Skip to main content

“மாற்றுத்திறனாளிகள் 100 சதவீதம்  வாக்களிக்க வேண்டும்” - மாவட்ட ஆட்சியர்

Published on 03/03/2021 | Edited on 03/03/2021

 

election awareness rally

 

சிதம்பரம் ராஜா முத்தையா அரசு மருத்துவக் கல்லூரியில், கடலூர் மாவட்ட நிர்வாகம் மற்றும் ராஜா முத்தையா அரசு மருத்துவக் கல்லூரி மாணவர்கள் இணைந்து மார்ச் 3 ஆம் தேதி உலக செவித்திறன் குறைபாடு தினத்தில், ‘மாற்றுத்திறனாளிகள் அனைவரும் 100 சதவீத வாக்களிப்போம்’ என்ற விழிப்புணர்வு இருசக்கர வாகன பேரணியை நடத்தினர்.

 

இதில் பல்கலைக்கழக துணைவேந்தர் முருகேசன், பதிவாளர் ஞானதேவன் ஆகியோர் கொடியசைத்து பேரணியைத் துவக்கி வைத்தார்கள். கடலூர் மாவட்ட ஆட்சியர் சந்திரசேகர் சகமூரி, சிதம்பரம் சார் ஆட்சியர் மதுபாலன், வட்டாட்சியர் ஆனந்த், வருவாய்த்துறையினர் உள்ளிட்ட பலரும் பங்கேற்றனர். மேலும் அவர்கள் இருசக்கர வாகனத்தில் மாணவர்களுடன் பயணித்து, மாற்றுத்திறனாளிகள் வரும் சட்டமன்ற தேர்தலில் 100 சதவீத வாக்கு அளிக்க வேண்டும் என விழிப்புணர்வு பிரச்சாரத்தை மேற்கொண்டனர்.

 

பிரச்சார பேரணி, சிதம்பரம் நகரத்தின் தெற்கு வீதி, மேலவீதி, கீழவீதி வழியாக சிதம்பரம் காந்தி சிலையை அடைந்தது. அப்போது பேசிய கடலூர் மாவட்ட ஆட்சியர், “வரும் சட்டமன்றத் தேர்தலில் மாற்றுத்திறனாளிகள் 100% வாக்களிக்கும் வகையில், அவர்கள் வீட்டிலிருந்தபடியே தபால் வாக்கு அளிக்க ஏற்பாடு செய்யப்பட்டுள்ளது. மேலும் அவர்கள் வாக்குச்சாவடிக்கு வந்து வாக்களிக்கவும் அனைத்து ஏற்பாடுகளும் செய்யப்பட்டுள்ளது. எனவே மாற்றுத் திறனாளிகள் அனைவரும் இந்தத் தேர்தலில் 100 சதவீத வாக்களிக்க வேண்டும்” என கேட்டுக்கொண்டார். இந்நிகழ்ச்சியில் சிதம்பரம் டிஎஸ்பி லாமேக் உள்ளிட்ட காவல்துறையினர் கலந்து கொண்டனர்.

 

 

சார்ந்த செய்திகள்

Next Story

'எல்லாருமே திருடங்கதான்... சொல்லப் போனா...' - பாடலுக்கு நடனமாடியபடி வந்த சுயேச்சை வேட்பாளர்

Published on 28/03/2024 | Edited on 28/03/2024
Independent candidate danced to the song 'ellarume Thirudangathan... sollpona...'

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

நேற்று வேட்புமனு தாக்கல் முடிந்த நிலையில் இன்று மனுக்கள் பரிசீலனைக்கு எடுத்துக் கொள்ளப்பட இருக்கிறது. நேற்று முக்கிய கட்சிகளின் பிரமுகர்கள் முதல் சுயேச்சை வேட்பாளர்கள் எனப் பலர் இறுதி நாள் என்பதால் வேட்பு மனுக்களைத் தாக்கல் செய்தனர். வேட்புமனு தாக்கல் செய்ய வரும் சுயேச்சை வேட்பாளர்கள் மற்றும் அரசியல் கட்சியைச் சேர்ந்த வேட்பாளர்கள் சிலர் நூதன முறைகளில் வந்து வேட்புமனு தாக்கல் செய்வது முன்னரே பல தேர்தல்களில் நடந்துள்ளது.

