Add1
logo
நடிகர் கமல்ஹாசனுடன் அன்புமணி மனைவி சவுமியா சந்திப்பு! || மத்திய அரசிடம் நிதி பெற முயற்சிப்பேன் - ஆளுநர் கிரண்பேடி || பேருந்து கட்டணத்திற்கு எதிராக வாக்கு சேகரிக்கும் போராட்டம்! || பயணத்தின் நோக்கம், கஜானாவை நோக்கியது அல்ல - கமல்ஹாசன் || ஏழைமக்களின் வயிற்றில் அடிக்காதே... பேருந்து கட்டண உயர்வுக்கு எதிராக தொடர் போராட்டங்கள் || பொன்.ராதாகிருஷ்ணன் டெபாசிட் பெருவாரா? சந்தேகம்தான் -வைகைசெல்வன் || மாட்டு வண்டியில் வந்து கலெக்டரிடம் மனு அளித்த தமாகாவினர் || பதிப்புத்துறையில் 25 ஆண்டுகள் சேவை: நக்கீரன் ஊழியருக்கு விருது || பைக்கில் மதுபாட்டில்கள் கடத்தி வந்த பெண் கைது || ஸ்டாலினுடன் திருவாரூர் அரசுப் பள்ளி மாணவர்கள் சந்திப்பு (படங்கள்) || எந்தவிதத்தில் நியாயம்? திருமாவளவன் ஆர்ப்பாட்டம் || 7 தமிழர்களை விடுதலை செய்யும் பொறுப்பு தமிழக அரசுக்கு உள்ளது: ராமதாஸ் || பேருந்து கட்டண உயர்வை உடனடியாகத் திரும்பப் பெற வேண்டும்: பழனிசாமிக்கு ஸ்டாலின் கடிதம் ||
தமிழகம்
நடிகர் கமல்ஹாசனுடன் அன்புமணி மனைவி சவுமியா சந்திப்பு!
 ................................................................
மத்திய அரசிடம் நிதி பெற முயற்சிப்பேன் - ஆளுநர் கிரண்பேடி
 ................................................................
பேருந்து கட்டணத்திற்கு எதிராக வாக்கு சேகரிக்கும் போராட்டம்!
 ................................................................
ஏழைமக்களின் வயிற்றில் அடிக்காதே... பேருந்து கட்டண உயர்வுக்கு எதிராக தொடர் போராட்டங்கள்
 ................................................................
பேருந்து கட்டண உயர்வு : மாணவர்கள் மறியல்
 ................................................................
மாட்டு வண்டியில் வந்து கலெக்டரிடம் மனு அளித்த தமாகாவினர்
 ................................................................
பதிப்புத்துறையில் 25 ஆண்டுகள் சேவை: நக்கீரன் ஊழியருக்கு விருது
 ................................................................
பைக்கில் மதுபாட்டில்கள் கடத்தி வந்த பெண் கைது
 ................................................................
எந்தவிதத்தில் நியாயம்? திருமாவளவன் ஆர்ப்பாட்டம்
 ................................................................
கல்லூரி மாணவ மாணவிகள் சாலை மறியல்
 ................................................................
சிபிஐஎம் மாநிலக்குழு கூட்டம்
 ................................................................
உங்களுக்காக காத்திருக்கிறேன்! உடன்பிறப்புகளுக்கு ஸ்டாலின் கடிதம்!
 ................................................................
நல்ல பஸ் எப்ப விடுவீங்க... ஆட்சியரிடம் மனு கொடுத்த இளைஞர்
 ................................................................
பஸ் கட்டணம் உயர்வு... வகுப்புகளை புறக்கணித்த மாணவர்கள்
 ................................................................
விபத்தில் 3 இளைஞர்கள் பலி: சோகத்தில் மூழ்கிய கிராமம்
 ................................................................
மீத்தேன் ஆய்வுப் பணியை தடுத்து நிறுத்திய விவசாயிகள்
 ................................................................
அங்கன்வாடி மையத்தை ஆய்வு செய்த பாராளுமன்ற நிலைக்குழுவினர்
 ................................................................
கொள்ளையடிக்க நினைக்கிறார்கள்: தமிழக அரசுக்கு என்.ஆர்.தனபாலன் கண்டனம்
 ................................................................
வாக்கு சேகரிக்கும் போராட்டம்
 ................................................................
மாட்டு வண்டியில் ஏறி போராட்டம்
 ................................................................
சரத்பிரபு மரணம் தொடர்பாக சி.பி.ஐ. விசாரணை செய்ய வேண்டும்: ஜான்சிராணி
 ................................................................
கூடுதல் நெல் கொள்முதல் நிலையங்கள் தேவை! ராமதாஸ்
 ................................................................
கருத்து வேறுபாடு இல்லை: பொன்.ராதாகிருஷ்ணன்
 ................................................................
கருவறையில் புகுந்து அம்மன் தாலியைத் திருடிய கில்லாடிப் பெண்
 ................................................................
கமல்ஹாசன் எனக்கு போன் செய்து வரலாற்றை தெரிந்துகொள்ளலாம்: ஜெயக்குமார்
 ................................................................
Facebook Google Plus Print E-mail
பதிவு செய்த நாள் : 11, ஜனவரி 2017 (18:19 IST)
மாற்றம் செய்த நாள் :12, ஜனவரி 2017 (0:17 IST)


