Published on 12/01/2019 | Edited on 12/01/2019
ட்ரீம் வாரியர்ஸ் பிக்சர்ஸ் சார்பில் எஸ்.ஆர்.பிரபு தயாரிக்கும் 'என்.ஜி.கே' படம் சூர்யா - செல்வராகவன் கூட்டணியில் பிரமாண்டமாக உருவாகி வருகிறது. அரசியல் கலந்த திரில்லர் படமாக உருவாகும் இப்படத்தில் நாயகிகளாக சாய் பல்லவி, ரகுல் ப்ரீத்தி சிங் ஆகியோர் நடிக்கின்றனர். இப்படத்தின் இறுதிகட்ட படப்பிடிப்பு முடியும் தருவாயில் உள்ள நிலையில் படத்தின் போஸ்ட் புரொடக்ஷன்ஸ் பணிகள் தற்போது துவங்கவிருப்பதாக தகவல் வெளியாகியுள்ளது. சரத்குமார், ஜெகபதி பாபு, பாலா சிங், மன்சூர் அலி கான், முரளி சர்மா, சம்பத் ராஜ் உள்ளிட்ட பலரும் முக்கிய கதாபாத்திரங்களில் நடிக்கும் இப்படம் வரும் கோடை விடுமுறையில் வெளியிட படக்குழு திட்டமிட்டுள்ளதாக தகவல் வெளியாகியுள்ளது.
