Skip to main content

ஹார்லிக்ஸை யூனிலீவருக்கு விற்றது ஜி.எஸ்.கே! - விலை எத்தனை கோடி தெரியுமா?

Published on 04/12/2018 | Edited on 04/12/2018

கிளாஸ்கோ ஸ்மித் க்ளைன் (ஜி.எஸ்.கே) நிறுவனத்தின் இந்தியத் தாயாரிப்பான ஹார்லிக்ஸ் பிராண்டை ரூ 31,700 கோடிக்கு யூனிலீவர் நிறுவனம் வாங்கியுள்ளது. 

 

uu

 

 

ஆங்கிலோ-டச்சு நிறுவனத்தின் இந்தியா நிறுவனமான ஹிந்துஸ்தான் யூனிலீவர் நிறுவனம் ரூ 31,700 கோடிக்கு ஜி.எஸ்.கே நிறுவனத்தின் தயாரிப்புகளான ஹார்லிக்ஸ், பூஸ்ட் மற்றும் விவா ஆகிய மூன்று பிராண்டுகளை வாங்கியுள்ளது. இதனுடன் சேர்ந்து ஜி.எஸ்.கே நிறுவனத்தில் இருக்கும் 4,000 பணியாளர்களும் ஹிந்துஸ்தான் நிறுவனத்தில் இணைகிறார்கள் என்பது குறிப்பிடத்தக்கது. மேலும் இதன் மூலம் இந்தியாவில் ஏழு மில்லியன் சில்லறை கடைகளையும் தன்வசமாக்குகிறது ஹிந்துஸ்தான் யூனிலீவர் நிறுவனம். 

 
இந்தியாவில் ஊட்டச்சத்துப் பொருள்களின் விற்பனையில் ஹார்லிக்ஸ் 43% விற்பனையுடன் முதலிடத்தில் உள்ளது. மேலும் ஹார்லிக்ஸ் பிராண்ட் 140 ஆண்டுகள் பழைமைவாய்ந்தது என்பது குறிப்பிடத்தக்கது. 

 

 

சார்ந்த செய்திகள்

Next Story

126 ஆண்டுகளில் முதன்முறையாகப் பாட்டா நிறுவன சி.இ.ஓ. பதவியில் இந்தியர்...

Published on 01/12/2020 | Edited on 01/12/2020

 

sandeep kataria to be ceo of bata

 

 

பாட்டா நிறுவனத்தின் சர்வதேச தலைமை செயல் அதிகாரியாக இந்தியாவைச் சேர்ந்த சந்தீப் கட்டாரியா தேர்ந்தெடுக்கப்பட்டுள்ளார். 

 

செக் குடியரசு நாட்டை சேர்ந்த பாட்டா நிறுவனம் 1894 முதல் காலணி தயாரிப்பில் ஈடுபட்டு வருகிறது. காலணி சந்தையில் உலகின் முன்னணி நிறுவனங்களின் ஒன்றான பாட்டாவில், இந்தியாவைச் சேர்ந்த சந்தீப் கட்டாரியா சர்வதேச தலைமை செயல் அதிகாரியாகத் தேர்ந்தெடுக்கப்பட்டுள்ளார். பாட்டா நிறுவனத்தின் தலைமை செயல் அதிகாரியாகக் கடந்த 2016 ஆம் ஆண்டு முதல் பதவிவகித்து வந்த அலெக்சிஸ் நசார்ட் பதவி விலகும் சூழலில், சந்தீப் கட்டாரியா தலைமை செயல் அதிகாரியாகத் தேர்ந்தெடுக்கப்பட்டுள்ளார்.

 

வோடஃபோனின் இந்தியா மற்றும் ஐரோப்பியப் பிரிவிலும், யூனிலீவர், யூம் பிராண்ட்ஸ் ஆகிய நிறுவனங்களிலும் 24 ஆண்டுகள் பணியாற்றிய சந்தீப் கட்டாரியா கடந்த 2017 ஆம் ஆண்டு பாட்டாவின் இந்திய பிரிவுக்குத் தலைமை செயல் அதிகாரியாகப் பொறுப்பேற்றார். இந்நிலையில், தற்போது அவர் சர்வதேச தலைமை செயல் அதிகாரியாகத் தேர்ந்தெடுக்கப்பட்டுள்ளார். பாட்டா நிறுவனத்தின் 126 ஆண்டுகால பயணத்தில் இந்தியர் ஒருவர் சர்வதேச தலைமை செயல் அதிகாரியாக நியமிக்கப்படுத்து இதுவே முதன்முறை ஆகும்.

 

 

Next Story

'Fair' -க்கு குட்பை சொல்லும் 'Fair & Lovely'...

Published on 25/06/2020 | Edited on 25/06/2020

 

hul to rebrand fair and lovely without fair

 

‘ஃபேர் அண்ட் லவ்லி' க்ரீம் பெயரில் உள்ள 'ஃபேர்' என்ற சொல்லை நீக்கிவிட்டு மறுபெயரிடுதல் செய்யப்போவதாக ஹிந்துஸ்தான் யூனிலீவர் நிறுவனம் தெரிவித்துள்ளது. 

Black Lives Matter இயக்கம் மூலமாக, உலகம் முழுவதும் நிறவெறி மற்றும் நிறத்தின் அடிப்படையில் ஒருவரது அழகினை அளவிடுதல் உள்ளிட்டவற்றிற்கு எதிராக மக்கள் குரலெழுப்பி வருகின்றனர். அமெரிக்காவில் ஏற்பட்ட ஜார்ஜ் ஃபிளாய்டு மரணத்திற்கு பிறகு, நிறவெறிக்கு எதிரான போராட்டங்கள் உலகின் பல பகுதிகளில் வெடித்துள்ளன. இதில் பெருமளவு மக்கள், அழகுசாதன நிறுவனங்களின் நிறம் குறித்த தவறான பிரச்சாரங்களுக்கு எதிராக தங்களது கருத்துகளை முன்வைத்து வருகின்றனர். இதனையடுத்து பல அழகுசாதன நிறுவனங்களும் தங்களது சந்தைப்படுத்தும் முறைகளை மாற்றி வருகின்றன. அந்த வகையில் இந்தியாவில் மிகவும் பிரபலமான 'ஃபேர் அண்ட் லவ்லி' க்ரீம் பெயரில் உள்ள 'ஃபேர்' என்ற சொல்லை நீக்கப்போவதாக ஹிந்துஸ்தான் யூனிலீவர் நிறுவனம் தெரிவித்துள்ளது.  

கருப்பாக உள்ளவர்கள் வெள்ளையாக அழகாக மாறுவதற்கு இந்த க்ரீமை பயன்படுத்தலாம் என விளம்பரப்படுத்தப்படும் இவ்வவகை பொருட்கள், கருப்பு என்பதனை அழகில்லாத நிறமாக மக்கள் மனதில் விதைத்துள்ளன என்பது நிறவெறி எதிர்ப்பாளர்களின் கருத்தாக உள்ளது. இதனை கருத்தில்கொண்டு 'ஃபேர் அண்ட் லவ்லி' க்ரீம் பெயரில் இருந்து 'ஃபேர்' என்ற வார்த்தையை ஹிந்துஸ்தான் யூனிலீவர் நிறுவனம் நீக்கவுள்ளதாக தெரிவித்துள்ளது. அந்நிறுவனத்தின் அறிவிப்பின்படி, அதன் தயாரிப்புகளில் இனி ‘fairness’, ‘whitening’ & ‘lightening’ போன்ற சொற்கள் இடம்பெறாது என தெரிவிக்கப்பட்டுள்ளது.