'ஃபேஸ்புக்கில் அமுதா... நேரில் ஆண்...'- கொலையில் முடிந்த ஓர்பாலின வற்புறுத்தல்!   

ஃபேஸ்புக் வாயிலாகப் பெண் போல் பேசி காதலிப்பதாக ஏமாற்றியவரைக் கொலை செய்த சம்பவம் மதுரையில் நிகழ்ந்துள்ளது.

காஞ்சிபுரம் மாவட்டத்தைச் சேர்ந்த முருகன் என்பவருக்கு ஃபேஸ்புக் மூலம் அமுதா என்பவர் அறிமுகமாகி இருந்தார். அமுதாவுடன் ஃபேஸ்புக்கில் நீண்ட நாளாகப் பேசிவந்த முருகன் அவரின் செல்போன் எண்ணை வாங்கி காதலிப்பதாகத் தெரிவித்துள்ளார். இப்படியே இரண்டு ஆண்டுகள் இருவரும் செல்போனில் பேசி வந்த நிலையில், உன்னைச் சந்திக்க வேண்டும் என முருகன் அமுதாவிடம் கோரிக்கை வைத்துள்ளார். அதன்படி மதுரை வந்த அந்த நபர் ஃபேஸ்புக்கில் பழகிய அமுதா இல்லை ஒரு ஆண் என்பது தெரியவந்தது. நேரில் வந்த நபர் ஆண் என்பதை அறிந்து முருகன் அதிர்ச்சி அடைந்துள்ளார்.

தூத்துக்குடி எட்டையபுரத்தைச் சேர்ந்த முருகன் என்பவர் அமுதா என்ற பெயரில் பேசி தன்னை ஏமாற்றியதைத் தெரிந்துகொண்ட முருகன் அவரிடம் வாக்குவாதத்தில் ஈடுபட்டுள்ளார். அப்பொழுது அமுதா என்ற பெயரில் பேசி ஏமாற்றிய தூத்துக்குடி முருகன், தன்னை திருமணம் செய்து கொள்ளுமாறும், ஓரினச்சேர்க்கையில் ஈடுபட கட்டாயப்படுத்தியதாகவும் கூறப்படுகிறது. இதில் ஏற்பட்ட பிரச்சனை காரணமாகக் காஞ்சிபுரம் முருகன் தூத்துக்குடி முருகனை அடித்துக் கொலை செய்துள்ளார். கடந்த 15ஆம் தேதி நடந்த இந்த கொலை சம்பவம் தொடர்பாகப் பல திடுக்கிடும் தகவல்கள் வெளியான நிலையில், காவல் துறையினர் விசாரித்து வருகின்றனர். தற்பொழுது கொலையில் ஈடுபட்ட காஞ்சிபுரம் முருகனை போலீசார் கைது செய்துள்ளனர்.