Add1
logo
தண்ணீரை தேடி வந்த புள்ளிமான்: வேட்டையாடிய தெரு நாய்கள் (படங்கள்) || டிடிவி.தினகரன் அதிர்ச்சி அடையவில்லை: பா.ஜனதாவின் சதிதிட்டம் -நாஞ்சில் சம்பத் || லஞ்சம் வாங்குபவர்களை பிடித்துக்கொடுப்பவர்களுக்கு பாராட்டு விழா: கலெக்டர் பேச்சு || என்.கே.விஸ்வநாதன் மறைவு: விஜயகாந்த் இரங்கல் || விவசாயிகளுக்கு ஆதரவான பந்த் போராட்டம் (படங்கள்) || மாவோயிஸ்ட் தாக்குதலில் 26 சி.ஆர்.பி.எப் வீரர்கள் கொல்லப்பட்டதற்கு மு.க.ஸ்டாலின் கண்டனம் || துப்பாக்கிச் சூட்டில் உயிரிழந்த சிஆர்பிஎஃப் வீரர் செந்தில்குமார் உடல் அடக்கம் || குடிகார மகனை கொலை செய்த தந்தை கைது || லாரி ஓட்டுனர்களிடம் பணம், செல்போன் பறிப்பு, லாரி கடத்தல்: போலீஸ் காரில் வந்த மர்ம கும்பல் கைவரிசை || இன்றைய ராசி பலன்- முருகு பால முருகன் || அதிமுக தலைமை அலுவலகத்தில் சசிகலா பேனர்கள் அகற்றம் (வீடியோ) || நிர்வாணப்படுத்தி, ஆபாசமாகப் பேசியதை கண்டித்து திருச்சி மத்திய சிறையில் மாணவிகள் உண்ணாவிரதம்! || விவசாயி வீட்டில் 28 பவுன் நகை- ரூ.40 ஆயிரம் கொள்ளை ||
முக்கிய செய்திகள்
டிடிவி.தினகரன் அதிர்ச்சி அடையவில்லை: பா.ஜனதாவின் சதிதிட்டம் -நாஞ்சில் சம்பத்
......................................
அதிமுக தலைமை அலுவலகத்தில் சசிகலா பேனர்கள் அகற்றம் (வீடியோ)
......................................
பா.ஜ.க கனவு பலிக்காது - குஷ்பு பேட்டி
......................................
டிடிவி தினகரனை கைது செய்தது டெல்லி போலீஸ் (வீடியோ)
......................................
போராட்டத்தை ஒடுக்க நினைத்தது பிஜேபி அரசு - திருச்சி அய்யாக்கண்ணு பேட்டி
......................................
மல்டி சூப்பர் ஸ்பெஷாலிட்டி மருத்துவமனையை மூடப்போகிறதா தமிழக அரசு? - அதிர்ச்சியில் அரசு மருத்துவர்கள்
......................................
தமிழ்ப்பெண்களை இழிவாகப் பேசிய கேரள அமைச்சரின் பதவியைப் பறிக்கவேண்டும் - சீமான் கடும் கண்டனம்
......................................
’கார்ல் மார்க்ஸ்’ நூலகக் கண்ணன் மறைந்தார்!
......................................
’’தெருவை காணோம்’’ - நடிகர் சங்கம் மீது பரபரப்பு புகார்! ’’
......................................
தினகரன் யாரென்றே எனக்கு தெரியாது : சுகேஷ் சந்திரசேகர் பரபரப்பு பேட்டி
......................................
விவசாயிகளின் பிரச்சனைகளுக்கு திர்வு கிடைக்காவிடில் மிகப்பெரிய மக்கள் போராட்டம் - மு.க.ஸ்டாலின்
......................................
டாஸ்மாக் கடைகளை மீண்டும் திறக்க சென்னை உயர்நீதிமன்றம் தடை!
......................................
திருவாரூர்; முழுஅடைப்புப் போராட்டம்: மு.க.ஸ்டாலின் கைது!
......................................
முடிவு கிடைக்காவிட்டால் மீண்டும் போராட்டம்: அய்யாக்கண்ணு
......................................
விவசாயிகள் தமிழகம் திரும்பினர்
......................................
தமிழகம் முழுவதும் முழு அடைப்பு போராட்டத்துக்கு பலத்த ஆதரவு
......................................
தமிழகத்தில் இன்று முழு அடைப்புப் போராட்டம்: 1 லட்சம் போலீசார் பாதுகாப்பு
......................................
கும்பகோணம் போராட்டம் பொதுகூட்டத்தில் 100 சதவீதம் வெற்றி பெரும் ஸ்டாலின் பேச்சு
......................................
Facebook Twitter Google Plus Print E-mail
பதிவு செய்த நாள் : 11, ஜனவரி 2017 (15:36 IST)
மாற்றம் செய்த நாள் :11, ஜனவரி 2017 (15:53 IST)


