Add1
logo
எடப்படி பழனிச்சாமி பதவி வாடகை சேர் போன்றது: பொன்.ராதாகிருஷ்ணன் || சிறுபான்மை என்கின்ற வார்த்தையை மக்கள் மனதில் இருந்து எடுத்து குப்பையில் போட வேண்டும்: ராதாகிருஷ்ணன் || சட்டப்பேரவையில் என்ன நடந்தது? ஆளுநர் அறிக்கை கோரினார் || சிவகாசியில் 850 பட்டாசு தொழிற்சாலைகள் மூடல் - 5 லட்சம் பேர் வேலை இழப்பு || சொந்த ஊர் திரும்ப எம்.எல்.ஏக்கள் தயக்கம் || தயவு செய்து எந்த உடன்பிறப்பும் தற்கொலை செய்து கொள்ள வேண்டாம் :ஸ்டாலின் வேண்டுகோள் || ஆதரவாளர்களுடன் ஓபிஎஸ் ஆலோசனை || சபாநாயகர் ஒரு தலைபட்சமாக செயல்பட்டார்: திருச்சி சிவா || கவர்னரிடம் தி.மு.க. எம்.பி.க்கள் மனு || அந்த தீர்மானம் செல்லாது; செல்லாத தீர்மானத்தின் மீதான வாக்கெடுப்பும் ஏற்கத்தக்கத்தல்ல:ஸ்டாலின் || அமைச்சர் தங்கமணி தொகுதிக்கு வந்தால் விட மாட்டோம் -தீபா பேரவை முடிவு ! || சக்திவேல் எம்.எல்.ஏ வீட்டை முற்றுகையிட்டு 50 பெண்கள் ஆர்ப்பாட்டம் (படங்கள்) || அண்ணாமலை பல்கலை மாணவர்களின் குருதிக் கொடையாளர்கள் பட்டியல் -அரசு இணையத்தில் பதிவேற்றம் ||
சிறப்பு கட்டுரை
ஒரு கைதியின் கதறல்...!
......................................
தமிழக சட்டமன்றத்தில் பலப்பரீட்சை : அன்றும்…… இன்றும்…
......................................
ஹீரோ குன்ஹா...
......................................
ஜெ. சாவை விட டாக்டர்கள் பேசுறது ... ராதாரவி
......................................
பெண்கள் அறிவியல் துறைகளில் பங்குபெறுவதற்கான சர்வதேச தினம்
......................................
பன்னீருக்கு ஜெட்லி! சசிகலாவுக்கு சாமி!
......................................
சசிகலாவிற்கு எதிராக ஓபிஎஸ் - வலுக்கும் எதிர்ப்பு குரல்.. (வீடியோ)
......................................
செம்மொழித் தமிழ் பொற்காலத் திறவுகோல் -மணவை முஸ்தபா
......................................
நிழல் நிஜமானது! மோடி-சசிகலா டீல்!
......................................
உலக புற்றுநோய் தினம்
......................................
பேரறிஞர் அண்ணா நினைவிடத்தில் தலைவர்கள் அஞ்சலி (வீடியோ)
......................................
எளிமையான முதல்வருக்கு பெயர் ஓ.பி.எஸ் அல்ல... ஓ.பி.ஆர்.
......................................
பெப்சி, கோக் - தடையும் விடையும்! - லெனின்
......................................
ஜல்லிக்கட்டு - தீர்வை நோக்கிய ஒரு பார்வை! மருத்துவர் வீ.புகழேந்தி
......................................
போராட்டத்தில் வன்முறை : பிரபலங்கள் கருத்து (வீடியோ)
......................................
Facebook Twitter Google Plus
பதிவு செய்த நாள் : 29, டிசம்பர் 2016 (9:58 IST)
மாற்றம் செய்த நாள் :4, ஜனவரி 2017 (15:49 IST)


முன்னோடி சுற்றுச்சூழல்வாதி ஜே.சி. குமரப்பா

ஜோசப் செல்லத்துரை கார்னேலியஸ் செல்லப்பா என்றால் பலருக்கும் உடனடியாகப் புரியாது- மாறாக, ஜே.சி. குமரப்பா என்றால் புரியும். காந்தியின் நெருங்கிய நண்பர், சுற்றுச்சூழல்வாதி, பசுமை காந்தியவாதி, இந்தியாவின் தொடக்க கால திட்டக் குழுவில் பங்கெடுத்தவர் என பல பெருமைகள் ஜே.சி. குமரப்பாவுக்கு உண்டு. ஜனவரி 4, 1892-ல் பிறந்த ஜே.சி. குமரப்பா காந்தியின் பிரியத்துக்குரியவராகவும், சுற்றுச்சூழலியவாதியாகவும், கிராமிய பொருளாதார அறிஞராகவும் மாறியது தனிக்கதை.

தேசத்தந்தை என்று போற்றப்படும் மகாத்மா காந்திக்கு தமிழகத்தின்மீது தனி அபிப்ராயம் உண்டு. தென்னாப்பிரிக்காவில் நடந்த போராட்டத்தில் உறுதியுடன் தில்லையாடி வள்ளியம்மை பங்குபெற்று, தனது இன்னுயிரை இழந்தது ஒரு காரணம்.

அதேபோல் தமிழகத்தின்மீது அபிப்ராயம் பெருகக் காரணமாக இருந்த இன்னொருவர் ஜே.சி.குமரப்பா.

