Add1
logo
இணையதளங்களில் படங்கள் வெளியாவதை தடுக்க வெங்கைய்ய நாயுடுவிடம் விஷால் கோரிக்கை || வனப்பகுதியில் கடும் வறட்சி, குடிநீர் கிடைக்காமல் வனவிலங்குகள் பரிதவிப்பு (படம்) || என் உயிரை கொடுத்தாவது மருத்துவகல்லூரி திட்டத்தை நிறைவேற்றுவேன்: செந்தில்பாலாஜி ஆவேசம் || குழந்தைகளை வைத்து பிச்சை எடுத்த இரு பெண்கள் மூன்று குழந்தைகளுடன் கைது || எத்தனை தடைகள் வந்தாலும் தகர்த்தெறிவோம்: நாராயணசாமி || போலி மதுபான ஆலை கண்டுபிடிப்பு || பிளஸ்-1 மாணவியை கடத்திச் சென்ற இரு குழந்தைகளின் தந்தை கைது || சென்னை - ரயிலில் பெண்களிடம் நகை பறிப்பு || போராட்டத்தை கைவிட்டு, தமிழகம் திரும்ப வேண்டும்: முதல்வர் வேண்டுகோள் (படங்கள்) || நீட் தேர்வு - கனவுகளையும், வாய்ப்புகளையும் அடியோடு மறுக்கும் படுபாதகச் செயல்! சீமான் கண்டனம் || இன்றைய ராசி பலன்- முருகு பால முருகன் || உ.பி.யில் கார் மீது ரெயில் மோதல் 5 பேர் பலி || நெடுவாசல் மீண்டும் தர்ணா போராட்டத்தில் ஈடுபட்ட பெண்கள் ||
சிறப்பு கட்டுரை
வாருங்கள் வரவேற்கிறோம்... ஊட்டியில் உங்களை வரவேற்கும் குரங்குகள்
......................................
எத்தனை அமைதிப்படை அமாவாசைகள்! முன்னாள் எம்.எல்.ஏ., கமெண்ட்!
......................................
அமைச்சர் ஆர்.பி. உதயகுமாரின் அது வேற வாய்...
......................................
விட்டுக்கொடுப்பாரா? ஆட்சி நீடிக்குமா?
......................................
விஜய் மல்லையா! - கடன், கைது, விடுதலை!!
......................................
லேடீஸ் ஹாஸ்டலுக்குள் ஆண்கள் அட்டகாசம்!
......................................
தமிழக பெண் கேதன் தேசாய்!
......................................
டி.டி.வி. தினகரன்... அதிர்ச்சியடைந்த இந்திய அரசியல் ஜாம்பாவான்கள்!
......................................
பா.ஜ.க காட்டும் அம்பேத்கர் மாயை! அம்பேத்கர் வேண்டிய புதிய இந்தியா
......................................
மு.க.ஸ்டாலின் தலைமையில் ஆர்.கே.நகரில்... திமுக பொதுக்கூட்டம் (வீடியோ)
......................................
டாஸ்மாக் என்கிற மதுக்கடைகளுக்குப் பின்னால் மயங்கிக் கிடக்கும் அரசியல்!
......................................
சாமளாபுரம் போலீஸ் அராஜகம்..! - உருகவைக்கும் நேரடி சாட்சிகள்
......................................
மரண பயம் காட்டும் மெட்ரோ பள்ளங்கள்!
......................................
ஒரே இரவில் 200 கோடி! அடுத்த ரவுண்டும் ரெடி...! தெம்பில் தினகரன்!
......................................
உலக சுகாதார நாள்
......................................
Facebook Twitter Google Plus Print E-mail
பதிவு செய்த நாள் : 12, ஏப்ரல் 2017 (18:10 IST)
மாற்றம் செய்த நாள் :12, ஏப்ரல் 2017 (18:10 IST)


சாமளாபுரம் போலீஸ் அராஜகம்..! 
- உருகவைக்கும் நேரடி சாட்சிகள்

குடிகெடுக்க வந்த குடியால் தமிழ்நாடே இப்போது போர்க்களமாகி இருக்கிறது.. அண்மைய கோலம், திருப்பூர் மாவட்டத்தில் சோமனூரை அடுத்த சாமளாபுரத்தில் அப்பாவிப் பெண்களை போலீசு அதிகாரியான பாண்டியராஜன் என்பவர், கிரிமினலைப் போல தாக்கியது! 

