மாப்பிள்ளை படம் மூலம் தமிழ் சினிமாவில் அறிமுகமாகி எங்கேயும் காதல், வேலாயுதம், ஒரு கல் ஒரு கண்ணாடி, மான் கராத்தே, ரோமியோ ஜூலியட் உள்ளிட்ட படங்கள் மூலம் பிரபலமானார் நடிகை ஹன்சிகா மோத்வானி. ஆரம்பத்தில் கொஞ்சம் குண்டான தோற்றத்துடன் நடித்த ஹன்சிகாவை ரசிகர்கள் அன்பாக குட்டி குஷ்பூ என்று அழைத்தனர். பிறகு வெற்றிகரமாக பப்லியான தோற்றத்துடன் முதல் ரவுண்டை முடித்த ஹன்சிகா தன் இரண்டாவது ரவுண்டில் சற்று மெலிந்து அழகான தோற்றத்துடன் மான் கராத்தே படம் மூலம் மீண்டும் ஒரு வந்தார். இதையடுத்து புகழின் உச்சியில் இருக்கும் போதே சமீபமாக அதிகப்படங்களில் நடிக்காமல் சில காலம் ஓய்வில் இருந்த ஹன்சிகா மீண்டும் மிகவும் உடல் மெலிந்த தோற்றத்துடன் வரும் டிசம்பர் 14ஆம் தேதி பிரமாண்டமாக வெளியாகவுள்ள 'துப்பாக்கி முனை' படம் மூலம் தனது மூன்றாவது ரவுண்டை வெற்றிகரமாக ஆரம்பித்துள்ளார். கலைப்புலி எஸ் தாணு தயாரிக்கும் இப்படத்தில் விக்ரம் பிரபு நாயகனாக நடிக்கிறார். மேலும் இந்த படத்தை தொடர்ந்து 100 மற்றும் மகா ஆகிய படங்களில் நடித்து வருகிறார் ஹன்சிகா.

விக்ரம் பிரபு கம்பீரமான போலீஸ் அதிகாரியாகவும், என்கவுன்டர் ஸ்பெ‌ஷலிஸ்டாகவும் நடித்துள்ள 'துப்பாக்கி முனை' படத்தை தினேஷ் செல்வராஜ் இயக்கியுள்ளார். ஹன்சிகா நாயகியாக நடிக்கும் இப்படத்தின் இறுதிக்கட்ட வேலைகள் விறுவிறுப்பாக நடைபெற்று வரும் நிலையில் படத்தின் தணிக்கை சான்றிதழ் தற்போது வெளியாகியுள்ளது. சமீபத்தில் வெளியான இப்படத்தின் டீசர் ரசிகர்களிடையே நல்ல வரவேற்பை பெற்றுவரும் நிலையில் தணிக்கைக் குழுவில் படத்திற்கு யு சான்றிதழ் கிடைத்துள்ளது. வி கிரியேஷன்ஸ் சார்பில் கலைப்புலி எஸ்.தாணு தயாரித்துள்ள இப்படத்தில் வேல.ராமமூர்த்தி, எம்.எஸ்.பாஸ்கர் ஆகியோர் முக்கிய கதாபாத்திரத்தில் நடித்துள்ளனர்.