Skip to main content

எனக்கு தலைக்கனம் கிடையாது - ஷாலினி பாண்டே

Published on 24/02/2018 | Edited on 24/02/2018
sh


அர்ஜுன் ரெட்டி படத்தில் நடித்த பிரீத்தி என்ற கதாபாத்திரம் மூலம் பிரபலமடைந்த ஷாலினி பாண்டே தற்போது மகாநதி, 100% காதல், கொரில்லா ஆகிய தமிழ் படங்களில் பிசியாக நடித்து வருகிறார். அதுபோக தெலுங்கிலும் பல படங்களில் நடித்து வரும் அவர் தமிழ் ரசிகர்கள் மனதிலும் இடம் பிடிப்பதை பற்றி பேசும்போது.... "அர்ஜுன்ரெட்டி படத்தில் நடித்த பிரீத்தி கதாபாத்திரம் மூலம் நான் பிரபலமாகி இருக்கிறேன். பெரும்பாலான மக்களிடம் என்னை அது கொண்டு சேர்த்து இருக்கிறது. நான் எங்கு சென்றாலும் என்னை பிரீத்தி என்று தான் மக்கள் அழைக்கிறார்கள். அதைக்கேட்டு நான் உணர்ச்சி வசப்படுகிறேன். மக்களின் அன்புக்கு அடிமையாகி விட்டேன். என்றாலும், அந்த படத்தின் மூலம் கிடைத்த புகழ் மூலம் நான் தலைக்கனம் கொள்ளவில்லை.நான் எப்போதும் போலவே இருக்கிறேன். தெலுங்கு மக்களை கவர்ந்தது போல, நான் நடித்து வரும் தமிழ் படங்கள் மூலம் தமிழ் ரசிகர்கள் மனதிலும் இடம் பிடிக்க வேண்டும். அதுதான் இப்போது எனது நோக்கம். நிச்சயம் இடம் பிடிப்பேன் என்று நம்புகிறேன்" என்றார்.

சார்ந்த செய்திகள்

Next Story

ஜீவா நடிக்கும் கொரில்லா பட ரிலீஸ் எப்போது..? 

Published on 07/12/2018 | Edited on 07/12/2018
gorilla

 

 

ஜீவா முதல்முறையாக சிம்பான்சி குரங்குடன் நடிக்கும் படம் 'கொரில்லா'. ஆல் இன் பிக்சர்ஸ் பட நிறுவனம் சார்பில் தயாராகியிருக்கும் இப்படத்தில் நாயகியாக ஷாலினி பாண்டே மற்றும் முக்கிய கதாபாத்திரத்தில் ராதாரவி, சதீஷ், விவேக் பிரசன்னா, யோகி பாபு, மொட்டை ராஜேந்திரன், சுவாமிநாதன் உள்ளிட்ட பலர் நடித்திருக்கிறார்கள். மேலும் சாம் சி.எஸ் இசையமைக்கும் இப்படத்தை கதை, திரைக்கதை, வசனம் எழுதி இயக்கியிருக்கிறார் டான் சாண்டி. இப்படத்தின் படப்பிடிப்பு மற்றும் பின்னணி வேலைகள் அனைத்தும் முடிந்து ரிலீசுக்கு தயாராக இருக்கும் நிலையில் வரும் 2019ஆம் ஆண்டு ஜனவரி மாதம் படத்தை வெளியிடவுள்ளதாக படக்குழு சமூகவலைத்தளத்தில் தற்போது அறிவித்துள்ளது.