கரோனா வைரஸ் தொற்று காரணமாக பொறியியல் படிப்பிற்கு ஆன்லைனில் நடந்த செமஸ்டர் தேர்வில் மாணவர்கள் அதிகளவில் தேர்ச்சிப் பெறவில்லை. இந்த நிலையில், பொறியியல் மாணவர்களுக்கு மறு தேர்வு தேதிகள் கொண்ட கால அட்டவணையை அண்ணா பல்கலைக்கழகம் வெளியிட்டுள்ளது.
"https://aucoe.annauniv.edu என்ற இணையதளத்தில் மறு தேர்வுகளுக்கான அட்டவணை வெளியிடப்பட்டுள்ளது. ஜூன் 21- ஆம் தேதி முதல் தேர்வுகள் தொடங்கி நடைபெறும். அரியர் தேர்வுகள் ஜூலை 17- ஆம் தேதி முதல் தொடங்கி நடைபெறும். மேலும், தேர்வு எழுதும் மாணவர்களுக்கான வழிகாட்டு நெறிமுறைகளையும் வெளியிடப்பட்டுள்ளது" என அண்ணா பல்கலைக்கழகத்தின் தேர்வு கட்டுப்பாட்டாளர் தெரிவித்துள்ளார்.
