Skip to main content

தொழில்நுட்பத்திலும் மாஸ் காட்ட ஆரம்பிக்கும் ரஜினிகாந்த்

Published on 07/03/2018 | Edited on 08/03/2018

rajinii


கடந்த ஆண்டு இறுதியில் அவரது அரசியல் பிரவேசம் குறித்து அறிவித்த ரஜினிகாந்த் பின்னர் ரசிகர் மன்றங்களை ஒருங்கிணைத்து ரஜினி மக்கள் மன்றம் என்று பெயர் மாற்றினார். தற்போது ரஜினி கட்சியில் உறுப்பினர்கள் சேர்க்கை நடந்து வருகிறது. ரஜினியும் ஒவ்வொரு மாவட்டத்திற்குமான நிர்வாகிகளை தேர்வு செய்து வரும் நிலையில் ரஜினிகாந்த் ஏற்கனவே டுவிட்டரில் ஆக்டிவாக இருந்து வருகிறார். இதில் அவரை 45 லட்சத்துக்கு மேற்பட்டோர் பின்தொடர்கின்றனர். இதையடுத்து தற்போது ரஜினி முகநூல் மற்றும் இன்ஸ்டாகிராம் பக்கங்களிலும் இணைந்திருக்கிறார். ரஜினிகாந்த் பெயரில் தொடங்கப்பட்ட இந்த பக்கத்தை இதுவரை ஒரேநாளில் 1 லட்சத்துக்கு மேற்பட்டோர் பின்பற்றி வருகின்றனர். இன்ஸ்ட்ராகிராம் பக்கத்தையும் 50 ஆயிரத்துக்கு மேற்பட்டோர்  பின்தொடர்கின்றனர். இதனால் ரசிகர்கள் பெரு மகிழ்ச்சி அடைந்து வருகின்றனர்.

https://www.facebook.com/Rajinikanth/

https://www.instagram.com/rajinikanth/

சார்ந்த செய்திகள்

Next Story

மலர் தூவி வரவேற்ற ரசிகர்கள்... லீலா பேலஸ் வந்தடைந்தார் ரஜினிகாந்த்! (படங்கள் )

Published on 12/03/2020 | Edited on 12/03/2020

 

அரசியல் கட்சி ஆரம்பிப்பது பற்றிய முக்கிய முடிவுகளை இன்று ரஜினிகாந்த் ஊடங்கங்களை சந்தித்து அறிவிக்க இருக்கிறார் என அறிவிப்புகள் வெளியான நிலையில், இன்று காலை முதல் ரஜினி மக்கள் மன்ற நிர்வாகிகள் ரஜினிகாந்த் வீடு உள்ள போயஸ் கார்டன் பகுதியில் குழுமினர். அப்பொழுது சில நிர்வாகிகள் கட்சி ஆரம்பித்தால் ரஜினிகாந்த் தான் கட்சியின் முதல்வர் வேட்பாளராக இருக்க வேண்டும் என தங்களது கருத்துகளை தெரிவித்தனர்.

போயஸ் கார்டன் இல்லத்தில் நடக்கும் நிர்வாகிகளுடனான ஆலோசனைக்கு பிறகு செய்தியாளரை அவர் சந்திக்க திட்டமிடப்பட்டிருந்தது. அதன்படி சென்னை லீலா பேலஸ் ஹோட்டலில் செய்தியாளர் சந்திப்புக்கு ஏற்பாடு செய்யப்பட்டு இன்று காலை 10 மணி அளவில் வீட்டில் இருந்து சென்னை லீலா பேலஸ் ஹோட்டலுக்கு புறப்பட்டார். அப்பொழுது அவரது ரசிகர்கள் அவரது கார் மீது பூக்கள் தூவி ஆரவாரம் செய்து வரவேற்றனர். லீலா பேலஸ் வந்தடைந்தார் ரஜினிகாந்த்.

அந்தச் சந்திப்பில் ரஜினிகாந்த் முக்கிய அறிவிப்பை வெளியிடுவார் என எதிர்பார்க்கப்படுகிறது.

 

 

Next Story

மா.செ.க்கள் மாற்றம்? ரஜினி அதிரடி முடிவு! மீண்டும் சத்திய நாராயணா!

Published on 04/03/2020 | Edited on 04/03/2020

குடியுரிமைத் திருத்தச் சட்டம், தேசிய குடியுரிமை பதிவேடு மற்றும் தேசிய மக்கள்தொகை பதிவேடு ஆகிய சட்ட திட்டங்கள் குறித்து நடிகர் ரஜினிகாந்த் சமீபத்தில் கருத்துத் தெரிவித்திருந்தார். ஏற்கனவே இந்தியா முழுவதும், இஸ்லாமியர்களும், மாணவர்களும் இந்த சட்டங்களுக்கு எதிராக போராடிவரும் நிலையில், ரஜினியின் கருத்துகள் விவாதத்தைக் கிளப்பின.

