Published on 23/12/2022 | Edited on 23/12/2022
தெலுங்கில் பிரபலமான நடிகர், தயாரிப்பாளர், இயக்குநர் என்ற பன்முகத் தன்மை கொண்ட ஆளுமை கைகலா சத்யநாராயணா வயது மூப்பு காரணமாக இன்று காலமானார். அவருக்கு வயது 86.
இந்த வருடத்தின் ஆரம்பத்திலிருந்தே உடல்நிலை சரியில்லாமல் இருந்த அவரை மருத்துவமனையில் அனுமதித்து தீவிர சிகிச்சை அளித்து வந்தனர். சில நாட்களுக்கு முன்பு குணமடைந்து வீடு திரும்பியவர், மீண்டும் மூச்சுத்திணறல் ஏற்பட்டு மருத்துவமனையில் அனுமதிக்கப்பட்டு சிகிச்சை பலனின்றி காலமானார்.
தெலுங்கில் பல படங்களில் நடித்து பிரபலமான இவர், தமிழில் கமல்ஹாசனின் 'பஞ்சதந்திரம்' படத்தில் ஸ்ரீமன் மாமனாராக நடித்து தமிழ் ரசிகர்கள் மத்தியில் அறிமுகமும் பிரபலமும் ஆனவர். சத்யராஜ் நடித்த பெரியார் வாழ்க்கை வரலாற்று திரைப்படத்தில் பெரியாரின் தந்தை கதாபாத்திரத்தில் நடித்து இருந்தார் என்பது குறிப்பிடத்தக்கது.
