Published on 14/11/2018 | Edited on 14/11/2018
'சர்கார்' படத்தை தொடர்ந்து விஜய் - அட்லீ கூட்டணியில் உருவாகவுள்ள புதிய படம் இன்று பூஜையுடன் ஆரம்பமானது. முன்னதாக இந்த தகவல் அதிகாரபூர்வமாக அறிவிக்கப்படாத நிலையில் தற்போது இப்படத்தின் தயாரிப்பு நிறுவனமான ஏ.ஜி.எஸ் நிறுவனம் இப்படத்தில் வேலை செய்யும் தொழில்நுட்ப கலைஞர்களின் விவரத்தை வெளியிட்டு விஜய் - அட்லீ - ஏ.ஆர்.ரஹ்மான் கூட்டணியை உறுதி செய்து அதிகாரபூர்வ தகவலை சமூகவலைத்தளத்தில் வெளியிட்டுள்ளது. இது ரசிகர்களிடையே மிகுந்த உற்சாகத்தை ஏற்படுத்தியிருக்கின்ற நிலையில் இப்படத்தின் மற்ற நடிகர்கள், நடிகைகள், மற்றும் தொழில் நுட்ப கலைஞர்களின் பட்டியலை விரைவில் அறிவிப்பார்கள் என்று ரசிகர்கள் மத்தியில் எதிர்பார்க்கப்படுகிறது.
