ஸ்கெட்ச் படத்தையடுத்து நடிகர் விக்ரம் தற்போது சாமி ஸ்கொயர் படத்தில் நடித்து வருகிறார். 2003ஆம் ஆண்டு வெளியாகி மாபெரும் வெற்றி பெற்ற சாமி படத்தின் இரண்டாம் பாகம் ஆகும். ஹரி இயக்கி கொண்டிருக்கும் இப்படத்தில் பாபி சிம்ஹா, கீர்த்தி சுரேஷ் உள்ளிட்ட பலர் நடித்து வருகிறார்கள். இப்படத்தின் படப்பிடிப்பு தற்போது விறுவிறுப்பாக நடைபெற்று வரும் நிலையில் படப்பிடிப்பிற்காக விக்ரம் விமானத்தில் சென்றுகொண்டிருக்கும் போது விக்ரமுக்கு விமான பணி பெண்கள் இன்ப அதிர்ச்சி அளித்திருக்கிறார்கள். விமானத்தில் விக்ரம் பயணிப்பதை அறிந்த பணி பெண்கள், அவருக்கு இந்த விமானத்தில் பயணிக்கும் மிகவும் திறமையான சூப்பர் ஸ்டார் வினோத் விக்ரமுக்கு நன்றி என்று வாழ்த்து கூறிய பலகையை கேக்கின் மேல் வைத்து இனிப்பு மற்றும் ஜூஸ் கொடுத்து தன் அன்பை வெளிப்படுத்தியுள்ளனர். இதற்கு விக்ரம் நன்றி தெரிவித்து அவர்களுடன் புகைப்படம் எடுத்துக் கொண்டார். அது தற்போது சமூக வலைத்தளங்களில் வைரலாகி வருகிறது.
இன்ப அதிர்ச்சிக்கு உள்ளான சீயான் விக்ரம்
சார்ந்த செய்திகள்
Next Story
'தாய் வயித்துல பொறக்கல, பேய் வயித்துல பொறந்தேன்' - தெறிக்கவிட்ட விக்ரம்!
சியான் விக்ரம் நடிப்பில் உருவாகி வரும் 'சாமி ஸ்கொயர்' படத்தின் இறுதிக்கட்ட படப்பிடிப்பு விறுவிறுப்பாக நடைபெற்று வருகிறது. கீர்த்தி சுரேஷ் நாயகியாக நடிக்கும் இப்படத்தை ஹரி இயக்கியுள்ளார். 'சாமி' படத்தின் இரண்டாம் பாகமாக உருவாகி வரும் இப்படத்தின் ஃபர்ஸ்ட் லுக் மோஷன் போஸ்டர் சமீபத்தில் வெளியான நிலையில் படத்தின் ட்ரைலரை நேற்று காலை 11 மணி அளவில் வெளியிடுவதாக படக்குழு முன்னர் அறிவித்திருந்தது.
அதன்படி படத்தின் பரபரப்பான ட்ரைலர் நேற்று காலை வெளியாகி ரசிகர்களிடையே கலவையான உணர்வை ஏற்படுத்தியிருக்கிறது. கடந்த 2003ல் எடுக்கப்பட்ட சாமி படத்தில் 'நான் போலீஸ் இல்ல பொறுக்கி', போன்ற பன்ச் வசனங்கள் இருந்ததைப் போல இந்தப் படத்தில் அதற்கு அடுத்த லெவலில் அதிரடியாகக் களமிறங்கி நடிகர் விக்ரம் 'நான் தாய் வயித்துல பொறக்கல... பேய் வயித்துல பொறந்தேன்' என்றும் 'நான் சாமி இல்ல... பூதம்' என்றும் ட்ரைலரில் பன்ச் வசனங்களைப் பேசி ரசிகர்களை தெறிக்கவிட்டுள்ளார் விக்ரம். பரபரப்புக்கும் விறுவிறுப்புக்கும் 'பன்ச்'க்கும் பறக்கும் கார்களுக்கும் பேர் பெற்ற இயக்குனர் ஹரி படங்களின் ரசிகர்களுக்கு பெரிய விருந்து காத்திருக்கிறது போல.
Next Story
விக்ரம் படத்தின் முக்கிய அப்டேட் வெளியீடு
விக்ரம் நடிப்பில் மாபெரும் வெற்றிபெற்ற சாமி படத்தின் இரண்டாம் பாகமான 'சாமி ஸ்கொயர்' படத்தை இயக்குனர் ஹரி முழு வீச்சில் இயக்கி வருகிறார். கீர்த்தி சுரேஷ் நாயகியாக நடிக்கும் இப்படத்தின் 80% படப்பிடிப்பு முடிவடைந்த நிலையில் தற்போது இதன் இறுதிக்கட்ட படப்பிடிப்பு காரைக்கடியில் விறுவிறுப்பாக நடைபெற்று வருகிறது. இப்படத்தில் வில்லனாக பாபி சிம்ஹாவும் பிரபு, ஜான் விஜய், சூரி, இமான் அண்ணாச்சி, உமா ரியாஸ் ஆகியோர் முக்கிய காதாபாத்திரத்தில் நடிக்கின்றனர். இந்நிலையில் இப்படத்தின் பர்ஸ்ட் லுக் மோஷன் போஸ்டரை வரும் மே 17ஆம் தேதி வெளியிடுவதாக படக்குழு தற்போது அறிவித்துள்ளனர். மேலும் தேவி ஸ்ரீ பிரசாத் இசையில் உருவாகியிருக்கும் இப்படத்தை வரும் அக்டோபரில் திரைக்கு கொண்டுவர படக்குழு திட்டமிட்டுள்ளனர்.