'தடையறத் தாக்க' படத்தின் மூலம் பிரபலமானவர் இயக்குனர் மகிழ் திருமேனி. அதைத்தொடர்ந்தது அவர், ஆர்யாவை வைத்து 'மீகாமன்', அருண் விஜய் நடிப்பில் 'தடம்' ஆகிய படங்களை இயக்கியுள்ளார். அவரது இயக்கத்தில் கடைசியாக வெளியான படமான 'தடம்' பெரும் வெற்றியை பெற்றது.
இதனைத்தொடர்ந்து மகிழ் திருமேனியின் அடுத்த படத்தில் உதயநிதி ஸ்டாலின் நடிப்பார் என தகவல்கள் வெளியான நிலையில், அப்படத்தின் பணிகள் தொடங்கிவிட்டதாக அதிகாரப்பூர்வ அறிவிப்பு வெளியகியுள்ளது. இது குறித்த அறிவிப்பை உதயநிதி ஸ்டாலின் தனது ட்விட்டர் பக்கத்தில் வெளியிட்டுள்ளார். இப்படத்தில் கதாநாயகியாக, நிதி அகர்வால் நடிக்கிறார். இவர் ஏற்கனவே ஜெயம் ரவியுடன் 'பூமி', சிம்புவுடன் 'ஈஸ்வரன்' ஆகிய படங்களில் நடித்து வருகிறார்.
Work Begins #பணிகள் துவக்கம் @RedGiantMovies_ #ProductionNo14
— Udhay (@Udhaystalin) November 6, 2020
@AgerwalNidhhi #MagizhThirumeni@ArrolCorelli @dhillrajk #NBSrikanth #Ramalingam @madhankarky @teamaimpr pic.twitter.com/yZI83LgG5J
மகிழ் திருமேனி- உதயநிதி ஸ்டாலின் இணையும் இப்படத்தை, உதயநிதி ஸ்டாலினின் ரெட் ஜெயண்ட் மூவிஸ் நிறுவனம் தயாரிக்கிறது. உதயநிதி ஸ்டாலின் அடுத்ததாக ஆர்டிக்கள் 14 படத்தின் தமிழ் ரீமேக்கில் நடிக்கவிருக்கிறார். அதற்குப்பிறகு மகிழ் திருமேனியின் படத்தில் நடிப்பார் என எதிர்பார்க்கப்படுகிறது.