தேர்தல் நேரங்களில் இதுபோன்ற நூதன சம்பவங்கள் நடைபெறுவது வழக்கம். அந்த வகையில் திண்டுக்கல்லில் வேட்புமனு தாக்கல் செய்ய வந்த சுயேச்சை வேட்பாளர் ஒருவர் 'எல்லாருமே திருடங்கதான் சொல்லப்போனால் குருடங்கதான்' என்ற பாடலை ஒலிக்கவிட்டபடி சாலையில் நடனமாடிக்கொண்டே வேட்புமனு தாக்கல் செய்ய வந்தார். இது தொடர்பான வீடியோ காட்சிகள் இணையத்தில் வைரலாகி வருகிறது.

Next Story

“எதிரணியாக இருந்தாலும் அடையாளம் காட்டுங்கள் வாக்கு சேகரிக்கிறேன்” - தங்கர்பச்சான்

Published on 26/03/2024 | Edited on 26/03/2024
Cuddalore Constituency pmk  candidate director Thangabachan launched  campaign

கடலூர் தொகுதி பாமக வேட்பாளர் இயக்குநர் தங்கபாச்சன் அவரது மாந்தோப்பில் பிரச்சாரத்தை துவக்கி பாமக மற்றும் கூட்டணி கட்சியினரை உற்சாகப்படுத்தினார்.

கடலூர் மக்களவை தொகுதி பாமக வேட்பாளர் இயக்குநர் தங்கர்பாச்சன் செவ்வாய்க்கிழமை அவரது சொந்த ஊரான பத்திரக்கோட்டையில் உள்ள அவரது மாந்தோப்பில் தேர்தல் பிரச்சாரத்தை துவக்கினார். அப்போது அவர் பேசியதாவது கும்பல், கும்பலாக கூடி பேசாமல், தனித்தனியாக வீடு, வீடாக வாக்கு சேகரிப்பில் ஈடுபட வேண்டும். இந்த தேர்தல் மிகப்பெரிய மாற்றத்தை ஏற்படுத்தும், என்னிடம், எதிரணியராக இருந்தாலும் அடையாளம் காட்டுங்கள், அவர்களிடம் நான் பேசி வாக்கை பெறுகிறேன்.

நான் கடந்த 15 ஆண்டுகளுக்கு மேலாக பாட்டாளி மக்கள் கட்சியுடன் தொடர்பில் இருந்து வருகிறேன். தற்போது  அரசியலுக்காக வெளியே வந்துள்ளேன். பாட்டாளி மக்கள் கட்சியின் வெற்றிக்கு அனைவரும் உறுதி ஏற்க வேண்டும். சமூக வலைத்தளங்களில் பரப்புவதை மட்டும் நமது நோக்கமாக இருக்கக் கூடாது, அது வாக்காக மாறாது. கட்சியின் கொள்கைகளை மக்களிடத்தில் கொண்டு போய் சேர்த்தால் பல லட்சம் வாக்குகளாக மாறும். இந்தத் தொகுதியில் அன்புமணி மைத்துனர் நிற்பதாக கூறி வருகிறார்கள். யார் நிற்பதை பற்றியும் கவலைப்பட தேவையில்லை. தேர்தல் பணியை மேற்கொள்ளுங்கள் என்றார். இவருடன் பாட்டாளி மக்கள் கட்சியின் மாவட்ட செயலாளர் ஜெகன் மற்றும் கூட்டணி கட்சிகளின் நிர்வாகிகள் உடன் இருந்தனர்.