இந்திய கம்யூனிஸ்ட் கட்சியின் மாநிலக்குழுக் கூட்டத்தில் நிறைவேற்றப்பட்ட தீர்மானங்கள்

மார்க்சிஸ்ட் கம்யூனிஸ்ட் கட்சியின் தமிழ்நாடு மாநிலச் செயலாளர் ஜி.ராமகிருஷ்ணன் வெளியிட்டுள்ள அறிக்கையில்;

”இந்திய கம்யூனிஸ்ட் கட்சி (மார்க்சிஸ்ட்)-யின் மாநிலக்குழுக் கூட்டம் இன்று (11.1.2017) சென்னையில் மாநில செயற்குழு உறுப்பினர் எஸ். நூர்முகமது தலைமையில் நடைபெற்றது.

இக்கூட்டத்தில் கட்சியின் அரசியல் தலைமைக்குழு உறுப்பினர் தோழர் பிரகாஷ் காரத், கட்சியின் மாநில செயலாளர் ஜி. ராமகிருஷ்ணன், மத்தியக்குழு உறுப்பினர்கள் கே.வரதராஜன், உ. வாசுகி, பி. சம்பத், கே. பாலகிருஷ்ணன் மற்றும் மாநில செயற்குழு உறுப்பினர்கள், மாநிலக்குழு உறுப்பினர்கள் கலந்து கொண்டனர். இன்றைய கூட்டத்தில் நிறைவேற்றப்பட்ட தீர்மானங்கள் பின்வருமாறு:

தீர்மானம் 1

ஆதார் எண்களை குடும்ப அட்டையுடன் இணைக்க வேண்டும் என்றும், அப்படி இணைக்காத குடும்ப அட்டைகளுக்கு பொது விநியோகத் திட்டத்தில் பொருட்கள் இல்லை என்ற முடிவை தமிழக அரசு எடுத்துள்ளது. தமிழகத்தில் இன்னும் ஒரு பகுதி மக்களுக்கு இதுவரை ஆதார் அடையாள அட்டை வழங்கப்படவில்i. இந்த நிலையில் ஆதார் எண்ணை குடும்ப அட்டையில் இணைக்காத லட்சத்திற்கும் மேற்பட்ட குடும்பங்களுக்கு பொது விநியோகப்பொருட்கள் வழங்க மறுக்கபட்டுள்ளது. இதனால் ஏழை எளிய மக்கள் பாதிக்கபட்டுள்ளனர். சமூக நலத் திட்டங்களுக்கு ஆதார் அட்டையை ஒரு நிபந்தனையாக விதிக்கக் கூடாது என்றும், ஆதார் அட்டை இல்லாத நபர்களுக்கு சமூக நலத் திட்டங்கள் மறுக்கப்பட கூடாது என்றும் உச்ச நீதிமன்றம் அளித்த தீர்ப்புக்கு மாறாக தமிழக அரசு இந்த நிலைபாட்டை எடுத்துள்ளது.

இதனை மார்க்சிஸ்ட் கம்யூனிஸ்ட் கட்சியின் தமிழ்நாடு மாநிலக்குழு கண்டிப்பதோடு உடனடியாக ஆதார் எண் பதிக்கபட வேண்டுமென்ற நிபந்தனையைக் கைவிட்டு தமிழக அரசு குடும்ப அட்டை உள்ள அனைத்து குடும்பங்களுக்கும் அரிசி உள்ளிட்ட பொது விநியோகப் பொருட்களை வழங்க வேண்டுமென்று வலியுறுத்துகிறது.

