Skip to main content

வரலாற்று சாதனை படைத்த திமுக வேட்பாளர்..! 19 வேட்பாளர்களும் டெபாசிட் இழப்பு..! 

Published on 04/05/2021 | Edited on 04/05/2021

 

DMK candidate with historic record.! 19 candidates lose deposit

 

தமிழகத்திலேயே அதிக வாக்குகள் வித்தியாசத்தில் ஆத்தூர் தொகுதியில் போட்டியிட்ட ஐ.பெரியசாமி வெற்றி பெற்றுள்ளார். தமிழக சட்டமன்றத் தேர்தலின் வாக்கு எண்ணிக்கை முடிவுகள் மே 2ஆம் தேதி வெளியாகின. இதில் ஆத்தூர் தொகுதியில் போட்டியிட்ட ஐ.பெரியசாமி மாநிலத்திலேயே அதிக வாக்கு வித்தியாசத்தில் வெற்றிபெற்றதுடன் மட்டுமல்லாமல், தன்னை எதிர்த்துப் போட்டியிட்ட அனைத்து வேட்பாளர்களையும் டெபாசிட் இழக்கச் செய்திருக்கிறார். 

 

திமுக மாநில துணைப் பொதுச் செயலாளராக உள்ள பெரியசாமி, முதல்முறையாக 1989ஆம் ஆண்டு திமுக சார்பில் போட்டியிட்டு வெற்றிபெற்றார். அதன்பின் 1991ஆம் ஆண்டு தேர்தலில் தோல்வியடைந்தார். மீண்டும் 1996ஆம் ஆண்டு நடந்த சட்டமன்றத் தேர்தலில் வெற்றிபெற்றார். அதன்பின் 2001இல் மீண்டும் தோல்வி அடைந்தார். அதன்பிறகு 2006, 2011, 2016ஆம் ஆண்டுகளில் நடந்த சட்டமன்றத் தேர்தல்களில் வெற்றிபெற்றார். இந்த முறையும் இதே தொகுதியில் போட்டியிட்டு ஒரு லட்சத்து 60 ஆயிரத்து 850 ஓட்டுகள் பெற்றார். 

 

அவரை எதிர்த்து அதிமுக கூட்டணியில் போட்டியிட்ட பாமக வேட்பாளர் திலகபாமா 30 ஆயிரத்து 238 வாக்குகள் மட்டுமே பெற்று டெபாசிட்டை இழந்தார். அந்தளவுக்கு ஒரு லட்சத்து 37 ஆயிரத்து 577 வாக்குகள் கூடுதலாக வாங்கியுள்ளார் ஐ.பெரியசாமி. இதன் மூலம் தமிழகத்திலேயே அதிக வாக்குகள் வித்தியாசத்தில் வெற்றிபெற்றவர் என்ற பெருமையைப் பெற்றதோடு மட்டுமில்லாமல், தன்னை எதிர்த்துப் போட்டியிட்ட பாமக வேட்பாளர் திலகபாமா உட்பட 19 வேட்பாளர்களையும் டெபாசிட் இழக்கச் செய்துள்ளார். இதன் மூலம் தமிழக சட்டமன்றத் தேர்தல் வரலாற்றில் சாதனையும் படைத்துள்ளார் கழக துணை பொதுச்செயலாளர் ஐ.பெரியசாமி.

 

 

சார்ந்த செய்திகள்

Next Story

ஒரே மாவட்டத்தைச் சேர்ந்த 40 பேருக்கு பதவி உயர்வு... ஆணையை வழங்கிய அமைச்சர் ஐ.பெரியசாமி! 

Published on 02/10/2022 | Edited on 02/10/2022

 

 

Promotion to 40 people from the same district... Minister I. Periyasamy gave the order!


திண்டுக்கல் மாவட்டத்தில் கூட்டுறவுத்துறையின் தொடக்க வேளாண்மை கூட்டுறவு கடன் சங்கத்தில் பணிபுரியும் எழுத்தர் மற்றும் முதுநிலை எழுத்தர் 40 பேருக்கு பொது பணிநிலைத்திறன் கீழ் பதவி உயர்வு மற்றும் பணி ஒதுக்கீடு ஆணையினை ஒரே நாளில் கூட்டுறவுத்துறை அமைச்சர் ஐ.பெரியசாமி வழங்கி உத்தரவிட்டார். 

 

அதன்படி, பொது பணிநிலைத் திறன் குழுவின் தலைவரும், திண்டுக்கல் மண்டலக் கூட்டுறவு சங்கங்களின் இணைப் பதிவாளருமான கோ.காந்திநாதன் உத்தரவினை வெளியிட்டார். இந்த நிலையில், நேற்று (01/10/2022) அதற்கான ஆணையை கூட்டுறவுத் துறை அமைச்சர் ஐ.பெரியசாமி, கூட்டுறவு சங்கங்களின் செயலாளருக்கு வழங்கினார். 