குறிப்பிட்ட அந்த அதிகாரிதான் பிரச்னை செய்பவரா? அவர் ஒருவரால்தான் சாமளாபுரம் மக்கள் மீது தாக்குதல் நடத்தி, ஒருவரின் மண்டை உடைக்கப்பட்டு, ஒருவருக்கு காது கேட்காமல்போனதா? மற்ற ஐந்து பேருக்கு படுகாயம் ஏற்பட்டதா? 

“இல்லவே இல்லை” என்கிறார்கள், சாமளாபுரம் போராட்டக்களத்தில் நின்றவர்கள். நடந்தது என்ன எனக் கேட்டதற்கு, நம்மிடம் அவர்கள் விவரித்தது இதுதான்!

” சாமளாபுரத்துக்கும் அருகிலுள்ள கருமத்தம்பட்டிக்கும் இடையில் நெடுஞ்சாலைப் பகுதியில் மட்டுமே 9 அரசு மதுக்கடைகள் இருந்துள்ளன. உச்ச நீதிமன்றத்தின் அண்மையத் தீர்ப்பால் மூடப்பட்ட இந்தக் கடைகளுக்குப் பதிலாக, மக்கள் வசிக்கும் பகுதிகளில் மதுக்கடைகளைத் திறக்கப்படும் என அறிவிக்கப்பட்டது. பெரும்பாலும் விசைத்தறியும் விவசாயமும் நடந்துவரும் இந்தப் பகுதியில், குடியிருப்புப் பகுதிக்குள் மதுக்கடைகள் வந்தால் மோசமான பாதிப்பு ஏற்படும் என அப்பகுதியின் ஆண்களும் பெண்களுமாக கடும் அதிருப்தி அடைந்தனர். 

இதற்கிடையில் சூலூரில் இதைப்போலவே குடியிருப்புப் பகுதிக்குள் அமைக்கப்பட்ட மதுக்கடையை, போராட்டம் நடத்தி முறியடித்தது, எலச்சிபாளையம் பிரபாகரன் என்பவர் தலைமையிலான சமூக ஆர்வலர் குழு. ( இந்த பிரபாகரன் எனும் இளைஞரைத்தான் முன்னர் சுற்றுச்சூழல் ஆதரவுக்காகப் போராடியபோது, போலீசு கடுமையாகத்தாக்கியது என்பது நினைவுக்குரியது.) பிரபாகரன் உட்பட்ட சமூக ஆர்வலர்கள் சாமளாபுரத்திலும் மதுக்கடைக்கு எதிராகப் போராடவருமாறு மக்களுக்கு அழைப்புவிடுத்தனர். 

சாமளாபுரம் பேரூராட்சிக்கு உட்பட்ட வாழைத்தோட்டத்து அய்யன் கோவிலுக்குப் போகும் வழியில் தனியார் பயிர்நிலத்தில் அரசு மதுக்கடையானது புதிதாக அமைக்கப்பட்டுள்ளது. முன்னதாக காலை 8 மணியிலிருந்தே சாமளாபுரம் திருப்பூர் சாலையில் மக்கள் திரண்டனர். ஆண்கள் ஆங்காங்கே குழுக்குழுவாகவும் பெண்கள் திரண்டும் ஆக்ரோசத்துடன் மதுக்கடைக்கு எதிராக முழக்கமிட்டனர். மக்களின் போராட்டம் ஒரு பக்கம் நடந்துகொண்டிருக்கையிலேயே மதியம் 12 மணியளவில் மதுக்கடையைத் திறந்து வியாபாரத்தையும் தொடங்கினார்கள். போராட்டத்தில் இருந்த பொதுமக்களிடம் இது ஆவேசத்தை உண்டாக்கியது. இதற்கிடையில் பண்ணாரி கோயிலுக்கு குடும்பத்தினருடன் சென்றுவந்த அதே சூலூர் தொகுதியின் சட்டமன்ற உறுப்பினர் கனகராஜை, மக்கள் சூழ்ந்துகொண்டு காரிலிருந்து அவரை இறக்கிவிட்டனர். 

