தெலுங்கில் ஹிட்டடித்த அர்ஜுன் ரெட்டி தமிழ் ரீமேக்கை இ4 என்டர்டெயின்மெண்ட் தயாரிபில் இயக்குனர் பாலா இயக்கி வருகிறார். நேபாளத்தில் இந்த படத்தின் முதற்கட்ட படப்பிடிப்பு துவங்கி முடிந்த நிலையில், தற்போது அடுத்த கட்ட படப்பிடிப்பு சென்னை, ஐதராபாத்தில் நடைபெற இருக்கிறது. விக்ரம் மகன் துருவ் விக்ரம் நாயகனாக அறிமுகமாகும் இந்த படத்தில் நாயகியாக கவுதமியின் மகள் சுப்புலட்சுமி தமிழ் சினிமாவில் அறிமுகமாக இருப்பதாக சமீபத்தில் தகவல் வெளியானது. இந்நிலையில் அந்த தகவல் குறித்து கவுதமி அவரது டுவிட்டர் பக்கத்தில் தெரிவித்துள்ளார். அதில்..."எனது மகள் சுப்புலட்சுமி, சினிமாவில் அறிமுகமாகவதாக செய்திகள் வெளியாகி இருக்கின்றன. அதில் உண்மை இல்லை. சுப்புலட்சுமி தற்போது அவளது மேற்படிப்பில் பிசியாகிவிட்டார். எனவே தற்போது படங்களில் நடிக்கும் எண்ணம் இல்லை, உங்கள் அன்புக்கு நன்றி" என்று பதிவிட்டுள்ளார்.
மகள் நடிக்கும் படத்தை குறித்து விளக்கமளித்த கவுதமி
சார்ந்த செய்திகள்
Next Story
விக்ரம் மகனுக்கு வைரமுத்து எழுதிய ஸ்பெஷல் பாடல்
விஜய் தேவரகொண்டா நடிப்பில் வெளியாகி தெலுங்கில் மாபெரும் வெற்றிபெற்ற அர்ஜுன் ரெட்டி படத்தின் தமிழ் ரீமேக்கான 'வர்மா' படத்தை இயக்குனர் பாலா இயக்க, விக்ரமின் மகன் துருவ் விக்ரம் ஹீரோவாக அறிமுகமாகிறார். நாயகியாக புதுமுகம் மேகா சவுத்ரி நடிக்கும் இப்படத்தின் படப்பிடிப்புகள் அனைத்தும் முடிந்து தற்போது இறுதிக்கட்ட பணிகள் விறுவிறுப்பாக நடைபெற்று வரும் நிலையில் இப்படத்தின் 'விண்ணோடும் மண்ணோடும்' என தொடங்கும் சிங்கிள் பாடல் நேற்று வெளியாகி நல்ல வரவரவேற்பை பெற்றுவருகிறது. இப்பாடலை கவிப்பேரரசு வைரமுத்து எழுதியுள்ளார். மேலும் 'வர்மா' படத்தின் திரையரங்கு உரிமையை சக்தி பிலிம் பேக்டரி சார்பில் சக்திவேலன் கைப்பற்றியிருக்கிறார். படத்தை வரும் பிப்ரவரியில், காதலர் தினத்தை முன்னிட்டு ரிலீஸ் செய்ய படக்குழு திட்டமிடப்பட்டுள்ளனர் இந்தப் படத்துக்கு ‘குக்கூ’, ‘ஜோக்கர்’ படங்களை இயக்குனர் ராஜு முருகன் வசனம் எழுதியுள்ளார் என்பது குறிப்பிடத்தக்கது.