ஜெ. மறுத்ததை ஓ.பி.எஸ். ஏற்றுக்கொண்டிருக்கிறார்;
என்ன விவரம் என்று எங்களுக்கு புரியவில்லை: ஸ் டாலின்

சென்னை அண்ணா அறிவாலயத்தில் இன்று (11-01-2017) திமுக செயல் தலைவரும், தமிழக எதிர்க்கட்சித் தலைவருமான  மு.க.ஸ்டாலினை வேலூர் மாவட்ட கழக நிர்வாகிகள் சந்தித்து வாழ்த்து தெரிவித்தனர். அந்த சந்திப்புக்கு பின், அவர் செய்தியாளர்களிடம் பேசிய விவரம் பின்வருமாறு
 
கேள்வி: ஜல்லிக்கட்டு பிரச்சனையில் நீதிமன்றத்தில் வழக்கு இருக்கும்போது மத்திய அரசு ஒன்றும் செய்ய முடியாது என்று சொல்லியிருக்கிறார்கள். அதுபற்றி?

அதாவது, இந்த துறை சம்பந்தப்பட்டிருக்ககூடிய மத்திய அமைச்சரே, நேற்று என்ன சொல்லியிருக்கிறார் என்றால், உச்சநீதிமன்றத்தில் இந்த வழக்கு இருக்கிறது. அதனால் நாங்கள் ஒன்றும் செய்ய முடியாது என்று சொல்லியிருப்பது, மத்திய அரசின் இரட்டை வேடத்தை வெளிப்படுத்தியிருக்கிறது. ஏனென்றால், தமிழகத்தை சேர்ந்த சில மத்திய அமைச்சர்கள், தமிழகத்திற்கு வருகிறபோதெல்லாம், நாங்கள் முயற்சித்து கொண்டிருக்கிறோம், இந்த ஆண்டு எப்படியும் நடத்தியே தீருவோம் என்று சொல்லிக்கொண்டு இருந்தார்கள். ஆனால், இப்போது மத்திய அமைச்சர் அவர்கள் அதற்கு சாத்தியமல்ல என்று கூறியிருப்பது உள்ளபடியே வேதனையளிக்கிறது. நான் கேட்கிற கேள்வி, இதே காவிரி மேலாண்மை வாரியத்தை அமைக்க வேண்டுமென்று உச்சநீதிமன்றம், அதுவும் நான்கு நாட்களில் அமைக்க வேண்டுமென்று உத்தரவிட்டபோது அப்பொழுது அதை ஏற்றுக்கொண்டு, ஆனால் அதற்கு பிறகு உச்சநீதிமன்றம் உத்தரவு போடுவதற்கு உரிமை கிடையாது என்று மத்திய அரசு அந்த விஷயத்தில் சொல்லுகிற போது, ஏன் ஜல்லிக்கட்டு விவகாரத்தில் அந்த நடைமுறையை கடைபிடிக்கவில்லை என்பதுதான் கேள்வியாக இருக்கிறது. ஆகவே, மத்திய அரசை பொறுத்தவரையில் ஜல்லிக்கட்டு விஷயத்தில் இரட்டை வேடம் போடக்கூடிய நிலைதான் இருந்துகொண்டு இருக்கிறது.
 
