Skip to main content

குழந்தைக்கு தாயான நந்திதா ஸ்வேதா  

Published on 16/05/2018 | Edited on 17/05/2018
irumbu thirai.jpeg

 

 

 

nandita


ஜி.ஆர். மூவி மேக்கர்ஸ் பட நிறுவனம் சார்பில் தயாராகும் 'நர்மதா' படப்பிடிப்பு நேற்று நாகர்கோயிலில் பூஜையுடன் தொடங்கியது. நந்திதா ஸ்வேதா நாயகியாக நடிக்கும் இப்படத்தில் விஜய் வசந்த், எம்.எஸ். பாஸ்கர், சந்தோஷ் பிரதாப் ஆகியோர் முக்கிய வேடத்தில் நடிக்கின்றனர். தாய்-மகன் பாசத்தைப்பற்றி பேசும் படமாக உருவாகும் இப்படத்தை அறிமுக இயக்குனர் கீதா ராஜ்புத் இயக்குகிறார்.

 

 


பாலாவின் 'தாரை தப்பட்டை' படத்தில் உதவி இயக்குனராக பணியாற்றிய இவர் இப்படத்தை பற்றி பேசும்போது... 
"எமோஷனல் பேமிலி எண்டர்டெயின்மெண்ட் டிராமா ஜேனரில் உருவாகும் திரைப்படம் இது. தாய்க்கும் மகனுக்கும் உள்ள பாசபிணைப்பை நெகிழ்ச்சியான பயணத்தின் பின்னணியில் உணர்வுபூர்வமாகச் சொல்கிறேன். இதில் கதையின் நாயகியாக நடித்திருக்கும் நந்திதா ஸ்வேதா, ஏழு வயது ஆண் குழந்தைக்கு தாயாக நடிக்கிறார். கதையின் நாயகனாக நடிக்கும் விஜய் வசந்த் இதுவரை திரையில் பார்த்திராத புதிய கேரக்டரில் நடிக்கிறார். இந்த படத்தில் கௌரவ வேடத்தில் நடிக்க முன்னணி நடிகர் ஒருவருடன் பேச்சு வார்த்தை நடைபெற்று வருகிறது. நாகர்கோயிலில் இப்படத்திற்காக பிரம்மாண்டமான முறையில் இயற்கை வளத்துடன் கூடிய திறந்த வெளி அரங்கம் ஒன்று அமைக்கப்பட்டுள்ளது. படத்தின் படபிடிப்பு இன்று பூஜையுடன் தொடங்கியது" என்றார்.

சார்ந்த செய்திகள்

Next Story

அடுத்தடுத்து வித்தியாசமான 'அட்டகத்தி' நந்திதா !

Published on 17/08/2018 | Edited on 19/08/2018
nandita


நடிகை நந்திதா நடிப்பில் 'அசுரவதம்' படம் சமீபத்தில் வெளியாகி, இதில் நந்திதாவின் பாத்திரம் நல்ல பெயர் பெற்றது. இவர் தற்போது 'நர்மதா' என்ற படத்தில் நடித்து வருகிறார். பாலாவின் உதவியாளர் கீதா ராஜ்புத் இயக்கும் இப்படத்தில் நந்திதா பள்ளி மாணவி, கர்ப்பிணி, ஒரு குழந்தைக்கு தாய் என மூன்று விதமான தோற்றத்தில் நடிக்கிறார். ஒரு பள்ளி மாணவி கர்ப்பமாகி அந்தக் குழந்தையை பெற்றெடுத்து வளர்க்க போராடுகிற கதையாக இப்படம் உருவாகிறது. மேலும் இதில் விஜய் வசந்த் முக்கிய கேரக்டரில் நடிக்கிறார். நந்திதா முதல்முறையாக நாயகியை மையப்படுத்திய கதையில் நடிப்பதால் இந்தப் படம் அவருக்கு இன்னொரு பரிமாணத்தை கொடுக்கும் எதிர்பார்க்கப்படுகிறது.

 

 

 

 

Next Story

நந்திதாவின் சதுரங்கவேட்டை!

Published on 02/08/2018 | Edited on 04/08/2018

 

maniyarfamily

 

nandita

 

 

 

'அட்டக்கத்தி' படம் மூலம் தமிழில் அறிமுகமான நடிகை நந்திதா தற்போது தெலுங்கில் பிசியாக நடித்து வருகிறார்.  தெலுங்கில் இவர் நடிப்பில் வெளியான முதல் படமான 'எக்கடக்கி போத்தாவா சின்னவாடா'  என்ற படம் பெரிய வசூலைக் குவித்ததால் தெலுங்கில் வெற்றிகரமான நடிகை என்று பெயர் பெற்றுள்ளார். மேலும் இவர் அண்மையில் சப்தமில்லாமல் ஐந்து தெலுங்கு படங்களில் நடித்திருக்கிறார். இது குறித்து தற்போது நந்திதா பேசும்போது.... "தெலுங்கின் முன்னணி தயாரிப்பாளரான தில் ராஜுவின் தயாரிப்பில் உருவாகியிருக்கும் 'சீனிவாசா கல்யாணம்' என்ற படத்தில் பத்மாவதி என்ற கிராமிய பின்னணியிலான கேரக்டரில் நடித்திருக்கிறேன். குடும்ப பாங்கான படங்களை தயாரித்து வெற்றி கண்ட தயாரிப்பாளர் தில்ராஜுவின் இந்த படம் வரும் ஆகஸ்ட் 9ஆம் தேதி வெளியாகிறது.

இந்த படத்தில் பல வீர தீர காட்சிகளில் டூப் போடாமல் நடித்திருக்கிறேன். தற்போது இந்த படத்தின் விளம்பரப்படுத்தும் நிகழ்வுகளில் கலந்து கொண்டு வருகிறேன். இதற்கு முன் 'சதுரங்க வேட்டை' படத்தின் தெலுங்கு ரீமேக்கில் நடித்து முடித்திருக்கிறேன். தமிழில் வெளியான டார்லிங் 2 படத்தின் தெலுங்கு ரீமேக்கான 'பிரேம கதாசித்திரம் 2' படத்திலும் நடித்து வருகிறேன். இதற்கான படபிடிப்பு இம்மாதம் தொடங்குகிறது. தமிழில் வைபவ் உடன் ஒரு படத்திலும், 'நர்மதா' என்ற படத்திலும் நடித்து வருகிறேன். கன்னடத்தில் முன்னணி ஹீரோவுடன் நடிக்க விரைவில் ஒப்பந்தமாகவிருக்கிறேன்'' என்றார். தமிழ், தெலுங்கு, கன்னடம் என பல மொழிகளிலும் தனக்கேற்ற வேடங்களைத் தேர்ந்தெடுத்து தொடர்ச்சியாக நடித்து வரும் நந்திதா தற்போது பிசியான நடிகைகள் பட்டியலில் இணைந்துள்ளார்.

 

 

 

b