ரஜினிகாந்த் - ஷங்கர் கூட்டணியில் சமீபத்தில் வெளியான 2.0 படம் முதல் வார வசூல் ரூ.500 கோடியை தாண்டியுள்ளதாக படக்குழு அதிகாரப்பூர்வமாக அறிவித்துள்ளது. தமிழ் படங்களிலேயே அதிக வசூல் செய்த படம் என்ற சாதனையை இப்படம் நிகழ்த்தியுள்ளது. மேலும் அதிவேகமாக இச்சாதனையை நிகழ்த்திய படமாகவும் இது அமைந்துள்ளது. இன்னும் அடுத்தடுத்த வாரங்களில் வசூல் ரூ.1000 கோடியை விரைவில் எட்டும் என்று ரசிகர்கள் மத்தியில் எதிர்பார்க்கப்படுகிறது. இதற்கிடையே '2.0' படம் வரும்  2019 மே மாதம் சீனாவில் பிரம்மாண்டமாக 10,000 திரையரங்குகளில் வெளியாகவுள்ளது குறிப்பிடத்தக்கது.

ரஜினிகாந்த் - ஷங்கர் கூட்டணியில் சமீபத்தில் வெளியான '2.0' படம் 4 நாட்களில் படம் ரூ.400 கோடியை வசூலித்ததாக தகவல் வெளியானது. ரசிகர்களும் படத்தை தொடர்ந்து கொண்டாடி வரும் நிலையில் '2.0' படம் அடுத்த ஆண்டு மே மாதம் சீனாவில் பிரம்மாண்டமாக வெளியாகவுள்ளதாக லைகா நிறுவனம் அறிவித்துள்ளது. மேலும் இப்படத்தின் சீன வெளியீட்டு உரிமையை எச்.ஒய் மீடியோ கைப்பற்றியுள்ளது. சீன மொழில் டப்பிங் செய்யப்பட்டுள்ள இப்படம் 10,000 திரையரங்குகளில், 57,000 திரைகளில் வெளியிடவுள்ளதாக படக்குழு அறிவித்துள்ளது. அதிலும் 47,000 3டி திரைகளில் இப்படம் வெளியாகவுள்ளது. மேலும் இதன்மூலம் 3டியில் அதிக திரைகளில் வெளியாகும் வெளிநாட்டு படங்களின் பட்டியலில் '2.0' படமும் இடம்பிடித்துள்ளது.