கேள்வி: விவசாயிகள் பிரச்சனையில் தமிழக அரசு தொடர்ந்து சரியான முறையில் செயல்படவில்லை என்ற குற்றச்சாட்டு இருக்கிறது. மத்திய அரசிடம் சரியான கோரிக்கையை முன்வைக்கவில்லை என்ற குற்றச்சாட்டு உள்ளதே?

 தமிழகத்தின் முதலமைச்சராக பொறுப்பேற்று இன்றுவரையில் இருந்து கொண்டிருக்கக்கூடிய ஓ.பன்னீர்செல்வம் நேற்று மாலை ஒரு அறிவிப்பை வெளியிட்டு இருக்கிறார்கள். உள்ளபடியே, இப்பொழுதாவது ஏதோ விவசாயிகள் மீது அக்கறை கொண்டிருப்பது போல ஒரு அறிக்கை வந்திருப்பது உள்ளபடியே வரவேற்கக்கூடிய ஒன்று. ஆனால், அதே நேரத்தில் 17 பேர்தான் தற்கொலை செய்துகொண்டிருக்கிறார்கள், எனவே அவர்களுக்கு நிதியுதவி என்று முதலமைச்சர் அறிவித்திருக்கிறார். உள்ளபடியே 150-க்கும் மேற்பட்டவர்கள் இறந்துபோயிருக்கிறார்கள் என்பதுதான் உண்மை. இவைகளெல்லாம், பத்திரிகைகளில், ஊடகங்களில் செய்திகளாக வந்திருக்கின்றன. 

அந்த தற்கொலை செய்துகொண்டவர்களின் குடும்பத்தைச் சார்ந்தவர்கள் பத்திரிகைகளுக்கு, ஊடகங்களுக்கு தந்திருக்கக்கூடிய பேட்டிகள் மூலமாக நாம் அறிந்து கொண்டிருக்கிறோம். ஆகவே, உடனடியாக தற்கொலை செய்துகொண்டிருக்கக்கூடிய, அதிர்ச்சிக்கு ஆளாகி இறந்துபோயிருக்கக்கூடிய அனைவருக்கும் அந்த உதவித் தொகை வழங்க வேண்டும் என்பதுதான் தி.மு.கழகத்தின் நிலைப்பாடு.

அதுமட்டுமல்ல ஏக்கருக்கு 30 ஆயிரம் ரூபாய் இழப்பீடு தொகை வழங்கிட வேண்டுமென்று ஏற்கனவே தி.மு.க வின் சார்பில் அனைத்துக் கட்சிக் கூட்டத்தை கூட்டி, விவசாயிகள் சங்க பிரதிநிதிகளை கூட்டி அதிலே எடுத்த அந்த முடிவின் அடிப்படையிலே 30 ஆயிரம் ரூபாய் வழங்கிட வேண்டுமென்று நாங்கள் தொடர்ந்து அரசை வலியுறுத்திக் கொண்டிருக்கின்றோம். ஆனால், 5465 ரூபாய் தான் வழங்கப்படும் என்று முதலமைச்சர் அறிவித்திருப்பது உள்ளபடியே வேதனைக்குரியது. எனவே இதை உயர்த்தி தர வேண்டும். அதுமட்டுமல்ல, இறந்த ஒருவரின் குடும்பத்தில் இருக்கக்கூடிய யாருக்காவது ஒருவருக்கு வேலை வாய்ப்பையும் வழங்கிட வேண்டுமென்று நான் கேட்டுக் கொள்கின்றேன். ஏற்கனவே நாங்கள் முதலமைச்சரை சந்தித்து பலமுறை எங்களுடைய தீர்மானங்களை தந்திருக்கின்றோம். 

