனும் கடை நடத்தி வருகின்றார். இந்த பேக்கரியில் வைத்திருந்த ரூ. 4,00,000 மற்றும் ஒரு சவரன் தங்க நகையை கடந்த 17.04.2019 அன்று காணவில்லை. அதனை தொடர்ந்து கடந்த 3.05.19 அன்றும் 1,78,000 ரூ பணத்தையும் யாரோ  பேக்கரியின்  உள்ளே நுழைத்து திருடியுள்ளதாக ரெட்டியார்பாளையம் காவல்நிலையத்தில் புகார் அளித்தார்.

 

r

 

அதனடிப்படையில் குற்றவாளிகளை கண்டுபிடிக்க ஒரு குழு அமைக்கப்பட்டு தீவிர விசாரணை மேற்கொள்ளப்பட்டதில், பழக்கத்தின் மூலம் பேக்கரிக்கு அடிக்கடி வரும் சிலரிடம் விசாரணை செய்யும் போது சந்தேகத்தின் பேரில் மதியழகன் என்பவரை  பிடித்து காவல் நிலையம் அழைத்து சென்று விசாரணை செய்தனர்.

 

விசாரணையில் கடையின் மேற்கூரையை  பிரித்து 2 முறை திருடியதாக  மதியழகன் ஒப்புக்கொண்டார். மேலும் சொகுசு வாழ்க்கை வாழ்வதற்கும், காதலிக்கு நகை வாங்கி கொடுக்கவும் திருடியதை மதியழகன் ஒப்புக்கொண்டார். அதன்பின்னர் பேக்கரியில் இருந்து திருடிய பணத்தில் வாங்கிய 1,54,000 மதிப்பிலான புதிய R1 யமாஹா பைக்கையும், 6 பவுன் தங்க நகைகள், மற்றும் ரொக்கம் 2,08,000 பறிமுதல் செய்யப்பட்டது.

 

இதேபோல் புதுச்சேரியில் கடந்த 2015 -ஆம் ஆண்டு, காமராஜர் சாலையில் நிறுத்தப்பட்டிருந்த ஒரு கார் திருடப்பட்ட வழக்கில் கோட்டக்குப்பம் சசிக்குமார் என்பவர் கைது செய்யப்பட்டார். அவர் திருநெல்வேலியை  சேர்ந்த தினகரன் மற்றும் திருவாரூரைச் சேர்ந்த சுரேஷ் ஆகியோருடன் சேர்ந்து கார் திருட்டில் ஈடுப்பட்டு வந்தது தெரியவந்தது. அதையடுத்து சுரேஷ் மற்றும் தினகரனை போலீசார் தீவிரமாக தேடி வந்தனர். மேலும் கடந்த 2017 -ஆம் ஆண்டு லாஸ்பேட்டையில் கார்  திருட்டு, கோரிமேடு சிவாஜி நகரில் கடந்த பிப்ரவரி 7 ம் தேதி செவிலியர் வீட்டு வாசலில் நிறுத்தியிருந்த  கார் திருட்டு ஆகியவற்றிலும் காவல்துறையினர் விசாரணை நடத்தி வந்தனர்.

 

இந்நிலையில் சென்னை போலீசாரிடம் சிக்கிய தினகரனை கோரிமேடு போலீசார் காவலில் எடுத்து விசாரித்ததில் கோரிமேட்டில் கடந்த பிப்ரவரி 2-ஆம் தேதி கார் திருடியதும், மேலும் புதுச்சேரியில் மூன்று இடங்களில் திருடியதும் தெரியவந்தது. மேலும் விசாரணையில் தினகரன் வீடுகளில் திருட போகும்போது அங்குள்ள காரையும் சேர்த்து திருடி செல்வதும், ஒரு இடத்தில் திருடும் காரை கொண்டு சென்று வேறு ஒரு ஊரில் திருட்டில் ஈடுபட்டுவிட்டு அங்கே அந்த காரை நிறுத்திவிட்டு தப்பி செல்வதும் தினகரன் கும்பலுக்கு வழக்கமாக இருந்துள்ளது  

இந்த தினகரன் மீது தமிழகம், ஆந்திரா, கேரளா, கர்நாடகா உள்ளிட்ட 6 மாநிலங்களில் ஏராளமான திருட்டு வழக்குகள் உள்ளதும் குறிப்பிடத்தக்கது.

 


 

சார்ந்த செய்திகள்

Next Story

“பிரதமர் மோடி பிறந்தநாள் வேலையின்மை தினம்” - புதுச்சேரி இளைஞர் காங்கிரஸ்  

Published on 17/09/2023 | Edited on 17/09/2023

 

“Prime Minister Modi Birthday Unemployment Day” - Puducherry Youth Congress

 

பிரதமர் மோடி பிறந்தநாளை வேலையின்மை தினமாக கடைப்பிடித்து புதுச்சேரி இளைஞர் காங்கிரஸார் நூதன கண்டன ஆர்ப்பாட்டம் நடத்தினர். 

 

பிரதமர் நரேந்திர மோடியின் பிறந்தநாள் இன்று (செப்.17ம் தேதி) பாஜகவினரால் கொண்டாடப்பட்டது. இவருக்கு அரசியல் கட்சித் தலைவர்கள் உட்பட ஏராளமானோர் தங்களது வாழ்த்தை தெரிவித்தனர். 

