Skip to main content

சிறுமியை பாலியல் வன்கொடுமை செய்த 12 பேர் கும்பல்; 2 ஆண்டுகளாக  நாசப்படுத்திய அதிர்ச்சி தகவல்!

Published on 14/04/2021 | Edited on 14/04/2021

 

Gang of 12 ; Shocking information ruined for 2 years!

 

நாமக்கல் அருகே, 14 வயது சிறுமியை 12 பேர் கொண்ட கும்பல் தொடர்ந்து இரண்டு ஆண்டுகளாக பாலியல் வன்புணர்வு செய்து நாசப்படுத்திய சம்பவம் பெரும் பரபரப்பை ஏற்படுத்தியுள்ளது.

 

நாமக்கல் மாவட்டம் குமாரபாளையம் அருகே உள்ள வட்டமலை குள்ளப்பநகரைச் சேர்ந்த தறித்தொழிலாளி ஒருவருக்கு மூன்று மகள்கள், ஒரு மகன் உள்ளனர். இவர்களில் மூத்த மகள்கள் இருவருக்கும் திருமணம் ஆகி கணவருடன் வசித்து வருகின்றனர்.

 

தறித்தொழிலாளியுடன் சற்று மனநலம் பாதித்த மனைவி மற்றும் 14 வயதில் ஒரு மகளும், 12 வயதில் ஒரு மகனும் வசித்து வருகின்றனர். 6ம் வகுப்புடன் படிப்பை நிறுத்திவிட்ட சிறுமி, வட்டமலை மற்றும் அதைச் சுற்றியுள்ள எம்ஜிஆர் நகர், சுந்தரம் நகர் ஆகிய பகுதிகளில் உள்ள சில வீடுகளில் வேலை செய்து வருகிறார்.

 

அவ்வப்போது சிறுமியின் மூத்த சகோதரி பெற்றோரைப் பார்க்க வந்து செல்வார். இந்நிலையில், தங்கைக்கு அடிக்கடி உடல்நலம் சரியில்லாமல் போவது குறித்து விசாரித்திருக்கிறார். அப்போது சிறுமி, தன்னை இரண்டு ஆண்டுகளாக சிலர் பாலியல் ரீதியாக துன்புறுத்தி வந்ததாகக் கூறியுள்ளார். அவர்களில் மூத்த சகோதரியின் கணவர் சின்ராஜ் என்பவரும் சேர்ந்து தன்னை சீரழித்துவிட்டதாகக் கூறியிருக்கிறார். இதைக்கேட்டு மூத்த சகோதரி அதிர்ச்சி அடைந்துள்ளார்.

 

தன் கணவனே தனக்கு துரோகம் செய்துவிட்டதை எண்ணி கலங்கிய மூத்த சகோதரி, இதுகுறித்து நாமக்கல் மாவட்ட சைல்டு லைன் அமைப்பில் புகார் அளித்தார். அவர்கள் மூலமாக மாவட்டக் குழந்தைகள் நல அலுவலர் ரஞ்சிதா  பிரியாவிடம் புகார் அளிக்கப்பட்டது.

 

இதையடுத்து சிறுமி மீட்கப்பட்டு அரசு காப்பகத்தில் சேர்க்கப்பட்டார். மாவட்டக் குழந்தைகள் பாதுகாப்பு நல அலுவலர் திருச்செங்கோடு அனைத்து மகளிர் காவல் நிலையத்தில் புகார் அளித்தார்.

 

காவல்துறை விசாரணையில், சிறுமியின் மூத்த சகோதரியின் கணவர் சின்ராஜ் (35) மடடுமின்றி, வட்டமலை அருகே உள்ள எம்ஜிஆர் நகர், சுந்தரம் நகரைச் சேர்ந்த பிஎஸ்என்எல் ஊழியர் கண்ணன் (35), பன்னீர் (32), குமார் (29), வடிவேல் (29), மூர்த்தி (55), நாய் சேகர் (25), கோபி (32), அபிமன்னன் (32), சரவணன் (30), சங்கர் (24), முருகேசன் ஆகிய 12 பேர் பாலியல் வன்புணர்வு செய்திருப்பது தெரிய வந்துள்ளது.

 

இதையடுத்து சிறுமியை நாசப்படுத்திய கும்பலைச் சேர்ந்தவர்களில் முருகேசனை தவிர மற்ற 11 பேரும் உடனடியாக கைது செய்யப்பட்டனர். தலைமறைவாக உள்ள முருகேசனை தேடி வருகின்றனர்.

 

வீட்டு வேலைக்கு வந்த சிறுமியிடம் ஆசை வார்த்தை கூறியும், ஹோட்டல்களில் இருந்து பிரியாணி உள்ளிட்ட வகை வகையான உணவுப் பதார்த்தங்களை வாங்கிக்கொடுத்தும் அவரை சீரழித்திருப்பது தெரிய வந்துள்ளது.

 

இவர்களில், சின்ராஜ்தான் முதலில் சிறுமியிடம் அத்துமீறியிருக்கிறார். அவர் அதை தன் நண்பர்களிடம் கூறி பெருமையடித்தபோதுதான், கண்ணன், பன்னீர் உள்ளிட்ட மற்றவர்களும் சிறுமியை நேரம் கிடைக்கும்போதெல்லாம் நாசப்படுத்தி இருப்பதும் விசாரணையில் தெரிய வந்துள்ளது.