இதையடுத்து, இஸ்லாமிய மதகுருமார்கள் சிலர் ரஜினியை போயஸ் கார்டன் வீட்டில் வைத்து சந்தித்துப் பேசினர். மேலும், அரசியல் வல்லுனர்கள், மூத்த வழக்கறிஞர்கள் சிலரிடம் பேசிய ரஜினி, இந்த சட்டங்கள் குறித்த தனது நிலைப்பாட்டை மாற்றி இருக்கிறார் என்கிறது மக்கள் மன்றத் தரப்பு.

Rajini Action Result! Satya Narayana again!


இந்நிலையில், மார்ச் 05-ந்தேதி சென்னையில் உள்ள ராகவேந்திரா மண்டபத்தில், ரஜினி மக்கள் மன்றத்தின் மாவட்ட செயலாளர்கள் கூட்டத்தை ரஜினிகாந்த் கூட்டுகிறார்.

ரஜினிகாந்த் தனது அரசியல் பிரவேச முடிவை பொதுவெளியில் அறிவிப்பதற்கு முன்பு வரையும், ரஜினி மக்கள் மன்றத்தின் செயல்பாடுகள் மிகத் தீவிரமாக இருந்தன. ஆனால், அரசியல் அறிவிப்புக்குப் பிறகு தொடர்ச்சியாக நிலைப்பாட்டில் எடுக்கும் முடிவுகள், மாற்றங்கள், பாஜக ஆதரவுக் கருத்துகளைத் தெரிவிப்பது, சினிமா கால்ஷீட் ஒதுக்குவது போன்ற காரணங்களால், மன்றத்தினர் மந்தமான போக்கைக் கடைபிடிக்கத் தொடங்கினர். இதனால், உறுப்பினர் சேர்க்கை திட்டமிட்டதில் பாதியைக் கூட எட்டவில்லை.

எனவே, மிகக் குறுகிய கால அளவே நடக்கவிருக்கும் இந்தக் கூட்டத்தில், கட்சி தொடங்கலாமா வேண்டாமா என்பது குறித்து ரஜினிகாந்த் விவாதிக்க இருப்பதாகவும், மா.செ.க்களை மாற்றி அறிவிப்பதற்கான வாய்ப்புகள் இருப்பதாகவும் தகவல்கள் தெரிவிக்கின்றன

மக்கள் மன்றத் தரப்பிலோ, “தொடர்ந்து கருத்துகளை மாற்றி மாற்றிப் பேசுவது, பாஜகவுக்கு ஆதரவான நிலைப்பாடு எடுப்பது, போராட்டமே கூடாதென்பது போன்ற தலைவரின் சமீபத்திய செயல்பாடுகள் மக்கள் மத்தியில் எடுபடவில்லை. மக்கள் போராடுகிறார்கள். தலைவரோ போராடுகிறவர்களை சமூகவிரோதிகள் என்கிறார். அப்படி இருக்கையில், மக்களை எங்களால் எப்படி நெருங்கமுடியும். இதனை தலைமைக்கும் தெரியப்படுத்த இருக்கிறோம்” என்கிறார்கள்.

 

Rajini Action Result! Satya Narayana again!


இந்தக் கூட்டத்தின் மையப்புள்ளியே, ரஜினியின் ரசிகர் மன்றக் காலத்தில் இருந்து, ரஜினியோடு பயணிக்கும், முக்கிய முடிவுகளை எடுக்கும் சத்திய நாராயணாவின் ரீஎண்ட்ரிதான். ரஜினியின் அரசியல் பிரவேச அறிவிப்பில் இருந்து, ரஜினி மக்கள் மன்றப் பொறுப்புகள் சுதாகர் என்பவரின் கட்டுப்பாட்டுக்குள் வந்தன.

ரஜினியும் வேறு சில காரணங்களுக்காக சத்தியநாராயணாவை விலக்கி வைத்திருந்த நிலையில், ராகவேந்திரா மண்டபத்திற்கு வருவதைத் தவிர்த்து வந்தார். இந்நிலையில், மக்கள் மன்றப் பணிகளில் ஆல் இன் ஆலான சத்தியநாராயணா, சில வாரங்களாக ராகவேந்திரா மண்டபத்தில் தென்படுகிறார். சுதாகர் கட்டுப்பாட்டுக்குள் மக்கள் மன்றம் இருந்தபோது, ஆளாளுக்கு ஆவர்த்தனம் செய்யும் கூத்துகள் அரங்கேறின. இதனாலேயே, பழைய கசப்புகளை மறந்து மீண்டும் ரஜினி சத்திய நாராயாணாவை களமிறக்கி இருப்பதாக சொல்கிறார்கள்.