தமிழ் மற்றும் இந்தி சினிமாவில் கவனம் செலுத்தி வரும் மாதவன் இயக்குநராக அறிமுகமாகவுள்ள படம் 'ராக்கெட்ரி - நம்பி விளைவு'. இந்த படம் இஸ்ரோவில் பணியாற்றிய வான்வெளி ஆராய்ச்சியாளர் நம்பி நாராயணனின் வாழ்க்கை வரலாற்றை மையமாக வைத்து படமாக்கப்பட்டுள்ளது. இப்படத்தின் முதன்மை கதாபாத்திரமான நம்பி நாராயணன் கதாபாத்திரத்தில் மாதவன் நடித்துள்ளார். இப்படத்தின் ட்ரைலர் கடந்த ஆண்டு வெளியாகி பலரின் கவனத்தைப் பெற்றது.
இந்நிலையில் 'ராக்கெட்ரி - நம்பி விளைவு' படக்குழு தற்போது புதிய போஸ்டர் ஒன்றை வெளியிட்டுள்ளது. ரிலீசிற்கு சில நாட்களே உள்ள நிலையில் ரசிகர்களைக் கவரும் வகையில் இப்போஸ்டர் வெளிவந்துள்ளது. இதனை மாதவன் தனது ட்விட்டர் பக்கத்தில் வெளியிட்டுள்ளார். அதோடு "ஒரு சிறந்த விஞ்ஞானி, உண்மையான தேசபக்தர், கண் இமைக்கும் நேரத்தில் வில்லனாக மாறிய கதை" எனக் குறிப்பிட்டுள்ளார்.
ஏற்கனவே 'துபாய் எக்ஸோ 2022'-ல் இப்படத்தின் ட்ரைலர் ஒளிபரப்பு செய்யப்பட்ட போது பார்வையாளர்கள் எழுந்து நின்று கைதட்டிப் பாராட்டு தெரிவித்தனர். அதனையடுத்து சமீபத்தில் நடைபெற்ற 'கேன்ஸ் திரைப்பட விழாவில் இப்படம் திரையிடப்பட்டது, படத்தைப் பார்த்த ஏ.ஆர் ரஹ்மான் மற்றும் மத்திய தகவல் ஒலிபரப்புத் துறை அமைச்சர் அனுராக் தாகூர் உள்ளிட்ட பலரும் தங்களது வாழ்த்துக்களைத் தெரிவித்தனர். சர்வேதேச நாட்டு திரைப்படவிழாவில் பலரது பாராட்டுகளைக் குவித்துள்ளதால் ரசிகர்கள் மத்தியில் இப்படத்திற்கு எதிர்பார்ப்பு அதிகரித்து வருகிறது. இப்படம் வருகிற ஜூலை மாதம் 1-ஆம் தேதி உலகெங்கும் உள்ள திரையரங்குகளில் வெளியாகவுள்ளது குறிப்பிடத்தக்கது.
NEW POSTER “A LOT OF IMPERFECT PEOPLE TRYING TO MAKE A PERFECT WORLD” . #Rocketrythefilm 🚀🚀 The story of a great scientist, a true patriot, who was turned into a villain in the blink of an eye.
RELEASING JULY 1st. pic.twitter.com/8SRvRO5oZH— Ranganathan Madhavan (@ActorMadhavan) June 20, 2022