 

பாதிக்கப்பட்ட சிறுமியிடமும் தொடர்ந்து விசாரணை நடந்து வருகிறது. இன்னும் சிலர் சிக்குவார்கள் எனத் தெரிகிறது. புகாருக்கு உள்ளானவர்கள் மீது போக்சோ சிறப்பு சட்டத்தின் கீழ் வழக்குப் பதிவு செய்யப்பட்டுள்ளது. கைதானவர்களை ரகசிய இடத்தில் வைத்து காவல்துறையினர் விசாரித்து வருகின்றனர்.

 

குமாரபாளையத்தில் பெண்களுக்கு எதிரான குற்றங்களை விசாரிக்க மகளிர் காவல் நிலையம் இல்லாததால், திருச்செங்கோடு மகளிர் காவல் நிலையத்தில் புகார் அளிக்கப்பட்டு விசாரணை நடந்து வருகிறது.

 

கடந்த ஆண்டு இதேபோல், ராசிபுரம் அருகே உள்ள அணைப்பாளையத்தில், வீட்டில் தனியாக இருந்த பள்ளிச் சிறுமிகள் இருவரை அதே கிராமத்தைச் சேர்ந்த 17 வயது சிறுவன் முதல் 70 வயது முதியவர் வரை 12 பேர் பாலியல் வன்புணர்வு செய்து நாசப்படுத்திய சம்பவம் பெரும் பரபரப்பை ஏற்படுத்தியது.

 

வறுமையில் சிக்கித் தவிக்கும் பெண் பிள்ளைகளைக் குறிவைத்து ஒரு கும்பல் பாலியல் ரீதியாக நாசமாக்கும் குற்றங்கள் நாமக்கல் மாவட்டத்தில் பரவலாக அதிகரித்திருப்பது பெண்களிடையே அதிர்ச்சியை ஏற்படுத்தியுள்ளது. 

 

 

சார்ந்த செய்திகள்

Next Story

பட்டப்பகலில் பெண் படுகொலை; போலீசார் விசாரணை

Published on 28/03/2024 | Edited on 28/03/2024
nn

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்தி இருக்கிறது.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியுள்ளது

Next Story

நீரோடையில் மிதந்த சடலம்; போலீசார் விசாரணையில் அதிர்ச்சி

Published on 27/03/2024 | Edited on 27/03/2024
A body lying in a stream; Police investigation shocked

தந்தையைக் கொலை செய்தவரைப் பழிக்குப் பழி கொலை செய்து நீரோடையில் வீசிய சம்பவம் நெல்லையில் பரபரப்பை ஏற்படுத்தி இருக்கிறது.

நெல்லை மாவட்டம் தெற்கு ஏறாந்தை கிராமத்தில் வசித்து வருபவர் தேவபாலன். லாரி ஓட்டி வந்த தேவபாலன் திடீரென காணாமல் போன நிலையில், உறவினர்கள் அவரைத் தேடி வந்தனர். இறுதியில் ஊருக்கு ஒதுக்குப்புறமாக உள்ள நீரோடை ஒன்றில் சடலம் ஒன்று மிதப்பதாகத் தகவல் பரவியது. இந்த தகவலையடுத்து சம்பவ இடத்திற்கு வந்த திசையன்விளை போலீசார் ஆய்வு செய்ததில், வெட்டுக் காயங்களுடன் ஒருவர் கொலை செய்யப்பட்டு நீரோடையில் வீசப்பட்டது தெரிய வந்தது.

உடலைக் கைப்பற்றி விசாரணை நடத்தியதில், அது காணாமல் போன தேவபாலன் என்பது தெரியவந்தது. இது குறித்து வழக்குப்பதிவு செய்த காவல்துறையினர் சம்பவம் தொடர்பாக விசாரணை நடத்தி வந்தனர். இந்த நிலையில், தேவபாலன் கொலை வழக்கு தொடர்பாக சாத்தூர் நீதிமன்றத்தில் உத்திரகுமார், சுரேஷ்குமார், சேர்மதுரை உள்ளிட்ட மூன்று பேர் சரணடைந்தனர். மூவரும் சகோதரர்கள். அவர்களிடம் நடத்தப்பட்ட விசாரணையில், பழிக்குப் பழியாக லாரி டிரைவரை கொலை செய்தது தெரியவந்தது.

2017 ஆம் ஆண்டு துரைபாண்டியன் என்பவர் கொலை செய்யப்பட்ட சம்பவத்தில் தேவபாலனுக்கு தொடர்பு இருந்ததாகத் தெரிகிறது. ஆனால் நீதிமன்றத்தில் குற்றம் நிரூபணம் ஆகாததால் அவர் விடுவிக்கப்பட்டிருந்தார். இந்நிலையில், துரைபாண்டியனின் மகன்களான சுரேஷ்குமார், உத்திர குமார், சேர்மதுரை ஆகிய மூன்று பேரும் பல வருடங்கள் கழித்து தேவபாலனை வெட்டிக் கொலை செய்தது விசாரணையில் தெரிய வந்தது.