கீழே இறங்கிய அவர், அங்கிருந்தபடியே ஆட்சியருக்கும் டாஸ்மாக் அதிகாரிகளுக்கும் தொலைபேசியில் தொடர்புகொண்டார். அந்தப் பக்கமிருந்து அவருக்கு சாதகமான பதில் எதுவும் கிடைக்கவில்லை. அதை ஒப்புக்கொள்வதைப் போல, அவரே அங்கிருந்த மக்களிடம், ‘குடிநீர்ப் பிரச்னை போன்றவற்றை என்னால் தீர்த்துவைக்கமுடியும். இதில் நடந்ததைத்தான் நீங்கள் பார்த்தீர்களே’ என்று கூறினார். இந்த மதுக்கடையை மூடாவிட்டால் என் பதவியைவிட்டே விலகிவிடுவேன் என்று வந்திருந்த ஊடகத்தினரிடம் பேட்டி கொடுக்கவும் செய்தார். சொன்னவர் காருக்குள் போக... சுற்றியிருந்த மக்கள் கொதித்துப் போனார்கள். அப்போது அங்கு நிலவிய வெப்பநிலை 103 டிகிரி என்றால், மக்கள் பாராட்டு மழையா பொழிவார்கள்?

மக்களின் எதிர்ப்புக்குரல்களால் அப்படியே எழுந்து பக்கத்திலுள்ள குளிர்பானக் கடைக்குள் போய் உட்கார்ந்துகொண்டார். எங்களுக்கு என்ன பிரச்னைனாலும் வருவதாகச் சொல்லிவிட்டு, தேர்தலுக்குப் பிறகு இப்போதுதான் வருகிறீர்களே என்று இன்னொரு கோபமும் அந்த மக்களிடமிருந்து வெளிப்பட்டது. எவ்வளவு குறைவாக இருந்தாலும் 2 ஆயிரம் பேராவது இருப்பார்கள் என்ற நிலையில், எக்குத்தப்பாக எதுவும் நடந்துவிடக்கூடாது என போலீசு அதிகாரிகள் அங்கு வந்தனர். 

மக்களின் உணர்வுக்கும் சட்டமன்ற உறுப்பினர் கனகராஜுக்கும் ஒத்துவரவே இல்லை. கனகராஜின் மனைவியை அவர் வந்த காரிலேயே வீட்டுக்கு அனுப்பிவைத்த போலீசார், அவரை போராட்டக் களத்திலிருந்து பாதுகாப்பாக அனுப்பும் வேலைகளில் இறங்கினார்கள். 4 மணியளவில் அங்கு வந்த வட்டாட்சியர் பிரச்னைக்குரிய இடத்தில் திறக்கப்பட்ட கடை மூடப்படும் என வாய்மொழியாக உறுதி கொடுத்தார். அந்த சமயம்கூட அந்தக் கடையில் பரபரப்பாக விற்பனை நடந்துகொண்டிருந்தது. இதனால் எரிச்சலும் கோபமும் அடைந்த பொதுமக்கள் எழுத்துப்பூர்வமாக உறுதியளிக்க வேண்டும் என வலியுறுத்தினர். அவரோ மேலதிகாரிகளிடம் கேட்டுதான் சொல்லமுடியும் என நகர்ந்துவிட்டார். 

மாலை 4.45 மணியளவில் சட்டமனற உறுப்பினர் கனகராஜை மங்கலம் இன்ஸ்பெகடர் வேல்முருகன், ஒரு மாருதி காரில் ஏற்றி அனுப்ப முற்பட்டார். பொதுமக்கள் குறிப்பாக பெண்கள், பதில் சொல்லாமல் நகரக்கூடாது என கனகராஜுக்கு நெருக்கடி தந்தனர். ஆனால் அவர் அதைக் கண்டுகொள்ளாமல் நடந்துகொண்டே இருந்தார். அருகில் உள்ள எஸ்பி மருத்துவமனைவரை இப்படியாக தொடர்ந்தது. அவர்களின் எதிர்ப்பைப் புறக்கணித்துவிட்டு போலீசாரின் உதவியுடன் கனகராஜ் அங்கிருந்து தப்பியோடினார். 

