Skip to main content

சேலம் சட்டக்கல்லூரி மாணவர்கள் விடுதியில் கஞ்சா பறிமுதல்!; போலீசார் விசாரணை!

Published on 20/09/2018 | Edited on 20/09/2018


சேலத்தில் தனியார் சட்டக்கல்லூரி மாணவர்கள் தங்கியிருந்த விடுதி கழிப்பறையில் இருந்து கஞ்சா பொட்டலத்தை போலீசார் பறிமுதல் செய்துள்ளனர்.


சேலம் கோரிமேட்டில், மத்திய சட்டக்கல்லூரி என்ற பெயரில் தனியார் சட்டக்கல்லூரி செயல்பட்டு வருகிறது. இந்தக் கல்லூரியில் படித்து வரும் மூன்று மாணவர்கள், ஏற்கனவே கஞ்சா வழக்கில் கைது செய்யப்பட்டு இருந்தனர். அந்த வழக்கில் அவர்கள் சேலம் நீதிமன்றத்தில் முறையாக விசாரணைக்கு ஆஜராகாததால், அவர்களை போலீசார் தீவிரமாக கண்காணித்து வருகின்றனர். இந்த நிலையில், அவர்கள் மற்ற மாணவர்களுக்கும் கஞ்சா விநியோகம் செய்து வருவது தெரிய வந்தது.

 

drug

 

சட்டக்கல்லூரியில் படிக்கும் மதுரை, தேனி, திண்டுக்கல் உள்ளிட்ட வெளிமாவட்டங்களைச் சேர்ந்த மாணவர்கள் சிலர், கல்லூரி அருகே ஒரு தனியார் விடுதியில் தங்கி படித்து வருகின்றனர். இந்நிலையில், போலீஸ் உதவி கமிஷனர் கணேசன் தலைமையில், கன்னங்குறிச்சி இன்ஸ்பெக்டர் தங்கவேல் உள்பட இருபதுக்கும் மேற்பட்ட போலீசார், மாணவர்கள் தங்கியிருக்கும் விடுதியில் நேற்று திடீரென்று சோதனை நடத்தினர். ஒரு கழிப்பறையில் இருந்து 100 கிராம் கஞ்சா பொட்டலத்தை போலீசார் கைப்பற்றினர். 


கஞ்சாவை பயன்படுத்தியது யார் என்று தெரியவில்லை.இதுகுறித்து கன்னங்குறிச்சி போலீசார் வழக்குப்பதிவு செய்து, கஞ்சாவை வாங்கியது யார்? அவர்களுக்கு எங்கிருந்து கிடைத்தது? உள்ளிட்ட பல்வேறு கோணங்களில் விசாரித்து வருகின்றனர். 


ஏற்கனவே கஞ்சா வழக்கில் கைது செய்யப்பட்ட மாணவர்களுக்கும் இந்த சம்பவத்திற்கும் தொடர்பு உள்ளதா என்பது குறித்தும் விசாரித்து வருகின்றனர்.

சார்ந்த செய்திகள்

Next Story

பட்டப்பகலில் பெண் படுகொலை; போலீசார் விசாரணை

Published on 28/03/2024 | Edited on 28/03/2024
nn

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்தி இருக்கிறது.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியுள்ளது

Next Story

நீரோடையில் மிதந்த சடலம்; போலீசார் விசாரணையில் அதிர்ச்சி

Published on 27/03/2024 | Edited on 27/03/2024
A body lying in a stream; Police investigation shocked

தந்தையைக் கொலை செய்தவரைப் பழிக்குப் பழி கொலை செய்து நீரோடையில் வீசிய சம்பவம் நெல்லையில் பரபரப்பை ஏற்படுத்தி இருக்கிறது.

நெல்லை மாவட்டம் தெற்கு ஏறாந்தை கிராமத்தில் வசித்து வருபவர் தேவபாலன். லாரி ஓட்டி வந்த தேவபாலன் திடீரென காணாமல் போன நிலையில், உறவினர்கள் அவரைத் தேடி வந்தனர். இறுதியில் ஊருக்கு ஒதுக்குப்புறமாக உள்ள நீரோடை ஒன்றில் சடலம் ஒன்று மிதப்பதாகத் தகவல் பரவியது. இந்த தகவலையடுத்து சம்பவ இடத்திற்கு வந்த திசையன்விளை போலீசார் ஆய்வு செய்ததில், வெட்டுக் காயங்களுடன் ஒருவர் கொலை செய்யப்பட்டு நீரோடையில் வீசப்பட்டது தெரிய வந்தது.

உடலைக் கைப்பற்றி விசாரணை நடத்தியதில், அது காணாமல் போன தேவபாலன் என்பது தெரியவந்தது. இது குறித்து வழக்குப்பதிவு செய்த காவல்துறையினர் சம்பவம் தொடர்பாக விசாரணை நடத்தி வந்தனர். இந்த நிலையில், தேவபாலன் கொலை வழக்கு தொடர்பாக சாத்தூர் நீதிமன்றத்தில் உத்திரகுமார், சுரேஷ்குமார், சேர்மதுரை உள்ளிட்ட மூன்று பேர் சரணடைந்தனர். மூவரும் சகோதரர்கள். அவர்களிடம் நடத்தப்பட்ட விசாரணையில், பழிக்குப் பழியாக லாரி டிரைவரை கொலை செய்தது தெரியவந்தது.

2017 ஆம் ஆண்டு துரைபாண்டியன் என்பவர் கொலை செய்யப்பட்ட சம்பவத்தில் தேவபாலனுக்கு தொடர்பு இருந்ததாகத் தெரிகிறது. ஆனால் நீதிமன்றத்தில் குற்றம் நிரூபணம் ஆகாததால் அவர் விடுவிக்கப்பட்டிருந்தார். இந்நிலையில், துரைபாண்டியனின் மகன்களான சுரேஷ்குமார், உத்திர குமார், சேர்மதுரை ஆகிய மூன்று பேரும் பல வருடங்கள் கழித்து தேவபாலனை வெட்டிக் கொலை செய்தது விசாரணையில் தெரிய வந்தது.