Skip to main content

கனிமங்கள் ஏற்றுமதி இறக்குமதியில் மாற்றம்! மத்திய வர்த்தகம் மற்றும் தொழில்துறை புதிய கட்டுப்பாடு!

Published on 25/08/2018 | Edited on 25/08/2018
Import-export


தென் மாவட்டக் கடற்கரைப் பகுதிகளான குமரி மாவட்டம் தொடங்கி நெல்லை, தூத்துக்குடி என மூன்று மாவட்டங்களின் கடற்கரையோரப் பகுதிகளில் தாது மணலான கார்னட் அதிக அளவில் கிடைக்கிறது. அவைகளை மத்திய மாநில, அரசுகள் அனுமதியோடு நெல்லை மற்றும் தூத்துக்குடி மாவட்டத்தைச் சேர்ந்த வி.வி.மினரல்ஸ், பீச் மினரல்ஸ், கார்னட் சாண்ட் உள்ளிட்ட பல்வேறு கம்பெனிகள் கார்னட் மணலை வெட்டியெடுத்துத் தரம் பிரிக்கின்றன. அதில் கிடைக்கிற சிர்கான், சிலிமினைட், மோனாசைட், ரூட்டைல், இல்லுமினைட் உள்ளிட்ட கனிமம் பொருட்களை வெளிநாடுகளுக்கு ஏற்றுமதி செய்கின்றன.
 

 

 

இந்த தாதுப் பொருட்கள் அதிக அளவில் குறிப்பிட்ட அளவையும் தாண்டி ஆழமாக வெட்டியெடுக்கப்படுவதாகவும், அதோடு அணு ஆயுதம் தயாரிக்கப் பயன்படுகிற யுரேனியமும் வெளிநாடுகளுக்கு ஏற்றுமதி செய்யப்பட்டு விடுகிறது. வரைமுறை தாண்டி ஏற்றுமதியாகும் கனிமங்கள் மூலம் மத்திய அரசுக்கு பல ஆயிரம் கோடி வருமானம் பாதிக்கப்பட்டுள்ளதாகவும் புகார்கள் கிளம்பின. சமூக ஆர்வலர்கள் சார்பிலும் சென்னை உயர்நீதிமன்றத்தில் பொது நல வழக்கும் தாக்கல் செய்யப்பட்டுள்ளது. அதனை விசாரித்த உயர்நீதி மன்றம், தாது மணல் வெட்டியெடுப்பதற்குத் தடையை விதித்து அது தொடர்பான விசாரணையையும் மேற் கொண்டு வருகிறது. இந்தத் தடையால் கடந்த எட்டுமாதத்திற்கும் மேலாகக் கனிமங்கள் வெட்டியெடுக்கப்படாமல் முடங்கியது. நூற்றுக்கணக்கானவர்களின் வேலை வாய்ப்பும் கேள்வியானது.
 

 

 

இதனிடையே மத்திய அரசின் வர்த்தகம் மற்றும் தொழில் துறையைக் கொண்ட வர்த்தகத்துறை, கனிமங்கள் ஏற்றுமதியில் மாற்றம் செய்து புதிய அரசாணையைப் பிறப்பித்துள்ளது.
 

21.08.2018 நாளிட்ட அதன் அறிவிப்பாணை நிர் 26 2015 – 2020ன்படி, கனிமங்கள் ஏற்றுமதி இறக்குமதிக் கொள்கையில் திருத்தங்கள் செய்யப்பட்டுள்ளன.
 

சக்தி கொணட் வெளிநாட்டு வர்த்தகக் கொள்கையான வளர்ச்சி மற்றும் சீர்திருத்தச் சட்டம் 1992ன் பிரிவு 3ன்படி, வெளிநாட்டு வர்த்தகக் கொள்கையான 2015 – 2020ன்படி, மத்திய அரசு, கனிமங்கள் ஏற்றுமதியில் (பீச் மினரல்ஸ்) புதிய திட்டத்தைக் கொண்டு வந்துள்ளது உடனடியாக அமலுக்கு வருகிறது.
 