இது ஒரு பக்கம் நடக்க, இன்னொரு புறம் டாஸ்மாக்கின் பகுதி மேலாளர் ஒருவர் வந்து போராட்டக்காரர்களுடன் பேச்சுவார்த்தை நடத்திக்கொண்டிருந்தார். அது தொடர்ந்து நடந்துகொண்டிருந்தபோதே கனகராஜை காரிலேற்றி அனுப்பியவுடன் தடியடி நடத்த உத்தரவிடப்பட்டது. 

காலை 10 மணி முதல் அங்கிருந்த போலீசாரும் மதியம் குவிக்கப்பட்ட அதிரடிப்படையினரும் பெண்கள், வயதானவர்கள் என்றும் பார்க்காமல் அமைதியாகப் போராடிய மக்களை காட்டுமிராண்டித்தனமாகத் தாக்கினர். இதில் 10 பெண்களும் ஆறு ஆண்களுமாக 16 பேர் படுகாயம் அடைந்துள்ளனர். ஆறு பேரின் மண்டை உடைக்கப்பட்டது. ரவுடியைப் போல நடந்துகொண்ட கூடுதல் டிஎஸ்பி பாண்டியராஜனால் தாக்கப்பட்ட பெண்ணுக்கு கேட்கும் திறன் முற்றிலும் பாதிக்கப்பட்டது. காயமடைந்தவர்கள் முதலில் உள்ளூரில் தனியார் மருத்துவமனையிலும் பின்னர் கோவை அரசு மருத்துவக்கல்லூரி மருத்துவமனையிலும் அனுமதிக்கப்பட்டனர். 

மதுக்கடை எதிர்ப்பு கோரிக்கையை தொடர்ந்து வலியுறுத்தியும் போலீசின் காட்டுமிராண்டித்தனமான தாக்குதலைக் கண்டித்தும் சாமளாபுரம் ஈசுவரன்கோயிலுக்குள் பிரபாகரன் தலைமையில் 30 பேர் செவ்வாய் இரவு முதல் காலவரையற்ற உண்ணாவிரதத்தைத் தொடங்கினார்கள். புதன் அதிகாலை 3 மணிக்கு அவர்களில் 7 பேரை மட்டும் கைதுசெய்த போலீசு, ஒரு திருமண மண்டபத்தில் பிடித்துவைத்து மிரட்டியது. 

கைதானவர்களை விடுதலைசெய்யுமாறு கோரி சாமளாபுரம் பொதுமக்கள் மீண்டும் இன்று காலையில் போராட்டத்தில் இறங்கினர். இதற்கிடையில் இந்த விவகாரம் தொடர்பாக அரசியல் கட்சிகள், பொதுநல அமைப்புகள் கண்டனம் தெரிவித்ததுடன் நீதிமன்றத்திலும் முறையிடப்பட்டது. இதையடுத்து பிடித்துவைத்த ஏழு பேர் மீதும் வழக்குகளைத் தொடுத்து, போலீசு சிறையில் அடைத்தது” என சாமளாபுரம் போராட்டத்தைப் பற்றி போலீசின் கிரிமினல் தாக்குதலை எதிர்க்கும் அவேசத்தோடு சொல்கிறார்கள், நேரடியாகக் களம் கண்டவர்கள். 

- இரா.தமிழ்க்கனல்

தங்கள் கருத்துக்களை பதிவு செய்யவும்                                  * Indicates mandatory fields
Name * :
Email Id * :
Loading...
Left: Press Ctrl+g to toggle between English and Tamil
Comment * (500) :
கருத்துக்கள்(1)
Name : basith Country : United Arab Emirates Date :4/17/2017 5:56:12 PM
குடிக்கும் கூட்டம் குடிப்பதை நிறுத்தாவிட்டால் குடியை ஒழிக்க முடியாது கடையை அடைக்க முடியாது .மக்களே ! கடையை அடைக்க முடியாது.