தமிழ் மற்றும் தெலுங்கில் முன்னணி நடிகையாக இருந்து வரும் அமலா பால் சமீபகாலமாக கதாநாயகிகளுக்கு முக்கியத்துவம் கொடுக்கும் படங்களைத் தேர்வு செய்து நடித்து வருகிறார். திரைத்துறையில் தன்னுடைய நடிப்புத் திறமையால் பாராட்டுகளையும் விருதுகளையும் வாங்கிய அமலா பால் தற்போது புதிய முயற்சியாக அமலா பால் புரொடக்ஷன் என்ற தயாரிப்பு நிறுவனத்தை தொடங்கியுள்ளார். அமலா பால் நடிக்கும் அடுத்த படத்தை இந்தநிறுவனம் தயாரிக்கவுள்ளது.
இயக்குநர் அபிலாஷ் பிள்ளை இயக்கும் இப்படத்திற்கு 'கேடவர்' எனத் தலைப்பு வைக்கப்பட்டுள்ளது. அதுல்யா ரவி, ஹரிஷ் உத்தமன் உள்ளிட்டோர் படத்தின் முக்கியக் கதாபாத்திரங்களில் நடிக்கவுள்ளனர். இன்வெஸ்டிகேஷன் த்ரில்லர் ஜானரில் உருவாகும் இப்படத்திற்கு ஜாக்ஸ் பிஜாய் இசையமைக்கிறார். இத்தகவலைத் தனது ட்விட்டர் பக்கத்தில் வெளியிட்டுள்ள அமலா பால் அத்துடன் 'கேடவர்' படத்தின் போஸ்ட்டரையும் பகிர்ந்துள்ளார்.
இது தொடர்பாக அவர் வெளியிட்ட ட்விட்டர் பதிவில்," நான் சினிமாத்துறையில் 12 ஆண்டுகள், 144 மாதங்கள், 4380 நாட்களாக இருந்து வருகிறேன். இந்த 12 ஆண்டுகள் என் வாழ்க்கை செழுமையாக இருந்தது. நான் இப்போது அமலா பால் புரொடக்ஷன் என்ற தயாரிப்பு நிறுவனத்தை தொடங்கியுள்ளேன். இந்த புதிய முயற்சியில் எனக்கு உறுதுணையாக இருங்கள் " எனக் குறிப்பிட்டுள்ளார்.
I've been in the industry as an actress for 12 years,144 months, and 4380 days. It's been such an enriching and rewarding 12 years
— Amala Paul ⭐️ (@Amala_ams) October 26, 2021
I've now grown wings to venture into a new line of work. I'm starting my very own production house @AmalaPaulProd ❤️ (1/many) pic.twitter.com/KALeUBVf5I