 

அப்போது பேசிய அமைச்சர் ஐ.பெரியசாமி, "தமிழக முதலமைச்சர் மு.க.ஸ்டாலின் வழிகாட்டுதலின் படி, தமிழக கூட்டுறவுத் துறை இந்தியாவே போற்றும், அளவிற்கும் சிறப்பான துறையாக மாறி வருகிறது. பதவி உயர்வு பெறும் கூட்டுறவு சங்க செயலாளர்களுக்கு எவ்வித சிரமமும் இன்றி பதவி உயர்வும், இடமாறுதலும் வழங்கப்பட்டுள்ளது.

 

திண்டுக்கல் கூட்டுறவு ஒன்றிய நிர்வாகிகளின் சிறப்பான பணியினால் கூட்டுறவு கலை மற்றும் அறிவியல் கல்லூரி சிறப்பாக செயல்பட்டு வருகிறது. அதற்கு எனது மனமார்ந்த பாராட்டுகள்" என்றார். 

 

நிகழ்ச்சியின்போது திண்டுக்கல் மண்டல கூட்டுறவு சங்கங்களின் இணைப் பதிவாளர் காந்திநாதன், தலைமை செயற்குழு உறுப்பினர்கள் தண்டபாணி, ஆத்தூர் நடராஜன், ஒன்றிய செயலாளர்கள் பிள்ளையார் நத்தம் முருகேசன், பாறைப்பட்டி ராமன், திண்டுக்கல் சரக கூட்டுறவுத் துறையின் துணைப் பதிவாளர் முத்துக்குமார், மாவட்டக் கூட்டுறவு ஒன்றிய மேலாண்மை இயக்குநர் செல்வக்குமார் ஆகியோர் கலந்து கொண்டனர்.

 

Next Story

"தி.மு.க. ஆட்சியில்தான் கருணை அடிப்படையிலான பணி நியமன ஆணைகள் உடனடியாக வழங்கப்படுகிறது"- அமைச்சர் ஐ.பெரியசாமி பேச்சு!

Published on 25/09/2022 | Edited on 25/09/2022

 

"It is in the DMK regime that orders of appointment based on mercy are given immediately"- Minister I. Periyasamy's speech!

 

கூட்டுறவுத் துறையில் பணியின் போது இறந்தவர்களின் வாரிசுகள் மூன்று பேருக்கு கருணை அடிப்படையில் பணி நியமன ஆணையைக் கூட்டுறவுத்துறை அமைச்சர் ஐ.பெரியசாமி வழங்கினார்.

 

திண்டுக்கல் மாவட்டத்தில் உள்ள கூட்டுறவுச் சங்கங்களில் பணியின்போது இறந்தவர்களின் வாரிசுகளுக்கு பணி நியமன ஆணை வழங்கும் நிகழ்ச்சி கூட்டுறவுக் கல்லூரி யில் நடைபெற்றது. இந்த நிகழ்ச்சிக்கு கூட்டுறவு சங்கங்களின் மண்டல இணைப் பதிவாளர் காந்திநாதன் தலைமை தாங்கினார். கூட்டுறவு ஒன்றிய மேலாண்மை இயக்குநர் செல்வக்குமார் வரவேற்று பேசினார். நிகழ்ச்சியில் இறந்தவர்களின் வாரிசுகளுக்கு கருணை அடிப்படையில் பணி நியமன ஆணையை சேவுகம்பட்டி தொடக்க வேளாண்மை கூட்டுறவுச் சங்கத்தில் பணிபுரிந்த முருகனின் உறவினர் வசந்திக்கு, கூட்டுறவு வேளாண்மை சங்கத்தில் ஏவலர் பணியும், வத்தலக்குண்டு பஞ்சாயத்து யூனியன் பள்ளிகளில் கூட்டுறவு சிக்கன நாணயத்தில் பணிபுரிந்த சீனிவாசன் என்பவரின் மகன் விக்னேஷ்வரனுக்கு, டிடி523 மேட்டுப்பட்டி கூட்டுறவு நகர கூட்டுறவு கடன் சங்கத்தில் சிற்றெழுத்தர் பணியும், கிழக்கு செட்டியபட்டி தொடக்க வேளாண்மை கூட்டுறவு சங்கத்தில் பணியின்போது உயிரிழந்த விசுவநாதன் உறவினர் கிஷோர் மங்களத்திற்கு கிழக்கு செட்டியப்பட்டி தொடக்க வேளாண்மை கூட்டுறவு சங்கத்தின் விற்பனையாளர் பணிக்கான ஆணையையும் அமைச்சர் ஐ.பெரியசாமி வழங்கினார். 

 

நிகழ்ச்சியில் பேசிய அமைச்சர் ஐ.பெரியசாமி, "தமிழகத்தில் தி.மு.க. ஆட்சியின் போது தான் கூட்டுறவுத் துறையில் பணியின் போது, இறந்தவர்களின் வாரிசுகளுக்கு வேலை வாய்ப்பு வழங்கப்படுகிறது. கடந்த ஆட்சி காலத்தில் வருட கணக்கில் காத்திருந்தவர்களுக்கு கூட தி.மு.க. ஆட்சியில் உடனடியாக பணி நியமன ஆணை வழங்கப்பட்டு அவர்களின் வாழ்வாதாரம் காப்பாற்றப்படுகிறது" என்று கூறினார்.