நடிகர் அர்ஜுனின் மகள் ஐஸ்வர்யா. இவர் விஷால் நடித்த பட்டத்து யானை படத்தில் கதாநாயகியாக நடித்திருந்தார். பின்பு தெலுங்கில் அர்ஜுன் இயக்கத்தில் வெளியான பிரேமா பராஹா படத்தில் நடித்திருந்தார். இவரும் நடிகர் தம்பி ராமையாவின் மகன் உமாபதி ராமையாவும் கடந்த சில ஆண்டுகளாக காதலித்து வந்தனர். உமாபதி 'அதாகப்பட்டது மகாஜனங்களே' படத்தில் ஹீரோவாக அறிமுகமானார்.பின்பு மணியார் குடும்பம், திருமணம், தண்ணி வண்டி உள்ளிட்ட படங்களில் நடித்துள்ளார்.
இந்த நிலையில் இருவரின் வீட்டாரின் சம்மதத்தோடு உமாபதி ராமையாவுக்கும் ஐஸ்வர்யாவுக்கும் நேற்று நிச்சயதார்த்தம் நடைபெற்றுள்ளது. சென்னை கெருகம்பாக்கதில் உள்ள ஆஞ்சநேயர் கோவிலில் இந்த நிச்சய நிகழ்வு நடைபெற்றதாக கூறப்படுகிறது. இந்த கோவிலை அர்ஜுன் கட்டியது குறிப்பிடத்தக்கது. இந்த விழாவில் இருவீட்டாரின் குடும்பங்களும் அவர்களது நெருங்கிய நண்பர்கள் மட்டுமே கலந்து கொண்டுள்ளனர்.
விழாவில் எடுக்கப்பட்ட புகைப்படங்கள் சமூக வலைத்தளங்களில் வெளியாகி வைரலாகி வருகிறது. அந்த புகைப்படங்களை பகிர்ந்து திரை பிரபலங்களும் ரசிகர்களும் புது தம்பதிகளுக்கு வாழ்த்து தெரிவித்து வருகின்றனர்.
