மாஸ்டர் படத்தைத் தொடர்ந்து, நெல்சன் திலீப்குமார் இயக்கத்தில் உருவாகிவரும் பீஸ்ட் படத்தில் நடிகர் விஜய் கவனம் செலுத்திவருகிறார். இப்படத்தில் விஜய்க்கு ஜோடியாக பூஜா ஹெக்டே நடிக்கிறார். சன் பிக்சர்ஸ் நிறுவனம் தயாரிக்கும் இப்படத்திற்கு அனிருத் இசையமைக்கிறார். 'தளபதி 65' எனத் தற்காலிகமாகப் பெயரிட்டு படத்தின் படப்பிடிப்பைத் தொடங்கிய படக்குழு, ஜார்ஜியாவில் படப்பிடிப்பு நடத்திவந்தது. உலகம் முழுவதும் ஏற்பட்ட கரோனா பரவல் காரணமாக படப்பிடிப்பை பாதியில் கைவிட்டு படக்குழு இந்தியா திரும்பியது. பின், நீண்ட இடைவெளிக்குப் பிறகு சென்னையில் படப்பிடிப்பைத் தொடங்கிய படக்குழு, தற்போது முக்கிய காட்சிகளைப் படமாக்கிவருகிறது.
இந்த நிலையில், பீஸ்ட் படத்தில் நடிக்கும் நடிகர்களின் விவரங்களைப் படக்குழு வெளியிட்டு வருகிறது. இயக்குநர் செல்வராகவன் பீஸ்ட் படத்தில் முக்கிய கதாபாத்திரத்தில் நடிக்க உள்ளதாக சற்று நேரத்திற்கு முன்பு அறிவித்திருந்த நிலையில், தற்போது யோகி பாபு, வி.டி.வி. கணேஷ், அபர்ணா தாஸ், சைன் டாம் சக்கோ, அன்குர் அஜித் விகால், லில்லிபுட் ஃபாரிக்கி ஆகியோரும் நடிப்பதாக படக்குழு அறிவித்துள்ளது.
.@iYogiBabu, #VTVGanesh & #LiliputFaruqui join the cast of #Beast!@actorvijay @Nelsondilpkumar @anirudhofficial @hegdepooja#BeastCastUpdate pic.twitter.com/a27SKqlPMD
— Sun Pictures (@sunpictures) August 7, 2021
#ShineTomChacko, #AparnaDas & #AnkurAjitVikal join the cast of #Beast.@actorvijay @Nelsondilpkumar @anirudhofficial @hegdepooja#BeastCastUpdate pic.twitter.com/BswVNDX2O6
— Sun Pictures (@sunpictures) August 7, 2021