குறிப்பிட்ட தொகுப்பு எண் 26 ஷெட்யூல்ட் 2ன் படி ஏற்றமதி இறக்குமதி வகைகள் 2018படி கீழ்க்கண்டவாறு வகைப்படுத்தப்பட்டுள்ளது.
 

ஏற்றுமதிக்குள்ளனான கனிமவகையான சாண்ட் மினரல்களின், இல்லுமினைட், ரூட்டைல், லீகோசின், (டைட்னியம் அடங்கியது) சிர்கான், கார்னட், சிலிமனைட், மற்றும் மோனசைட் உள்ளிட்டவைகள் ஒழுங்கு படுத்தப்பட்டு வரிசை என் 98ஏ,யின் தொகுப்பு 26 ஷெட்யூட் 2ன் ஐ.டி.சி., வகைப்படுத்தப்படுத்தப்பட்டுள்ளது.
 

 

 

2617 கோட்படி, மற்றக் கனிமங்கள் வழக்கமான திட்டப்படி ஏற்றுமதி செய்யலாம். ஆனால் மேற் சொல்லப்பட்டவைகள், 1962 அணுசக்தி சட்டத்தின் கட்டுப்பாட்டில் வருபவைகள். வரிசை எண் 98ஏ, உட் பிரிவு தொகுப்பு 26, ஷெட்யூல்ட் 2ஆஃப் ஐ.டி.சி.ன்படி அவைகள் ஏற்றுமதி இறக்குமதி செய்யப்படுவது தற்போது இந்தியன் ரேர் எர்த் லிமிடட்டின் கட்டுப்பாட்டிற்குள் வருவதாகத் தெரிவித்து அரசாணை பிறப்பித்திருக்கிறார் வெளி நாட்டு வர்த்தகப் பிரிவின் டைரக்டர் ஜெனரல் அலோக் வர்த்தமான் சதுர்வேதி.
 

இந்தக் கட்டுப்பாட்டுத் திட்டம் உடனடியாக அமலுக்கு வருவதாகவும் தெரிவிக்கப்பட்டுள்ளது.
 

இதன் மூலம் தொடர்புடைய நிறுவனங்கள் நேரிடையாக ஏற்றுமதி செய்யப்படும் முறைக்கு செக் வைத்து விட்டது மத்திய அரசு.


 

 

\
 

சார்ந்த செய்திகள்

Next Story

“மின்னணு ஏற்றுமதியில் தமிழ்நாடு புதிய சாதனை படைக்கும்” - அமைச்சர் டி.ஆர்.பி. ராஜா நம்பிக்கை

Published on 29/02/2024 | Edited on 29/02/2024
Tamil Nadu will set a new record in electronics exports says tRb raja

மின்னணு ஏற்றுமதியில் தமிழ்நாடு 7.37 பில்லியன் டாலராக உயர்ந்து இந்தியாவில் முன்னணி மாநிலமாகத் திகழ்கிறது. இது மேலும் மார்ச் மாதத்திற்குள் 9 பில்லியன் டாலராக உயர்ந்து புதிய சாதனை படைக்கும் எனத் தமிழக தொழில்துறை அமைச்சர் டி.ஆர்.பி. ராஜா தெரிவித்துள்ளார். இது தொடர்பாக அமைச்சர் டி.ஆர்.பி. ராஜா வெளியிட்டுள்ள அறிக்கையில், “தமிழ்நாடு முதலமைச்சர் மு.க. ஸ்டாலின் தொழில் முதலீட்டு மாநாடுகள், வெளிநாட்டுப் பயணங்கள் மூலம் தொழில் முதலீடுகளை ஈர்த்து வருகிறார். இதன் காரணமாக ஒரு தொழில் புரட்சியை நோக்கி தமிழ்நாடு அரசின் தொழில்துறை நடவடிக்கை மேற்கொண்டு வருகிறது. தமிழ்நாடு அரசின் தொழில் துறையில் உயர்ந்த தொழிற் கொள்கைகளைக் கடைப்பிடிப்பதால், மாநிலத்தின் தொழில் வளர்ச்சி விரைவுபடுத்தப்படுகிறது. மின்னணு பொருட்களின் ஏற்றுமதியில், இந்தியாவிலேயே முன்னணி மாநிலமாக விளங்கிடும் தமிழ்நாடு தொடர்ச்சியாக இந்நிலையை உறுதிப்படுத்தி வருகின்றது.