தீர்மானம் 2

தமிழகத்தில் சிவகங்கை மாவட்டம் கீழடி கிராமத்தில் கடந்த 2 ஆண்டுகளாக இந்திய தொல்பொருள் ஆய்வுத் துறையின் சார்பில் அகழ்வாராய்ச்சி நடைபெற்று வந்தது. அதில் தமிழகத்தில் முதல் முறையாக நகர குடியிருப்பு இருந்ததற்கான தடயங்கள் மற்றும் பொருட்கள் கிடைத்துள்ளன. அதனுடைய காலம் சுமார் 3000 ஆண்டுகளுக்கு முந்தியதாக இருக்கலாம் எனக் கருதப்படுகிறது. இந்த அகழாய்வு முழுமையடையும் முன்னரே இந்திய தொல்பொருள் துறை அகழாய்வை தொடராமல் கிடப்பில் போட்டுள்ளது. இதனால் தமிழகத்தின் தொன்மையான வரலாறு மற்றும் பண்பாடு குறித்த மதிப்புமிக்க விபரங்கள் முழுமையாக வெளிவராமல் தடுக்கப்பட்டுள்ளது. பல ஆய்வாளர்களும், வரலாற்றியலாளர்களும், கல்வியாளர்களும் தொடர்ந்து வேண்டுகோள் விடுத்தும் மத்திய அரசு இந்த முடிவில் உறுதியாக இருப்பதாகத் தெரிகிறது. மத்திய அரசு தனது நிலைபாட்டை மாற்றி தமிழக தொன்மையான வரலாற்றையும் பண்பாட்டையும் வெளிக் கொணரும் வகையில் கீழடி அகழ்வாராய்ச்சியைத் தொடர உத்தரவிட வேண்டுமென்று மத்திய அரசை மார்க்சிஸ்ட் கம்யூனிஸ்ட் கட்சியின் தமிழ்நாடு மாநிலக்குழு வலியுறுத்துகிறது.

தீர்மானம் 3

ஜல்லிக்கட்டு போட்டி ஏறு தழுவுதல் என்ற பெயரில் 2000 ஆண்டுகளுக்கு மேலாக தமிழகத்தில் நடந்து வந்துள்ளதற்கு பல்வேறு சான்றுகள் உள்ளன. உச்சநீதிமன்றத்தில் தொடுக்கப்பட்ட வழக்கின் காரணமாக கடந்த ஆண்டு பொங்கலின் போது ஜல்லிக்கட்டு போட்டி நடைபெறவில்லை. கடந்த ஆண்டு மோடி அரசு கொண்டு வந்த அரசாணை உச்சநீதிமன்றத்தால் ரத்து செய்யப்பட்டது. நாடாளுமன்றத்தில் மசோதா கொண்டு வந்து காட்சிப்படுத்தக்கூடாத விலங்குகள் பட்டியலில் இருந்து காளை மாடுகளை நீக்கியிருந்தால் இந்த ஆண்டு பொங்கலின் போது ஏறுதழுவுதல், மஞ்சு விரட்டு, ரேக்ளா ரேஸ் போன்றவை நடக்க வாய்ப்பாக இருந்திருக்கும். ஆனால், மோடி அரசு அதை செய்யத் தவறி விட்டது.

ஜல்லிக்கட்டு போட்டியை நடத்த வேண்டும் என்று சென்னை, மதுரை உள்ளிட்ட பல்வேறு இடங்களில் இளைஞர்கள், மாணவர்கள் தன்னெழுச்சியாக போராடி வருகின்றனர்.

மார்க்சிஸ்ட் கம்யூனிஸ்ட் கட்சி உள்ளிட்ட கட்சிகளும் பல்வேறு போராட்டங்களை நடத்தியுள்ளன. இந்நிலையில், அவசரச்சட்டம் கொண்டு வந்து இந்த ஆண்டு பொங்கலுக்கு ஜல்லிக்கட்டு நடைபெறுவதை உத்தரவாதப்படுத்த வேண்டும் என்று மத்திய அரசை மார்க்சிஸ்ட் கம்யூனிஸ்ட் கட்சியின் தமிழ்நாடு மாநிலக்குழு வலியுறுத்துகிறது.

தீர்மானம் 4

அரசுப் போக்குவரத்து தொழிலாளர்களின் பென்சனை உடனே வழங்குக!

அரசுப்போக்குவரத்து கழக நிர்வாகங்கள் தொழிலாளர்களின் பணத்தை தங்கள் செலவிற்குப் பயன்படுத்துகின்றன. சுமார் 5000 கோடி ரூபாய் அளவிற்கு தொழிலாளர்களின் பணத்தை தவறாகப் பயன்படுத்தியுள்ளன. இதை தற்காலிகக் கையாடல் என்று கூறினால் மிகையல்ல.

