Skip to main content

நிக்கி கல்ராணி வீட்டில் டும்டும்டும்; வைரலாகும் நிச்சயதார்த்த புகைப்படங்கள்

Published on 26/03/2022 | Edited on 26/03/2022

 

'டார்லிங்' படத்தின் மூலம் தமிழ் சினிமாவில் நடிகையாக அறிமுகமான நிக்கி கல்ராணி முதல் படத்திலேயே பலரின் கவனத்தை பெற்றார். இதனைத்தொடர்ந்து 'வேலைன்னு வந்துட்டா வெள்ளைக்காரன்', 'கலகலப்பு 2', 'மொட்டை சிவா கேட்ட சிவா', 'மரகத நாணயம்' என பல படங்களில் நடித்து ரசிகர்களிடையே பிரபலமானார். இதனிடையே 'மரகத நாணயம்' படத்தில் நடித்த ஆதியும் நிக்கி கல்ராணியும் காதலிப்பதாகவும், விரைவில் திருமணம் நடைபெற உள்ளதாகவும்  தகவல் வெளியாகியது.

 

இந்நிலையில் ஆதி - நிக்கி கல்ராணி இருவருக்கும் நேற்று முன்தினம் நிச்சயதார்த்தம் நடைபெற்றுள்ளது. இத்தகவலை தனது ட்விட்டர் பக்கத்தில் பகிர்ந்த நிக்கி கல்ராணி, தங்களது நிச்சயதார்த்தத்தில் எடுக்கப்பட்ட புகைப்படங்களை  வெளியிட்டுள்ளார். தற்போது அந்த புகைப்படங்கள் சமூக வலைத்தளங்களில் வைரலாகி வருகிறது.

 

 

சார்ந்த செய்திகள்

Next Story

உருவாகும் மரகத நாணயம் 2

Published on 27/07/2023 | Edited on 27/07/2023

 

Maragadha Naanayam 2

 

ஏஆர்கே சரவன் இயக்கத்தில் ஆதி, நிக்கி கல்ராணி நடிப்பில் கடந்த 2017 ஆம் ஆண்டு வெளியான படம் 'மரகத நாணயம்'. ஃபேண்டஸி காமெடி படமாக வெளியான இப்படம் ரசிகர்கள் மத்தியில் நல்ல வரவேற்பைப் பெற்றது. டில்லிபாபு தயாரித்திருந்த இப்படத்திற்கு திபு நைனன் தாமஸ் இசையமைத்திருந்தார். படத்தில் இடம்பெற்ற 'நீ கவிதைகளா...' பாடல் இளைஞர்கள் மத்தியில் இன்றும் கொண்டாடப்பட்டு வருகிறது.

 

இந்நிலையில் இப்படத்தின் இரண்டாம் பாகம் உருவாகவுள்ளதாகப் படத்தின் இயக்குநர் சரவன் தெரிவித்துள்ளார். படத்தை, முதல் பாகத்தைத் தயாரித்த டில்லிபாபுவே அவரது ஆக்சஸ் ஃபிலிம் ஃபேக்டரி நிறுவனம் சார்பில் தயாரிக்கிறார். விரைவில் ஹீரோ, ஹீரோயின் மற்றும் மற்ற தொழில்நுட்பக் கலைஞர்கள் பற்றிய அப்டேட் விரைவில் வெளியாகும் என எதிர்பார்க்கப்படுகிறது. மேலும் படத்திற்கு எதிர்பார்ப்பு உருவாகியுள்ளது.    

 

 

 

Next Story

"உண்மையில் அந்த பழக்கமே எனக்கு இல்லை" - ஹன்சிகா

Published on 03/07/2023 | Edited on 03/07/2023

 

hansika about Partner movie

 

ஆதி, ஹன்சிகா மோத்வானி, பாலக் லால்வானி, யோகி பாபு, பாண்டியராஜன் உள்ளிட்ட பலர் நடித்து அறிமுக இயக்குநர் மனோஜ் தாமோதரன் இயக்கியிருக்கும் படம் பாட்னர். இப்படத்திற்கு சந்தோஷ் தயாநிதி இசையமைத்திருக்கிறார். நகைச்சுவையை மையப்படுத்தி தயாராகி இருக்கும் இந்த திரைப்படத்தை ராயல் ஃபார்ச்சூனா கிரியேஷன்ஸ் எனும் பட நிறுவனம் சார்பில் தயாரிப்பாளர் கோலி சூரியபிரகாஷ் தயாரித்திருக்கிறார்.

 

இப்படத்தின் ட்ரைலர் அண்மையில் வெளியாகி ரசிகர்களின் வரவேற்பைப் பெற்று வருகிறது. இம்மாதம் இப்படம் வெளியாகவுள்ளதாக படக்குழு குறிப்பிட்ட நிலையில் விரைவில் தேதி அறிவிப்பார்கள் என எதிர்பார்க்கப்படுகிறது. 

 

இப்படம் குறித்து ஹன்சிகா பேசுகையில், "திரைத்துறையில் 20 ஆண்டுகளைக் கடந்துள்ளேன். சினிமாவை தாண்டி 31 குழந்தைகளை தத்தெடுத்து வளர்த்து வருவதால் அவர்களுக்கான கல்வி விஷயங்களுக்கும் முக்கியத்துவம் கொடுத்து வருகிறேன். இதுவரை நான் நடித்த கதாபாத்திரங்களில் மது சம்பந்தமான காட்சிகள் ஹிட்டாகி ட்ரெண்டானது. அது போன்ற காட்சிகள் இப்படத்திலும் இருக்கிறது. ஆனால், உண்மையில் எனக்கு குடிப்பழக்கமே கிடையாது. ஒரு ஆண் பெண் ்உருவத்திற்கு மாறினால் எப்படி இருக்கும் என்ற கதாபாத்திரத்தில் நான் நடித்தது சவாலாக இருந்தது. கதாபாத்திரம் பிடித்துவிட்டதால் நடித்தேன். ரசிகர்களுக்கு இப்படம் கண்டிப்பாக பிடிக்கும்" என்றார்.