மின்னணுவியல் ஏற்றுமதி தற்போது 7.37 பில்லியன் டாலரை அடைந்துள்ளது. இந்தியாவின் மொத்த ஏற்றுமதியே 22.65 பில்லியன் டாலர் எனும்போது, தமிழ்நாட்டின் ஏற்றுமதி இந்தியாவின் மொத்த ஏற்றுமதியில், கிட்டத்தட்ட 32.52 சதவிகிதம் ஆகும். முந்தைய நிதியாண்டில் (2022-2023) மின்னணு பொருட்களின் ஏற்றுமதி 5.37 பில்லியன் டாலர் ஆகும். இந்தத் தரவுகளை ஒப்பிடுகையில் நடப்பு நிதியாண்டில் அதாவது 2023-24 இல் 10 மாத காலகட்டத்திற்குள்ளாகவே 7.37 பில்லியன் டாலர் மதிப்புள்ள மின்னணு பொருட்கள் தமிழ்நாட்டிலிருந்து ஏற்றுமதி செய்யப்பட்டுள்ளது. இந்த நிதியாண்டின் (2023-2024) இறுதிக்குள் மாநிலத்தின் மின்னணு பொருட்களின் ஏற்றுமதி 9 பில்லியன் டாலர் எய்தி புதிய சாதனை படைக்கும்.

தமிழ்நாடு பல்வேறு துறைகளில் குறிப்பாக மின்னணு பொருட்களின் உற்பத்தி மற்றும் ஏற்றுமதியில் தமிழ்நாடு முதலிடத்தைப் பெற்றுள்ளது என்றால் அதற்குப் பல காரணிகள் உள்ளது. தொலைநோக்குப் பார்வை கொண்ட தலைமைத்துவம், முனைப்பான ஆளுமை, கொள்கை சார்ந்த அணுகுமுறை, வளர்ச்சியை இலக்காகக் கொண்டு செயல்படும் நிர்வாகம், உற்பத்தி மற்றும் துல்லியப் பொறியியலில் சிறந்து விளங்குதல், உயர்தர தொழில்நுட்பங்களைக் கையாளும் திறன் போன்ற பல சிறப்பம்சங்களைக் கொண்டு இத்தகைய அபார வளர்ச்சியைத் தமிழ்நாடு கண்டுள்ளது.

Tamil Nadu will set a new record in electronics exports says tRb raja

இந்த அபரிமிதமான வளர்ச்சியைத் தக்க வைத்துக் கொள்ளவும் இத்துறையில் கொட்டிக் கிடக்கும் பல்வேறு வாய்ப்புகளைப் பயன்படுத்திக் கொள்ளும் நோக்கத்திலும், அண்மையில் நடைபெற்ற உலக முதலீட்டாளர்கள் மாநாட்டின் போது. தமிழ்நாடு குறை கடத்தி மற்றும் மேம்பட்ட மின்னணுவியல் கொள்கை 2024 வெளியிடப்பட்டுள்ளது. 2030 ஆம் ஆண்டிற்குள் இத்துறையின் வளர்ச்சியை நன்கு துரிதப்படுத்தி 2 இலட்சம் திறன் வாய்ந்த பணியாளர்களை உருவாக்குவதே, இந்தக் கொள்கையின் உயரிய நோக்கமாகும். பல்வேறு துறை சார்ந்த முதலீட்டாளர்களுடன் தொடர்ச்சியாக நல்லுறவுகள் மேற்கொண்டு வருவதன் மூலம், தமிழ்நாடு அனைத்துத் துறைகளிலும் வேகமாக குறிப்பிடத்தக்க வளர்ச்சி அடைந்து வருகிறது. மிகச் சிறந்த மனித வளம், அனைத்துத் துறைகளும் மேம்படும் வகையில் அமைந்துள்ள சிறப்பான சூழலமைப்பு மற்றும் அனைவரையும் உள்ளடக்கிய வளர்ச்சி போன்ற வலுவான அம்சங்களைத் தமிழ்நாடு பெற்றுள்ளது” எனத் தெரிவித்துள்ளார்.

