'புதிய மன்னர்கள்' படம் மூலம் அறிமுகமாகி விஜய்யின் 'லவ் டுடே' படம் மூலம் பிரபாலானவர் நடிகர் ஸ்ரீமன். இவர் விஜய்யுடன் இணைந்து 'நிலாவே வா', 'நெஞ்சினிலே', 'ப்ரெண்ட்ஸ்', 'வசீகரா', 'போக்கிரி', 'வில்லு', 'சுறா', 'பைரவா' மற்றும் 'மாஸ்டர்' உள்ளிட்ட படங்களில் நடித்துள்ள நிலையில் நடிகர் ஸ்ரீமன் விஜய்யுடன் பழகிய அனுபவம், நாட்கள் குறித்து சமூகவலைத்தளத்தில் போக்கிரி படத்தின் புகைப்படத்தோடு பதிவிட்டுள்ளார். அதில்...
 

''தளபதி, என் ஆருயிர் நண்பா - என் சகோதரர் லெஜண்ட் பிரபுதேவா மாஸ்டர், பணிவான & அழகான தயாரிப்பாளர் ரமேஷ் அண்ணா. கடவுளே, போக்கிரியில் எத்தனை இனிமையான நினைவுகள். என்னையும், நாசர் சார் இறந்த உடலைக் காண விஜய் ஓடிவரும் காட்சியில், தியேட்டரில் கேட்ட விசில் ஒலி எனக்கு இன்னும் நினைவிருக்கிறது. மாஸ்டருக்காகக் காத்திருக்கிறேன்'' எனப் பதிவிட்டு நெகிழ்ந்துள்ளார்.


 

பேட்ட படத்தை தொடர்ந்து ரஜினிகாந்த், ஏ.ஆர். முருகதாஸ் இயக்கத்தில் தர்பார் படத்தில் நடித்து வருகிறார். ஆக்‌ஷன் த்ரில்லராக உருவாகி வரும் இப்படத்தின் ஷூட்டிங் மும்பையில் நடைபெற்று வருகிறது. ஏற்கனவே முதல் கட்ட ஷூட்டிங் நடைபெற்று முடிந்த நிலையில் சிறிய இடைவேளைக்கு பின்னர் இரண்டாம் கட்ட ஷூட்டிங் மே 29ஆம் தேதி தொடங்கியுள்ளது.
 

இப்படத்தில் ஹீரோயினாக நயன்தாரா நடிக்க, ரஜினியின் மகளாக நிவேதா தாமஸ் நடிக்கிறார். மேலும், சுனில் ஷெட்டி, யோகி பாபு, ஆனந்த் ராஜ், போஸ் வெங்கட் ஆகியோரும் நடிக்கின்றனர். 
 

தளபதி படத்திற்கு பின்னர் ரஜினி படத்தில் சந்தோஷ் சிவன் ஒளிப்பதிவு மேற்கொள்ள, ஸ்ரீகர் பிரசாத் படத்தொகுப்பு செய்கிறார். பேட்ட படத்தை தொடர்ந்து இப்படத்திற்கு அனிருத்தான் இசை அமைக்கிறார்.
 

இந்நிலையில் ஸ்ரீமன் இப்படத்தில் முக்கிய கதாபாத்திரத்தில் நடிக்கிறார். இதுகுறித்து அவர் ட்விட்டரில் தெரிவித்துள்ளதாவது. “19 வருடங்களுக்குப் பிறகு ஏ.ஆர்.முருகதாஸ் இயக்கத்தில் நடிக்கிறேன். என் சினிமா வாழ்க்கையிலேயே முதன்முறையாக தலைவர் ரஜினியுடன் நடிக்கும் வாய்ப்பு கிடைத்துள்ளது. சந்தோஷ் சிவன் ஒளிப்பதிவில் நடிப்பது மகிழ்ச்சி. இந்த வாய்ப்பை ஏற்படுத்திக் கொடுத்த இயக்குநர் ஏ.ஆர்.முருகதாஸுக்கும், லைகா நிறுவனத்துக்கும் நன்றி” என்று பதிவிட்டுள்ளார்.