Skip to main content

பினாமி சொத்தைக் காட்டிக்கொடுத்தால் 1 கோடி பரிசு!! -மத்திய நிதி அமைச்சகம்

Published on 02/06/2018 | Edited on 02/06/2018

பினாமி சொத்துக்களை கண்டறியவும் அவற்றை பறிமுதல் செய்யவும் மத்திய அரசு பல தொடர் நடவடிக்கைகளில் ஈடுபட்டுவருகின்றது. அதன் தொடர் நடவடிக்கையாக தற்போது மத்திய நிதி அமைச்சகம் வெளியிட்டுள்ள குறிப்பில் பினாமி சொத்துக்கள் பற்றிய தகவலளிப்போருக்கு ஒரு கோடி சன்மானம் வழங்கப்படும் என தெரிவிக்கப்பட்டுள்ளது. மேலும் அந்த குறிப்பில் கூறப்பட்டிருப்பதாவது,
 

money

 

 

 

பினாமி சொத்துக்கள் குறித்த தகவலை ஆதாரங்களுடன் ஒரு தனி நபரோ அல்லது குழுவோ அந்தந்த வட்டார வருமானத்துறை இணை ஆணையர் அல்லது கூடுதல் ஆணையரிடம் தகவல் அளிக்கலாம். அதிகாரிகள் கொடுக்கும் விண்ணப்பத்தில் பினாமி சொத்துக்கள் பற்றிய தகவலை பூர்த்தி செய்து கொடுத்தால் அதிகாரிகள் உரிய நடவடிக்கை எடுப்பார்கள். அதேபோல் வெளிநாட்டில் உள்ள பினாமி சொத்துக்கள் பற்றியும் இதே முறையில் தகவல் தெரிவிக்கலாம். தகவல் தெரிவிப்போர் வெளிநாடுகளை சேர்ந்தவர் என்றால் இணைய அஞ்சல், கடிதம் அல்லது இந்திய தூதரகங்களில் உள்ள வருமான துறை அதிகாரியிடம் தகவல் அளிக்கலாம். முதல் கட்ட விசாரணையில் கொடுத்த தகவல் உண்மையானது என்று  தெரியவந்தால் அந்த தகவலை கொடுத்தவருக்கு இரண்டுவாரத்தில் 1% பரிசு தொகை வழங்கப்படும். முழுவதும் நிரூபிக்கப்பட்டால் 6 வாரத்திற்கு பிறகு முழு பரிசு தொகையும் வழங்கப்படும் .

 

money

 

 

 

பரிசு தொகைக்கான உச்சவரம்பு 1 கோடி அதேபோல் வெளிநாட்டிலுள்ள பினாமி சொத்துக்கள் பற்றிய தகவலுக்குகான பரிசு தொகைக்கான உச்சவரம்பு 5 கோடி எனவும் அறிவிக்கப்பட்டுள்ளது. அரசு ஊழியர்கள் அல்லது அரசு நிறுவனம் சார்ந்த ஊழியர்கள் தகவல் தெரிவித்தால் பரிசு தொகை வழங்கப்பட்ட மாட்டாது. அதேபோல் தகவல் அளிக்கும் தனிநபர் மற்றும் குழுக்கள் பற்றிய தகவல் மத்திய அரசால் ரகசியமாக காக்கப்படும். தகவல் அறியும் உரிமை சட்டத்தின் மூலமாகக்கூட தகவல் அறிவித்தவர் பற்றிய விவரங்களை அறிய முடியாது. தகவல்கள் தவறாக இருந்தால் சட்டப்படி நடவடிக்கை எடுக்கப்படும் எனவும் கூறப்பட்டுள்ளது. 

சார்ந்த செய்திகள்

Next Story

பிரதமர் இல்லம் முற்றுகை; ஆம் ஆத்மியினர் குண்டுக்கட்டாக கைது

Published on 26/03/2024 | Edited on 26/03/2024
Siege of Prime Minister's House; Aam Aadmi Party Arrested for Bombing

டெல்லி 32 மண்டலங்களாகப் பிரிக்கப்பட்டு 849 சில்லறை விற்பனை நிலையங்களுக்கு மதுபானம் விற்பனை செய்ய உரிமம் வழங்கியதில் முறைகேடு நடந்ததாகவும், அதில் 100 கோடி ரூபாய் கைமாறியதாகவும் புகார் எழுந்தது. இது தொடர்பான வழக்கில் அமலாக்கத்துறை விசாரணை நடத்தி வருகிறது. இந்த வழக்கில் டெல்லியின் முன்னாள் துணை முதல்வர் மணீஷ் சிசோடியா ஏற்கெனவே கைது செய்யப்பட்டு சிறையில் இருக்கிறார்.

