Breaking

10 டன் மீன்களை அழித்த கேரளா உணவுத்துறை

Published on 27/06/2022 | Edited on 27/06/2022

Kerala Food Department destroys 10 tonnes of fish

சவர்மா சாப்பிட்ட கேரளாவின் காசர்கோடுப் பகுதியைச் சேர்ந்த மாணவி தேவநந்தா பலியானதையடுத்து கேரள மாநில உணவுத்துறை ஹோட்டல்கள் சிற்றுண்டி மால்களை உன்னிப்பாகக் கவனித்து வருவதுடன் நுகர்வோர் மாநிலமான கேரளாவுக்கு அண்டை மாநிலம் உள்பட பிறபகுதிகளிலிருந்து வருகிற இறைச்சி, மற்றும் உணவுப் பொருட்களைச் சோதனையிட்டு வருகிறது.

தற்போது கடல் மீன்களின் இன விருத்திக்காக கேரளாவில் மீன் பிடிதடை காலம் அமல்படுத்தப்பட்டுள்ள நிலையில், கேரள தேவையின் மீன்கள் அண்டை மாநிலமான தமிழகத்திலிருந்து டன் கணக்கில் செல்லுகின்றன. விலையும் ஓரளவு லாபம் கிடைப்பதால் மீன் லோடுகளின் எண்ணிக்கையும் அதிகரித்திருக்கிறது. இதில் தமிழகத்திலிருந்து கொண்டு செல்லப்படுகிற சூரைமீனுக்கு கடும் கிராக்கி. கேரளாவிலிருப்பதால் அது அட்டியில்லாமல் நாட்கள் தோறும் கொண்டு செல்லப்படுகின்றன. இப்படி விற்பனைக்காக, ஹோட்டல்களுக்காகக் கொண்டு செல்லப்படுகிற மீன்களில் நாட்பட்ட மீன்களும் ஐஸ்கட்டிகளில் பதப்படுத்தப்பட்டு கொண்டு செல்வதும் உண்டாம்.

இந்த நிலையில் நேற்றைய தினம் தமிழகத்தின் கடலூரிலிருந்து 10க்கும் மேற்பட்ட மீன் கன்டெய்னர் லாரிகள் தமிழகத்தின் தென்காசி மாவட்ட புளியரைப் பகுதி வழியாக கேரளாவுக்குச் சென்றன. கேரளாவின் எல்லையான கோட்டைவாசல் ஆரியங்காவுப் பகுதிக்குள் நுழைந்த லாரிகளை கேரளாவின் சாத்தனூர் வட்ட உணவு பாதுகாப்பு அலுவலர் சுஜித் பெரேரா தலைமையில் கொட்டாரக்கரை உணவு பாதுகாப்பு அலுவலர் லட்சுமி நாயர், பத்னாபுரம் உணவு பாதுகாப்பு அலுவலர் நிஷா ராணி மற்றும் மீன் வளத்துறை அதிகாரி ஷான் உள்ளிட்ட அதிகாரிகள் எல்லைக்குள் நுழைந்த 10க்கும் மேற்பட்ட மீன் கன்டெய்னர் லாரிகளை மறித்து சோதனை நடத்தினர். இதில் மூன்று கன்டெய்னர்களில் கொண்டு செல்லப்பட்ட 10,750 கிலோ (10டன்னிற்கும் மேற்பட்ட) மீன்கள் ஐஸ் கட்டியில் வைத்திருந்ததில் கெட்டுப் போய் வீச்சமெடுத்ததை அறிந்தவர்கள் அந்த மூன்று லாரிகள் உட்பட மீன்களைப் பறிமுதல் செய்தனர்.

இதிலுள்ள மீன்களின் சாம்பிளை சொச்சியிலுள்ள ஆய்வகத்திற்குப் பரிசோதனைக்காக அனுப்பினர். பின்னர். பறிமுதல் செய்யப்பட்ட 10 டன் மீன்களையும் கழுதுருட்டி ரப்பர் காடு பகுதியில் ஜே.சி.பி. மூலம் பெரிய குழி தோண்டி புதைக்கப்பட்டது. பறிமுதல் செய்யப்பட்ட மீன்களின் மதிப்பு சுமார் 28 லட்சம் என்கிறார்கள்.

இது குறித்து சாத்தனூர் வட்ட உணவு பாதுகாப்பு அலுவலர் சுஜித் பெரேரா, “இந்த மீன்கள் கெட்டுப் போனவைகள் அது தெரியாமலிருக்க ரசாயன திரவம் தடவப்பட்டு ஐஸ்கட்டிகளில் வைத்துக் கொண்டு வரப்பட்டன. இவைகள் கேரளாவின் கருநாகப்பள்ளி, ஆலங்கோடு பகுதிகளுக்கு விற்பனைக்காக கொண்டு செல்லப்படுவதாக விசாரணையில் தெரிகிறது. ஆய்வு முடிவுக்குப் பின்பு நடவடிக்கை எடுக்கப்படும்” என்றார்.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 24/04/2024 | Edited on 24/04/2024

Police register cheating case against producers of Manjummel Boys

இயக்குநர் சிதம்பரம் இயக்கத்தில் சௌபின் ஷாஹிர், ஸ்ரீநாத் பாசி, பாலு வர்கீஸ் உள்ளிட்ட பலர் நடிப்பில் கடந்த பிப்ரவரி 22 ஆம் தேதி வெளியான மலையாளப் படம் ‘மஞ்சும்மல் பாய்ஸ்’. பரவா பிலிம்ஸ் தயாரிப்பில் உருவாகியுள்ள இப்படத்திற்கு சுஷின் ஷ்யாம் இசையமைத்திருந்தார். இப்படம் கொடைக்கானலில் நடந்த உண்மைச் சம்பவத்தைத் தழுவி எடுக்கப்பட்டிருந்தது. 2006 ஆம் ஆண்டு கொடைக்கானலுக்கு சுற்றுலா வரும் கேரள இளைஞர்கள், ஒரு இக்கட்டான சூழ்நிலையில் சிக்கி அதிலிருந்து எப்படி மீள்கின்றனர் என்ற சம்பவத்தை அடிப்படையாகக் கொண்டு உருவாக்கப்பட்டிருந்தது.

