அட்லி இயக்கத்தில் விஜய் நடிப்பில் உருவாகி தீபாவளிக்கு வெளியான படம் பிகில். ரசிகர்களும், குடும்பங்களும் கொண்டாடும் படமாக இது இருக்க, விறுவிறுவென 200 கோடி வசூலை குவித்துள்ளது. இந்த படத்தில் விஜய்க்கு ஜோடியாக நயன்தாரா நடிக்க, மகளிர் கால்பந்தாட்ட வீராங்கனைகளாக இந்துஜா, இந்திரஜா, அம்ரதா, வர்ஷா உள்ளிட்ட பல நடிகைகள் நடித்துள்ளனர்.
இந்த படத்தின் ஒரு காட்சியில் இந்திரஜாவை குண்டம்மா என்று விஜய் கூறுவதுபோல் ஒரு காட்சி அமைந்திருக்கும். இதனால் படத்தை பார்த்த பலரும் உருவகேலி செய்வதுபோன்று இருக்கிறது இந்த காட்சி. அட்லி இந்த காட்சியை நீக்க வேண்டும் என்று சமூக வலைதளத்தில் பலரும் பதிவிட்டு வந்தனர். சிலர் அது உருவகேலி இல்லை, சாதாரனமான ஒரு காட்சி என்று கூறிவந்தனர். இந்திரஜா, நடிகர் ரோபோ சங்கரின் மகள் என்பது குறிப்பிடத்தக்கது.
இந்நிலையில் பிகில் படத்தில் தன்னுடைய கதாபாத்திரம் குறித்து ஒரு பேட்டில் இந்திரஜா கூறியிருக்கிறார். அதில், “என்னை குண்டம்மா என்று பேசுவதற்கு விஜய் சார் முதலில் தயங்கினார். படத்தின் காட்சிகளுக்கு அது தேவைப்பட்டதால் மட்டுமே அப்படி நடித்தார். எவ்வித சங்கடமும் இல்லாமல் நானும் நடித்தேன். ஆனாலும், அந்தக் காட்சி படமாக்கி முடிந்தவுடன் என்னிடம் வந்து 'குண்டம்மா' என்று சொல்லி நடித்ததற்கு மன்னிப்புக் கேட்டார்