நானும் வலியுறுத்தி சொல்லியிருக்கின்றேன். உடனடியாக இது சம்பந்தமாக சட்டமன்றத்தை கூட்டி இதுபற்றி விவாதிக்க வேண்டும். எனவே உடனடியாக சட்டமன்றத்தை கூட்டுகின்ற முயற்சியிலே மாண்புமிகு முதலமைச்சர் ஓ.பன்னீர்செல்வம் அவர்கள் ஈடுபட வேண்டுமென்று நான் கேட்டுக் கொள்கின்றேன். அதுபோல உதய் மின் திட்டத்திற்கு கூட மின்துறை அமைச்சர் டெல்லிக்குச் சென்று  சம்மதம் தெரிவித்து கையெழுத்து போட்டிருப்பதாக செய்தி வந்திருக்கிறது. உதய் திட்டத்தைப் பொறுத்த வரையில் அம்மையார் ஜெயலலிதா அவர்கள் முதலமைச்சராக இருந்தபோது அந்த திட்டத்தை திட்டவட்டமாக ஏற்க முடியாது என்று மறுப்பு தெரிவித்தார். ஆனால் இப்பொழுது அவர்கள் மறைந்த பிறகு முதலமைச்சராக ஓ.பி.எஸ் பதவியேற்ற பிறகு ஏற்றுக் கொண்டிருக்கின்றார். என்ன விவரம் என்று எங்களுக்கு புரியவில்லை. மக்களிடத்தில் பல கேள்விகள் எழுந்துள்ளது. 

எந்த அடிப்படையில் அவர் ஏற்றுக் கொண்டிருக்கின்றார் என்று ஒரு கேள்வி எழுந்துள்ளது. 2011 க்குப் பிறகு இரண்டுமுறை மொத்தம் 57 சதவீதம் மின் கட்டணம் உயர்த்தப்பட்டது. அது இந்த உதய் மின் திட்டத்தின் மூலமாக மேலும் உயர்த்தப்படுமா என்ற ஒரு நிலை இருக்கின்றது. அதுமட்டுமல்ல விவசாயிகளுக்கு, நெசவாளர்களுக்கு இலவச மின்சாரம் வழங்கப்பட்டுக் கொண்டிருக்கின்றது. ஆக இந்த உதய் மின் திட்டம் மூலமாக அது நிறுத்தப்படுமா என்கின்ற கேள்வியும் எழுந்துள்ளது. மின்சார வாரியம் அரசின் கட்டுப்பாட்டில் ஒரு தனி வாரியமாக செயல்பட்டு வருகிறது. அந்த மின்சார வாரியம் கலைக்கப்பட்டு ஒரு தனி வாரியமாக மாற்றப்படுமா என்ற ஒரு கேள்வியும் இருக்கிறது.

அதுமட்டுமல்ல நேற்றைக்கு மின் துறை அமைச்சர் அவர்கள் இந்த உதய் திட்டத்தின் மூலமாக 11,000 கோடி ரூபாய் அரசுக்கு மிச்சம் ஏற்படுகிறது என்ற ஒரு அறிவிப்பை வெளியிட்டிருக்கிறார். மகிழ்ச்சி. ஆகவே மின் துறையைப் பொறுத்த வரையில் 11,000 கோடி ரூபாய் மிச்சம் ஏற்பட்டிருக்கின்ற காரணத்தால் மின்சாரக் கட்டணத்தை உடனடியாக குறைக்கும் முயற்சியிலே இந்த அரசு ஈடுபடுமா என்கின்ற கேள்வியையும் நான் கேட்க விரும்புகிறேன்.

தங்கள் கருத்துக்களை பதிவு செய்யவும்                                  * Indicates mandatory fields
Name * :
Email Id * :
Loading...
Left: Press Ctrl+g to toggle between English and Tamil
Comment * (500) :
கருத்துக்கள்(1)
Name : pathman Country : United States Date :1/12/2017 5:15:23 AM
சனம் உணவின்றி சாகும் போது ஜல்லி கட்டு என்ன வேண்டி கிடக்கு.