Skip to main content

“அசிங்கப்படுத்தக்கூடிய முயற்சியில் தான் வந்தாங்க” - சமுத்திரக்கனி பகிர்வு

Published on 16/03/2024 | Edited on 16/03/2024
samuthirakani about adutha saattai release experience in Yaavarum Vallavare press meet

நடிகர் சமுத்திரக்கனி ஹீரோ, வில்லன், முக்கிய கதாபாத்திரம் என பல்வேறு படங்களில் நடித்து வருகிறார். அந்த வகையில் பிரபு திலக் தயாரிப்பில் என்.ஏ. ராஜேந்திர சக்ரவர்த்தி இயக்கத்தில் ‘யாவரும் வல்லவரே’ படத்தில் முதன்மை கதாபாத்திரத்தில் நடித்துள்ளார். யோகி பாபு, ராஜேந்திரன், ரமேஷ் திலக், இளவரசு, போஸ் வெங்கட், மயில்சாமி உள்ளிட்ட பலர் இப்படத்தில் முக்கிய கதாபாத்திரங்களில் நடித்துள்ளனர். என்.ஆர் ரகுநந்தன் இசையமைத்துள்ளார். இப்படம் நேற்று (15.03.2024) திரையரங்குகளில் வெளியானது. இதையொட்டி நக்கீரன் ஸ்டூடியோவிற்கு சமுத்திரக்கனி, இயக்குநர் ராஜேந்திர சக்ரவர்த்தி, இசையமைப்பாளர் ரகுநந்தன் ஆகியோர் பேட்டி கொடுத்துள்ளனர்.  

அப்போது சமுத்திரக்கனியிடம், சின்ன பட்ஜெட் படங்களுக்கு ரொம்ப அரிதாக மரியாதை கிடைப்பது தொடர்பாக கேள்வி முன்வைக்கப்பட்டது. அதற்கு பதிலளித்த சமுத்திரக்கனி, “அப்படியெல்லாம் இல்லை. சின்ன படங்கள் எடுத்தவர் பெரிய ஆளாக இருந்திருக்க வேண்டும். அவ்வுளவுதான். படத்தில் சின்ன படம், பெரிய படம் என்றெல்லாம் கிடையாது. இவுங்க ஒரு அளவு கோல் வச்சிருக்காங்க. சின்ன பட்ஜெட்டில் எடுத்த படங்கள் 300 கோடி கலெக்ட் பண்ண படமெல்லாம் இருக்கு. 200 கோடியில் பண்ண படமெல்லாம் ஓடாமலும் இருக்கு. அப்போ எது சின்ன படம். பெரிய படம். தரம் என்பது படைப்பில் இருக்கக்கூடியது தான். அதை யார் எடுத்து சேர்க்கிறார்கள் என்பது தான் முக்கியம். அளவீடுகளும் மதிப்பீடுகளும் வைக்கக் கூடியவங்க இந்த தளத்திலே இல்லாவதர்களாக இருக்காங்க. 

நான் நடித்த அடுத்த சாட்டை படம் ரிலீஸாகும் போது பயங்கர மழை. முதல் நாள் முதல் காட்சிக்கு தியேட்டருக்கு வர ரசிகர்கள் தடுமாறுனாங்க. பெரிய படமென்றால் குடை புடிச்சிகிட்டு வருவாங்க. இந்த படத்துக்கு பார்த்துகுவோம் என இருந்துட்டாங்க. வெள்ளி, சனி ஞாயிறு... நான் யார்கிட்ட பணம் வாங்கி படத்தை ரிலீஸ் பண்ணேனோ அவுங்க ஞாயிற்றுக்கிழமை என் ஆபிஸுக்கு வந்து நின்னுட்டாங்க. அவுங்களுக்கு கொடுக்கனும்-னா உழைச்சு சம்பாதிச்சு தான் கொடுக்கனும். அப்படி ஒரு நிலைமை எவனுக்குமே வரக் கூடாது. எனக்கு இறைவன் நடிப்பு என ஒன்னு கொடுத்ததால் தப்பிச்சேன். ஒரு எளிமையான ஒருத்தன் அப்படி மாட்டியிருந்தால் என்னவாயிருப்பான். உண்மையாகவே நம்மை அசிங்கப்படுத்தக்கூடிய முயற்சியில் தான் வந்து நின்னாங்க. எங்க போய் சொல்றது. எனக்கு தெரியும் படம் நல்ல படம், தகுதியான படம். சமூகத்துக்கு தேவையான படம். அந்த முடிவை எடுப்பவர்களுக்கும் படத்துக்கும் எந்த சம்பந்தமுமே கிடையாது. அப்படியே குத்தி கொன்னாங்க. அடுத்த வாரம் படம் தியேட்டர்ல இல்ல. ஆனால், கடன் வாங்கி அவுங்களுக்கு நான் காசு கொடுத்தேன். இது மாதிரி அனுபவம் தான் அடுத்து இது போன்ற படைப்பு எடுக்குறதுக்கு தூண்டவே மாட்டேங்குது. மனசே வரமாட்டேங்குது” என்றார். 

சார்ந்த செய்திகள்

Next Story

“இங்கு சரி செய்ய வேண்டியது அப்பாக்களைத் தான்” - சமுத்திரக்கனி 

Published on 27/04/2024 | Edited on 27/04/2024
samuthirakani speech in Ramam Ragavam Teaser Launch

சமுத்திரகனி, தனராஜ் கொரனானி, ஹரிஷ் உத்தமன் உள்ளிட்ட பலர் நடிப்பில் உருவாகியுள்ள படம் ராமம் ராகவம். ஸ்லேட் பென்சில் ஸ்டோரிஸ் தயாரிப்பில் தனராஜ் கொரனானியே இப்படத்தை இயக்கியும் உள்ளார். அருண் சிலுவேரு இப்படத்திற்கு இசையமைத்துள்ள நிலையில் இப்படத்தின் டீசர் வெளியாகியுள்ளது. இதையொட்டி நடந்த  விழாவில், படக்குழுவினரோடு பாலா, சூரி, பாண்டிராஜ் உள்ளிட்டோர் கலந்து கொண்டனர்.  