இந்த வழக்கு தொடர்பாக டெல்லி முதல்வர் அரவிந்த் கெஜ்ரிவாலுக்கு 9 முறை அமலாக்கத்துறை சம்மன் அனுப்பியும், அரவிந்த் கெஜ்ரிவால் ஆஜராகாமல் தவிர்த்து வந்த நிலையில், சில தினங்களுக்கு முன்பு கைது செய்யப்பட்டார். அதனைத் தொடர்ந்து பல்வேறு போராட்டங்களை ஆம் ஆத்மி கட்சியினர் எடுத்து வருகின்றனர்.

தமிழகத்திலும் ஆம் ஆத்மி கட்சிக்கு ஆதரவாகப் போராட்டங்கள் நடைபெற்று வருகிறது. இந்நிலையில், இன்று டெல்லியில் உள்ள பிரதமர் மோடியின் இல்லத்தை முற்றுகையிட ஆம் ஆத்மி கட்சியினர்  முற்பட்டனர். ஆனால் காவல்துறை சார்பில் அதற்கு அனுமதி இல்லை எனத் தெரிவித்திருந்தது. இந்நிலையில், தடையை மீறி பிரதமர் மோடி இல்லத்தை முற்றுகையிட முயன்ற ஆம் ஆத்மி கட்சியினர் குண்டுக்கட்டாக கைது செய்யப்பட்டு அழைத்துச் செல்லப்பட்டனர். இதனால் அந்த பகுதியில் அதிகப்படியான போலீசார் குவிக்கப்பட்டிருப்பதால் பரபரப்பாக உள்ளது.

Next Story

கண்மூடித்தனமான துப்பாக்கிச் சூடு; 70 பேர் உயிரிழப்பு

Published on 23/03/2024 | Edited on 23/03/2024
 Indiscriminate shooting; 70 people lost their lives

ரஷ்ய தலைநகர் மாஸ்கோவில் தீவிரவாதிகள் நடத்திய தாக்குதலில் 70 பேர் உயிரிழந்தது பரபரப்பை ஏற்படுத்தி இருக்கிறது. இந்த தாக்குதல் சம்பவத்திற்கு ஐஎஸ்ஐஎஸ் தீவிரவாத அமைப்பு  பொறுப்பேற்றுள்ளது. உலக அளவில் பல்வேறு நாடுகளில் இருந்து இந்த தாக்குதல் சம்பவத்திற்கு கண்டனங்கள் குவிந்து வருகிறது.

ரஷ்ய தலைநகர் மாஸ்கோவில் உள்ள இசை நிகழ்ச்சி அரங்கில் எதிர்பாராதவிதமாக பயங்கர ஆயுதங்களுடன் நுழைந்த கும்பல் அங்கிருந்த மக்களை நோக்கி துப்பாக்கிச் சூட்டில் ஈடுபட்டது. இந்த கண்மூடித்தனமான துப்பாக்கிச் சூடு தாக்குதலில் 70 பேர் உயிரிழந்துள்ளனர். 140க்கும் மேற்பட்டோர் படுகாயம் அடைந்துள்ளனர். இதற்கு உலக தலைவர்கள் பலரும் கண்டனங்களை தெரிவித்து வரும் நிலையில், பிரதமர் மோடி எக்ஸ் சமூக வலைதளத்தின் வாயிலாக இந்த தாக்குதலுக்கு கண்டனம் தெரிவித்துள்ளார். 'இந்த துயரமான நேரத்தில் ரஷ்ய கூட்டமைப்பின் அரசாங்கத்திற்கு இந்திய அரசும், இந்திய மக்களும் துணை நிற்போம்' எனத் தெரிவித்துள்ளார்.