சர்வைவல் த்ரில்லர் ஜானரில் வெளியான இப்படம் நல்ல வரவேற்பைப் பெற்றது. தமிழிலும் ரசிகர்கள் பாராட்டி வந்தனர். இப்படம் உலகம் முழுவதும் ரூ.200 கோடி வசூலித்து மலையாள திரையுலகில் ரூ.200 கோடி கிளப்பில் இணைந்த முதல் படம் என்ற சாதனையை படைத்தது. இந்த நிலையில் இப்படத்தின் தயாரிப்பு நிறுவனமான பரவா பிலிம்ஸ் பங்குதாரர் ஷான் ஆண்டனி, லாபத்தில் பங்கு தருவதாக கூறி ஏமாற்றி விட்டதாக கேரளா அரூர் பகுதியைச் சேர்ந்த சிராஜ் என்பவர் எர்ணாகுளம் கீழமை நீதிமன்றத்தில் மனு தாக்கல் செய்திருந்தார். அந்த மனுவில், “ மஞ்சும்மல் பாய்ஸ் படத்திற்காக ரூ.7 கோடியை முதலீடு செய்தேன். பட தயாரிப்பு நிறுவனத்தின் பங்குதாரர் ஷான் ஆண்டனி லாபத்தில் 40 சதவீதம் பங்கு தருவதாக கூறியிருந்தார். ஆனால் இதுவரை எனக்கு ஒரு ரூபாய் கூட பணம் தரவில்லை. லாபம் மட்டும் இல்லாமல் முதலீடு செய்த பணத்தை கூட திருப்பி தரவில்லை” என குற்றம் சாட்டியிருந்தார்.

இந்த வழக்கை விசாரித்த நீதிமன்றம் படத்தின் தயாரிப்பாளர்களான சவுபின் ஷாஹிர், ஷான் ஆண்டனி, பாபு ஷாஹிர் ஆகியோரின் வங்கிக் கணக்கை முடக்க உத்தரவிட்டிருந்தார். இது தொடர்பாக விளக்கம் கேட்டு தயாரிப்பாளர்களுக்கு நோட்டீஸ் அனுப்பப்பட்டது. இந்த நிலையில் படத்தின் தயாரிப்பாளர்கள் வுபின் ஷாஹிர், ஷான் ஆண்டனி, பாபு ஷாஹிர் ஆகிய மூன்று பேர் மீதும் மரடு போலீஸார் வழக்குப்பதிவு செய்துள்ளனர். எர்ணாகுளம் நீதிமன்ற உத்தரவின்படி வழக்கானது பதிவு செய்யப்பட்டுள்ளது.

Photographer

Published on 23/04/2024 | Edited on 23/04/2024

Papanasam film style incident; The incident shocked the police

கேரள மாநிலம் ஆலப்புழா மாவட்டத்தில் உள்ளது மாதாரி குளம் கிராமம். அங்கே உள்ள பூங்கா பகுதியில் வசித்து வந்தவர் ரோஷம்மா. கடந்த புதன்கிழமை அன்று ரோஷம்மா திடீரென மாயமானார். இதனால் பல இடங்களில் அவரை உறவினர்கள் தேடி வந்தனர். எங்கு தேடியும் அவரை கண்டுபிடிக்க முடியாததால் இறுதியாக காவல் நிலையத்தில் உறவினர்கள் புகார் அளித்தனர்.

போலீசார் ரோஷம்மா தொடர்பான நபர்களிடம் விசாரணை மேற்கொண்டு வந்த நிலையில் ரோசம்மாவின் உறவினர்களிடமும் விசாரணை நடத்தப்பட்டது. அப்போது ரோசம்மாவின் சகோதரர் பென்னி என்பவரிடத்தில் போலீசார் விசாரித்த போது அவர் முன்னுக்கு பின் முரணாக பதில் கொடுத்தார். இதனால் சந்தேகமடைந்த போலீசார் அவரிடம் விசாரணையை தீவிரப்படுத்தினர். அப்பொழுது சுத்தியலால் ரோசம்மாவை அடித்து கொலை செய்து வீட்டு வளாகத்திலேயே புதைத்தது தெரிய வந்தது.

புதைத்த இடத்தை பென்னி அடையாளம் காட்டிய நிலையில் ரோஷம்மாவின் சடலம் தோண்டி எடுக்கப்பட்டது. கைப்பற்றப்பட்ட சடலமானது பிரேத பரிசோதனைக்காக அனுப்பி வைக்கப்பட்டது. கொலைக்கான காரணம் குறித்து பெண்ணிடம் விசாரித்த போது கணவரை பிரிந்து வாழ்ந்து வந்த ரோசம்மாவுக்கும் பென்னிற்கும் இடையே முன்விரோதம் இருந்துள்ளது. இந்நிலையில் கடந்த புதன்கிழமை ஏற்பட்ட தகராறின் போது ஆத்திரத்தில் சுத்தியலால் ரோசம்மாவை அடித்து கொலை செய்து வீட்டு வளாகத்திலேயே புதைத்தது போலீசார் விசாரணையில் தெரியவந்துள்ளது. பாபநாசம் பட பாணியில் நடந்த இந்தக் கொலை போலீசாருக்கே அதிர்ச்சியைக் கொடுத்துள்ளது.