தொழிலாளர்களிடமிருந்து மாதாமாதம் பிடித்தம் செய்யப்படுகிற வைப்புநிதி தொகை, கடன் சொசைட்டிக்கான தொகை, ஆயுள் காப்பீட்டு தொகை போன்றவற்றை உரிய நிறுவனங்களுக்கு செலுத்துவதில்லை. ஓய்வு பெற்ற 65000 தொழிலாளர்களின் பென்சன் தொகை 2017 ஜனவரி மாதம் வழங்கப்படவில்லை.

ஓய்வு பெறுகிற தொழிலாளர்களுக்கு வழங்க வேண்டிய வைப்புநிதி, பணிக்கொடை, ஓய்வூதிய ஒப்படைப்பு தொகை போன்ற முழுப்பயன்கள் இரண்டாண்டுகளுக்கு மேலாக வழங்கப்படாமல் இழுத்தடிக்கப்படுகிறது.

ஓய்வு பெற்றவர்கள் தாங்கள் 30 ஆண்டுகளுக்கும் மேலாக உழைத்து சேமித்த பணம் உடனே கிடைக்காததால் சொல்லொணா துயரத்திற்கு ஆளாகியுள்ளனர். சிலர் தற்கொலை முயற்சியிலும் ஈடுபட்டனர். அரசும், போக்குவரத்துக்கழங்களும் இப்படி தீய எண்ணம் கொண்ட முதலாளிகளைப் போல நடந்து கொள்வதை மார்க்சிஸ்ட் கம்யூனிஸ்ட் கட்சியின் மாநிலக்குழு வன்மையாகக் கண்டிக்கிறது.

பாக்கிகளை உரியவர்களுக்கு உடனே வழங்க வேண்டும் என்றும், போக்குவரத்து ஊழியர் பென்சனை அரசே ஏற்று நடத்தவும், மாதாமாதம் தவறாமல் வழங்கவும் வேண்டுமென தமிழக அரசை மார்க்சிஸ்ட் கம்யூனிஸ்ட் கட்சியின் மாநிலக்குழு வலயுறுத்துகிறது.

தீர்மானம் 5

சென்னையில் போலீசார் நடத்திய தாக்குதலை கண்டித்து மதுரையில் கண்டன இயக்கம் நடத்திய மாதர், மாணவர், வாலிபர்கள் மீதும் காவல்துறை கடுமையான தாக்குதலை தொடுத்துள்ளதோடு பொய் வழக்கும் போட்டுள்ளது. இதனை மார்க்சிஸ்ட் கம்யூனிஸ்ட் கட்சியின் மாநிலக்குழு வன்மையாகக் கண்டிப்பதோடு தாக்குதல் தொடுத்த காவல்துறையினர் மீது நடவடிக்கை எடுக்குமாறும், பொய் வழக்குகளை வாபஸ் பெறுமாறும் வலியுறுத்துகிறது.

தீர்மானம் 6

மத்திய அரசின் பண மதிப்பு நீக்க நடவடிக்கைகயை எதிர்த்து இந்திய ஜனநாயக வாலிபர் சங்கம் சார்பில் டிசம்பர் 31 அன்று இயக்கம் நடத்தியவர்கள் மீது தடியடி நடத்தி கைது செய்யப்பட்ட 14 இளைஞர்களை காவல் நிலைய பாதுகாப்பில் வைத்து சித்ரவதை செய்தும், அவர்களை தேடிச் சென்று நீதிமன்றத்தில் ஒப்படைக்க கோரியவர்கள் மீது தடியடி நடத்தி காயம் ஏற்படுத்தியதையும், காலையில் ஆர்ப்பாட்டத்தில் கலந்து கொண்ட பெண்களிடம் பாலியல் சித்ரவதையில் ஈடுபட்ட பள்ளிக்கரணை காவல்துறை ஆணையாளர் நடராஜ், உதவி ஆய்வாளர் ரவி மற்றும் பள்ளிக்கரணை காவல்துறையினரையும், இதற்கு உறுதுணையாக இருந்த உதவி ஆணையாளர் கோவிந்தராஜ் ஆகியோரை உடனடியாக இடைநீக்கம் செய்து விசாரணை மேற்கொண்டு நடவடிக்கை எடுக்க இம்மாநிலக்குழு தமிழக அரசை வலியுறுத்துகிறது” இவ்வாறு தெரிவித்துள்ளனர்.

தங்கள் கருத்துக்களை பதிவு செய்யவும்                                  * Indicates mandatory fields
Name * :
Email Id * :
Loading...
Left: Press Ctrl+g to toggle between English and Tamil
Comment * (500) :