மேலும் இச்சாதனையைப் பற்றி அமைச்சர் டி.ஆர்.பி. ராஜா பேசுகையில், “இந்தியாவின் ஒட்டு மொத்த பொருளாதார வளர்ச்சிக்கும் தமிழ்நாடு அளித்து வரும் பெரும் பங்கினை இந்தச் சாதனை அடிக்கோடிட்டுக் காட்டுகிறது. தொலை நோக்குப் பார்வையுடன் செயல்பட்டு வரும் தமிழ்நாடு முதலமைச்சர் மு.க. ஸ்டாலின் தலைமையில், உற்பத்திக்கான பிரதான முதலீட்டு மாநிலமாகவும் இளைஞர்களுக்கு உயர்தர வேலைகளை உருவாக்குவதற்கான மையமாகவும் தமிழ்நாடு பிரகாசமாகச் சுடர் விட்டுக் கொண்டிருக்கிறது. இந்த வளர்ச்சியைத் தக்கவைத்துக் கொள்வது மட்டுமின்றி எங்களின் தொழில் வளர்ச்சிப் பாதையில் மேலும் மேலும் புதிய சாதனைகளை உருவாக்குவோம்” எனத் தெரிவித்துள்ளார். 

Next Story

கொட்டைப் பாக்கு கடத்தல்;ஒருவர் கைது

Published on 07/11/2023 | Edited on 07/11/2023

 

thoothukudi incident; import export

 

தூத்துக்குடி துறைமுகத்திற்கு வந்த கண்டெய்னர்கள் பெட்டியைப் பறிமுதல் செய்து மத்திய வருவாய் புலனாய்வுத் துறையினர் சோதனை நடத்தினர். அதில் 'பஞ்சு கந்தல்' என்ற பெயரில் மோசடியாக ஆவணங்கள் தயாரித்து கப்பல் மூலமாக இந்தோனேசியாவிலிருந்து கொட்டைப் பாக்கு கடத்தப்பட்டது தெரியவந்துள்ளது.

 

இந்த சம்பவத்தில் தூத்துக்குடியைச் சேர்ந்த ஷிப்பிங் நிறுவன உரிமையாளர் ரவி பகதூர் என்பவர் கைது செய்யப்பட்டுள்ளார். இந்தோனேசியாவின் ஜகார்த் துறைமுகம் வழியாக தூத்துக்குடி துறைமுகத்திற்கு கண்டெய்னர் பெட்டிகள் வந்து இறங்கியது. அப்போது நடத்தப்பட்ட சோதனையில் கொட்டைப் பாக்கு கடத்தப்பட்டது தெரியவந்தது. பறிமுதல் செய்யப்பட்ட 65 டன் கொட்டைப் பாக்குகளின் மதிப்பு 4 கோடி ரூபாய் என அதிகாரிகள் தரப்பில் தெரிவிக்கப்பட்டுள்ளது. இந்த கடத்தலுக்கு சுங்க இலாகா அதிகாரிகள் சிலர் உடந்தையாக இருப்பதாகக் கூறப்படும் நிலையில் அது குறித்தும் மத்திய வருவாய் புலனாய்வுத்துறை அதிகாரிகள் விசாரணை நடத்தி வருவதாகத் தகவல்கள் வெளியாகி உள்ளன.