அப்போது சமுத்திரக்கனி பேசுகையில், “அப்பா கதை என்றாலே கேட்டுவிடுவது. அப்படித்தான் இந்த கதையையும் கேட்டேன். அப்பா மகன் உறவை புரிந்து கொள்ளவே முடியாது. நிறைய அப்பாக்கள் என்னிடம், மகனை பற்றி பேசியிருக்கிறார்கள். பத்து நாள் முன்னாடி கூட சிவகாசியில், ஒரு அப்பா, அவரின் மகனிடம் பேசச் சொன்னார். ஃபோனில் கேம் ஆடிக்கொண்டே இருக்கிறான், தப்பான வழியில் போய்விடுவானோ என பயமாக இருப்பதாக சொன்னார். பையனிடம் பேசினேன். அவனுக்கு ரொபோட்டிக் ரொம்ப பிடிக்கும் என்றும் அதை அவனே தயாரிக்கப் போவதாகவும் சொன்னான். 

அதோடு அதை அப்பாவால் புரிந்து கொள்ள முடியவில்லை என்றான். உடனே அவனின் அப்பாவிடம் பத்து நிமிஷம் பேசினேன். இங்கு சரி செய்ய வேண்டியது அப்பாக்களைத் தான். மகன் என்னமோ செய்ய வேண்டும் என நினைக்கிறான். அதை செய்யவிடுங்கள். உங்களுடைய அறிவை அவன் மூளையில் திணிக்காதீர்கள். எல்லோரும் அவரவர் இடத்தில் மிகச் சரியாக இருக்கிறார்கள்” என்றார்.  

Next Story

“மேக்கிங் தேவையில்லை; எமோஷனே போதும்” - வெற்றி குறித்து சூரி    

Published on 27/04/2024 | Edited on 27/04/2024
soori speech at samuthirakani Ramam Raghavam Teaser launch

சமுத்திரகனி, தனராஜ் கொரனானி, ஹரிஷ் உத்தமன் உள்ளிட்ட பலர் நடிப்பில் உருவாகியுள்ள படம் ராமம் ராகவம். ஸ்லேட் பென்சில் ஸ்டோரிஸ் தயாரிப்பில் தனராஜ் கொரனானியே இப்படத்தை இயக்கியும் உள்ளார். அருண் சிலுவேரு இப்படத்திற்கு இசையமைத்துள்ள நிலையில் டீசர் வெளியாகியுள்ளது. இதையொட்டி நடந்த டீசர் விழாவில், படக்குழுவினரோடு பாலா, சூரி, பாண்டிராஜ் உள்ளிட்டோர் கலந்து கொண்டனர்.  

அப்போது சூரி பேசுகையில், “வெண்ணிலா கபடி குழு படத்தை தெலுங்கில் ரீமேக் செய்த போது என்னுடைய கேரக்டரில் நடித்து, இங்கு என்னைவிட அங்கு அதிக வரவேற்பை பெற்றவர் தனராஜ். அப்போது முதல் என்னுடைய படங்கள் வெளியாகும் போதெல்லாம் எனக்கு ஃபோனில் பண்ணி பேசுவார். நிமிர்ந்து நில் படத்தில் இருவரும் இணைந்து நடித்த போது கூட நிறைய பேசுவோம். நான் பேசுவது அவருக்கு புரியாது, அவர் பேசுவது எனக்கு புரியாது. விடுதலை பார்த்துவிட்டு அரை மணிநேரம் பேசினார். டைரக்டர் எல்லாம் நடிகராக மாறிவரும் காலத்தில் ஒரு காமெடி ஆக்டர் டைரக்டராகி இருக்கிறார். அவருக்கு வாழ்த்துகள்.  

காமெடி நடிகரா ஒரு கூடுதல் நன்மை என்னவென்றால், ஹீரோவை விட அதிக படங்களில் நடித்திருப்போம். அதனால் நிறைய டைரக்டர்களுடன் வேலை பார்த்திருப்போம். அவர்களிடமிருந்து எதாவது ஒன்று தனராஜ் கத்துக்கிட்டு இருப்பார். அதை எல்லாமே இந்த படத்தில் பதிவு செய்திருப்பார் என நம்புறேன். பொதுவாக அப்பா மகன் கதையென்றால், மேக்கிங் பெரிதாக தேவையில்லை. இருவருக்கும் இடையிலான எமோஷன்களை சரியாக பதிவு செய்தால் போதும். அப்படி பதிவு செய்த படங்கள் தோற்றதில்லை. உதாரணத்திற்கு அப்பா, கேடி பில்லா கில்லாடி ரங்கா, யாரடி நீ மோகினி, முத்துக்கு முத்தாக, பாண்டிய நாடு என சொல்லிக்கொண்டே போகலாம். அதனால் இந்த படத்திலும் அப்பா மகன் எமோஷனை நன்றாக காட்டியிருப்பது போல் தெரிகிறது. அதனால் இந்த படமும் தோற்காது. சமுத்திரக்கனியை உண்மையான ஹீரோ என அவரிடம் பழகும் நிறைய பேர் சொல்வார்கள். அந்த வகையில் எனக்கும் அவர் ஹீரோ மாதிரி தான். எப்போதுமே பாசிட்டிவாக இருப்பார்” என்றார்.