தஞ்சாவூரில் கிறிஸ்தவக் குடும்பத்தில் பிறந்தவர் ஜே.சி.குமரப்பா. சாலமன் துரைசாமி- எஸ்தர் ராஜநாயகம் தம்பதியின் ஆறாவது மகன். பிரிட்டனுக்குச் சென்று பட்டயக் கணக்காளர் (Chartered Accountant) படிப்பை முடித்த அவர், பொருளாதாரம் மற்றும் வியாபார நிர்வாகத்தில் மேற்படிப்பை முடிக்க அமெரிக்கா சென்றார்.

இந்தியா திரும்பிய குமரப்பாவை வணிகம் ஈர்க்கவில்லை. ஆங்கிலேயர் இந்தியாவைச் சுரண்டியது அவரது இதயத்தை உறுத்தியது. ஆங்கிலேயரின் வரிக் கொள்கை, இந்தியப் பொருளாதாரத்தை எப்படியெல்லாம் சுரண்டுகிறது என விளக்கி ஒரு கட்டுரை எழுதினார்.

காந்தியின் மீது நம்பிக்கைவைத்து, அவரைச் சென்றடைந்தார். காந்தி குஜராத்தின் கிராமப் பொருளாதாரத்தைக் குறித்து ஒரு சர்வே எடுத்துத் தருமாறு கேட்டார். அந்த சர்வே, காந்திக்கு கிராமப் பொருளாதாரத்தைப் புரிந்துகொள்ள உதவியது. கூடவே, குமரப்பாவுக்கும் கிராமத்தின் யதார்த்த சித்திரம் பிடிபட்டது.

காந்தியின் மதிப்பீடுகளையும் கிறித்துவ அற மதிப்பீடுகளையும் கலந்து தனது பொருளாதாரக் கொள்கைகளை உருவாக்கிக்கொண்டார். சமூக- பொருளாதார முரண்கள், வேலையில்லாத் திண்டாட்டம், ஏழ்மை இவற்றை அகற்றி மனிதனின் அடிப்படைத் தேவைகளை நிறைவுசெய்யும் ஒரு பொருளாதாரத்தை குமரப்பா கனவுகண்டார்.

உப்புச் சத்தியாக்கிரக போராட்டம் நடைபெற்ற காலத்தில், அவர் யங் இந்தியா பத்திரிகையின் ஆசிரியராகச் செயல்பட்டு வந்ததோடு, அகமதாபாத்தின் குஜராத் வித்யாபீடத்தில் பொருளாதாரப் பேராசிரியராகவும் செயல்பட்டுவந்தார். 1935-ல் அவர் நிறுவி செயல்படுத்திய அனைத்திந்திய கிராமத் தொழில் கூட்டமைப்பு குமரப்பாவின் குறிப்பிடத்தக்க சாதனைகளில் ஒன்றாகும்.

காந்தியின் முக்கிய சீடர்களில் சிலர் ஒருங்கிணைந்து சுற்றுச்சூழல்வாதம் குறித்த சிந்தனையை இந்தியாவில் ஏற்படுத்தினர். இதற்காக 1930-40 காலகட்டத்தில் சில நூல்களை எழுதியுள்ளார் குமரப்பா. மாபெரும் அணைகளைவிடவும் சிறியளவிலான அணைகள், கால்வாய்களே பாதுகாப்பானவை, நலம்பயப்பவை, வேதியியல் உரங்களைவிடவும் இயற்கை உரங்களே பலன்மிக்கது, வருவாய்ப் பெருக்கத்துக்காக காடுகளை வளர்ப்பதைவிடவும் நீர்ப் பாதுகாப்பு நோக்கிலே வளர்க்கவேண்டும் போன்ற சிந்தனைகளுக்கு இந்தியச் சூழலில் வித்திட்டவர் குமரப்பாதான்.

சுதந்திரத்துக்குப் பின், இந்திய தேசிய காங்கிரஸ் தோற்றுவித்த திட்டக் குழுவில் பங்குபெற்று விவசாயம் மற்றும் கிராம மேம்பாட்டுக்கான தேசியக் கொள்கைகளை உருவாக்கியதில் குமரப்பாவின் பங்கு முக்கியமானது.

வாழ்வின் கடைசிக் கட்டத்தில் மதுரை டி.கல்லுப்பட்டி அருகிலுள்ள காந்தி நிகேதன் ஆசிரமத்தில் தங்கி கிராம பொருளாதாரத்தை முன்னெடுக்கும் சிந்தனைகளை பரிசோதித்துவந்தார். ஜனவரி 30, 1960-ல் மறைந்த ஜே.சி. குமரப்பாவை கெளரவிக்கும்விதமாக குமரப்ப கிராம சுயராஜ்ய தொழில்நிறுவனம் தோற்றுவிக்கப்பட்டது.

-சுப்பிரமணி

தங்கள் கருத்துக்களை பதிவு செய்யவும்                                  * Indicates mandatory fields
Name * :
Email Id * :
Loading...
Left: Press Ctrl+g to toggle between English and Tamil
Comment * (500) :
கருத்துக்கள்(3)
Name : sri Country : Australia Date :1/1/2017 10:08:28 PM
முந்தய கவர்னர் ரோசய்யா தாத்தாவிடம் இளங்கோவன் கொடுத்த புகாரையும் சேர்த்து கொள்ளவேண்டும்.
Name : subbu Country : Australia Date :12/29/2016 4:10:48 PM
வாழ்க ......வளர்க அரசியல்வியாதிகளும் அதிகாரிகளும் தமிழக மக்கள் ஒட்டு போட்டு முட்டாள் ஆகி .................... பரிகாரம் தினந்தோறும் சாவது
Name : baala Country : India Date :12/29/2016 2:19:53 PM
பட்டை தீட்டி இருக்காங்க அவனுக்கு மக்களுக்கு பட்டை போட்டு இருக்காங்க அவ்வளவு தான்