இயக்குநர் சீனு ராமசாமிக்கு வாழ்த்து தெரிவித்த பாரதிராஜா!

கடந்த 2007ஆம் ஆண்டு வெளியான கூடல் நகர் படத்தின் மூலம் இயக்குநராக அறிமுகமான சீனு ராமசாமி, தென்மேற்கு பருவக்காற்று, நீர்ப்பறவை என அடுத்தடுத்து வெற்றிப்படங்களை இயக்கி முன்னணி இயக்குநர் அந்தஸ்திற்கு உயர்ந்தார். அவரது இயக்கத்தில் தற்போது இடிமுழக்கம் படம் உருவாகி வருகிறது. இப்படத்தில் ஜி.வி.பிரகாஷ் நாயகனாக நடித்துள்ளார்.

இந்த நிலையில், இயக்குநர் சீனு ராமசாமி இன்று தனது பிறந்த நாளைக் கொண்டாடுகிறார். அதனை முன்னிட்டு, ரசிகர்கள், திரைப்பிரபலங்கள் எனப் பலரும் அவருக்கு வாழ்த்துத் தெரிவித்து வருகின்றனர். அந்த வகையில், சீனு ராமசாமிக்கு வாழ்த்துத் தெரிவித்து இயக்குநர் இமயம் பாரதிராஜா ஒரு ட்விட்டர் பதிவினை வெளியிட்டுள்ளார்.

alt="ad " data-align="center" data-entity-type="file" data-entity-uuid="697f4508-5a26-4276-8a32-390520fd2e03" src="https://www.nakkheeran.in/sites/default/files/inline-images/udanpirappe-article-inside-500x300_44.jpg" />

அப்பதிவில், "நான் சொல்ல மறந்த கதைக்களத்தை, கதாபாத்திரங்களை, என் மண்ணின் உறவுகளை உயிரோட்டமாக படம் பிடித்து, தேசிய விருதுகளை வென்றெடுத்த என் பாசத்துக்குரிய திரு. சீனு ராமசாமிக்கு இனிய பிறந்தநாள் வாழ்த்துகள்" எனக் குறிப்பிட்டுள்ளார்.