 

இந்நிலையில், புதுச்சேரி இந்திரா காந்தி சிலை முன்பு திரண்ட புதுச்சேரி இளைஞர் காங்கிரஸார், கோஷங்களை எழுப்பினர். மேலும், டீ, பக்கோடா, சமோசா ஆகியவற்றை விற்று தங்களது கண்டனங்களை தெரிவித்தனர். 

 

இந்த ஆர்ப்பாட்டத்தில் பேசிய புதுச்சேரி முன்னாள் முதலமைச்சர் நாராயணசாமி, “பா.ஜ.க. அரசு ஜி20 மாநாட்டுக்கு ரூ. 4000 கோடி, புதிய நாடாளுமன்ற கட்ட ரூ. 20,000 கோடி என செலவு செய்துவிட்டு, நாட்டு மக்களுக்கு வேலை வாய்ப்பு அளிக்காமல்; தனது நண்பர் அதானிக்கு சலுகை வழங்குகிறது” என்று பேசினார். 

 

 

Next Story

73 பவுன் நகையை திருடி மோசடி செய்த கூட்டுறவுச் சங்க பொறுப்பாளர்

Published on 20/05/2023 | Edited on 20/05/2023

 

Cooperative society manager who stole 73 pounds of jewelry and cheated

 

புதுச்சேரி கொம்பாக்கத்தில் உள்ளது தொடக்க வேளாண் கூட்டுறவு கடன் சங்கம். இந்தச் சங்கத்தில் கொம்பாக்கம் மற்றும் அதனை சுற்றியுள்ள பகுதிகளைச் சேர்ந்த விவசாயிகள், பொதுமக்கள் பலர் தங்கள் தங்க நகைகளை அடமானம் வைத்து கடன் பெற்றுள்ளனர். 

 

இதனிடையே கூட்டுறவு கடன் சங்கத்தில் வருடாந்திர தணிக்கை முறையாக மேற்கொள்ளப்படவில்லை எனவும், முறைகேடுகள் நடந்திருப்பதாகவும் பல்வேறு புகார்கள் எழுந்தன. இதைத் தொடர்ந்து சங்க தலைவர் எம்பெருமாள் கடந்த 16ஆம் தேதி தணிக்கையாளர் இந்திரமோகனுடன் சங்க நிர்வாக பொறுப்பாளரும், முதுநிலை எழுத்தருமான பாப்பான்சாவடியை சேர்ந்த கதிரவன்(48) என்பவரிடம் சங்க கணக்கு வழக்குகளை தணிக்கை செய்யக் கூறினர்.

 

இதற்கு கதிரவன் சரியான பதில் அளிக்காததுடன் மறுநாள் 17ஆம் தேதி பணிக்கு வராமல் விடுப்பு எடுத்துக் கொண்டார். இதனால் சந்தேகமடைந்த எம்பெருமாள், கூட்டுறவு சங்கங்களின் பதிவாளரை சந்தித்து சங்க கணக்குகளை ஆய்வு செய்ய வலியுறுத்தினார். அதனைத் தொடர்ந்து துணைப் பதிவாளர் தலைமையில் தணிக்கையாளர்கள் இந்திராமோகன், குப்புராமன், சிவசங்கர், திருநாவுக்கரசு, சந்தோஷ் குமார் அடங்கிய குழுவினர் சங்க பொறுப்பாளர் கதிரவனை சந்தித்து ஆய்வுக்கு அழைத்தனர். ஆனால் கதிரவன் ஆய்வுக்கு வர மறுத்து, நகை பாதுகாப்பு பெட்டகத்தின் சாவியை மட்டும் கொடுத்து அனுப்பினார்.

 

துணைப் பதிவாளர் முன்னிலையில் நகை பெட்டகம் திறந்து தணிக்கை செய்யப்பட்டது. அப்போது நகை கடன் கணக்குகளில் 198 கணக்குகள் மட்டுமே இருந்தன. அதிலும் 18 நகை கணக்கில் நகைகள் இல்லாமல் வெறும் பைகள் மட்டுமே இருந்தன. அவற்றில் இருந்த ரூபாய் 33 லட்சம் மதிப்புள்ள 588.50 கிராம் தங்க நகைகள் மாயமாகி இருந்தன. இதுகுறித்து சங்க நிர்வாக பொறுப்பாளர் கதிரவன் மீது சங்க தலைவர் எம்பெருமாள் முதலியார்பேட்டை காவல் நிலையத்தில் புகார் அளித்தார்.

 

போலீசார் மோசடி பிரிவில் வழக்கு பதிவு செய்து கதிரவனிடம் விசாரணை செய்தனர். விசாரணையில் கதிரவன் கடந்த பல ஆண்டுகளாக ஏலச்சீட்டு நடத்தி வந்துள்ளார். கொரோனா காலக்கட்டத்தில் ஏலச்சீட்டில் நஷ்டம் ஏற்பட்டதால் கூட்டுறவு சங்கத்தில் வைக்கப்பட்ட நகையை எடுத்து வேறு இடங்களில் அடமானம் வைத்து செலவு செய்துள்ளது தெரியவந்தது. இதையடுத்து கதிரவனை கைது செய்த போலீசார் நகைகளை அடமானம் வைக்க கதிரவனுக்கு உதவியவர்களை தேடி வருகின்றனர்.