Add1
logo
நாட்டு மக்கள் வரிப்பணத்தில் மஞ்சள் குளிப்பது பாவம்: முதலமைச்சருக்கு நாஞ்சில் சம்பத் கண்டனம் || மதச் சடங்குகளை உள்ளடக்கிய யோகாவைப் பள்ளிகளில் நடத்துவதா? கி.வீரமணி கண்டனம் || அரசின் கோழைத்தனம் – கொந்தளிக்கிறார் சபரிமாலா! || உலகம் முழுவதும் 4 கோடிப் பேர் அடிமைத் தொழிலாளர்கள்! || நாய் குரைப்பதைப் போல் ட்ரம்ப் குரைக்கிறார் – வடகொரியா கிண்டல்! || ஊழல், இனவாதத்திற்கு எதிரான சந்திப்பு! - கமல், கேஜ்ரிவால் பேச்சு || 4 மாதங்களில் அனைத்து ரயில் நிலையங்களிலும் சிசிடிவி கேமரா! || இம்மாத இறுதிக்குள் நீட் பயிற்சி மையங்கள் –செங்கோட்டையன் அறிவிப்பு! || பொது இடங்களில் கட்டிப்பிடித்தால் காதலர்கள் கைது? || இந்தியா மீது அணு ஆயுத தாக்குதல் – பாகிஸ்தான் மிரட்டல்! || ஆந்திரா: 24 தமிழர்கள் கைது || கமல்ஹாசன் இல்லத்தில் அரவிந்த் கேஜ்ரிவால்! || கர்நாடக நீர்ப்பாசன அமைச்சர் எம்.பி.பாட்டீலுக்கு கண்டனம் - பி.ஆர்.பாண்டியன் ||
Logo
இனிய உதயம்
காலை நிலாவும் மாலைச் சூரியனும்...
 ................................................................
காதல் அடைவது உயிரியற்கை!
 ................................................................
போட்டியில் வென்ற மாணவர் வைரமுத்து!
 ................................................................
பெரியாரும் பெண் விடுதலையும்
 ................................................................
சொல்ல மறக்காத கதை
 ................................................................
கவிக்கோ வீட்டில் புதையல்!
 ................................................................
கிராமத்துக் கவிதைக்காரர்...
 ................................................................
கவிதைகள்
 ................................................................
வேடிக்கை பார்க்கிறோம்!
 ................................................................
01-09-2017




ந்த நூற்றாண்டின் மகாகவிகளில் பிரதானமானவர் கவிக்கோ அப்துல் ரகுமான். அவர் மறைந்து ஏறத்தாழ மூன்று மாதங்கள் ஆகின்றன. எனினும், அவரது நினைவுகள் கொஞ்சமும் வெளிரவில்லை.

கவிக்கோவின் இழப்பை ஜீரணிக்க முடியாத அவரது கவிதை ரசிகர்கள், இன்னும் கலக்கத்தில் தவித்துக்கொண்டிருக்கிறார்கள். அவரது கவிதை நூல்களை ஏக்கமாய்ப் புரட்டுகிறார்கள். சமூக வலைத்தளங்களில் அவரது கவிதைகளையும் நினைவுகளையும் பதிவிட்டுக் கொண்டிருக்கிறார்கள். இன்னும் அவருக்கான அஞ்சலிக் கூட்டங்கள் முடியவில்லை. தமிழகம் தாண்டியும் அவரது நினைவேந்தல் நிகழ்ச்சிகள் நடந்துகொண்டே இருக்கின்றன.



கவிக்கோ நம்மை விட்டு விடைபெற்றா லும், அவர் நமக்காக நிறைய கவிதைகளை விட்டுவிட்டுத்தான் போயிருக்கிறார்.

மரணம் முற்றுப்புள்ளியல்ல என்று சொன்னவர், அதை நிரூபிப்பதற்காக... தன் மரணத்தின் பின்னும் தனது கவிதைகள் மலர்ந்து மணம் வீசவேண்டும்  என்ற எண்ணத்தில், நிறைய கவிதைகளை படைத்து வைத்துவிட்டுதான் சென்றிருக்கிறார்.

காலம் தமக்கு அவகாசம் தராது என்பதை எப்படி உணர்ந்தாரோ தெரியவில்லை. உடல் தளர்ந்திருந்த நிலையிலும் கவிக்கோ, இடைவிடாது  நிறைய கவிதைகளை எழுதி வைத்துவிட்டுதான்... மரண தேவனின் வாகனத்தில் ஏறிச்சென்றிருக்கிறார். தனது மரணம் பொசுக்கென ஒரு வெற்றிடத்தை ஏற்படுத்திவிடக்கூடாது என்று, புதிது புதிதாய்க் கவிதைகளை எழுதிவைத்துவிட்டுச் சென்றிருக்கிறார்.



கவிக்கோவின் பனையூர் இல்லத்துக்கு நண்பரும் கவிஞருமான ஜலாலுதீனுடன் சென்றோம். 

அங்கே அவரது பேரனும் மருத்துவருமான அசீம், தமது தாத்தாவின்  கனிவோடு வரவேற்றார். 

வீடு முழுக்க வெறுமையாய் நிறைந்திருந்தார்  கவிக்கோ. அவர் எப்போதும் அமர்ந்திருக்கும் வரவேற்பறையில், அவரது இருக்கை  காலியாக இருந்தது. வீடு முழுக்க அவரது நினைவுகள் படிந்திருக்க, அவரது தனி அறைக்குள் சென்றோம். அவர் சுவாசம் கலந்த காற்று புழுக்கத்தில் இருக்க அவரது நாற்காலி தனிமைத் துயரத்தில் இருந்தது.  அடுக்கி வைக்கப்பட்டிருந்த அவரது நூல்கள் நிசப்தத்தில் உறைந்திருந்தன.

மேஜை முழுக்க கவிதைக் காகிதங்கள்.... கவிதை ஏடுகள், புத்தகங்கள் என எல்லாமும் அப்படியே இருந்தன.



நூல்வடிவம் பெறுவதற்காக அவர் நிறைய கவிதைகளை எழுதி வைத்திருந்தார்.  அவை விரைவில் உன்னதமான காவியப் படையல்களாய் வெளிவர இருக்கின்றன. அதற்கிடையே நம் "இனிய உதயம்' வாசகர்களுக்காக அவர் விட்டுச் சென்ற கவிதைகளும் விலைமதிப்பற்ற புதையலாய்க்  கிடைத்தன. முத்து முத்தான கையெழுத்தில் நம் வாசகர்களுக்காக விட்டுச்சென்றிருக்கும் வெகுமதிகள் அவை. அவற்றை இயன்றவரைத் தொடர்ந்து "இனிய உதயம்' வாசகர்களுக்கு  வழங்க இருக்கிறோம். இதற்குப் பெருந்தன்மை யோடு இசைவளித்த கவிக்கோவின் மகள் வஹிதா, மருமகன் அஸ்லம்பாஷா பேரனும்    டாக்டருமான அசீம் உள்ளிட்டோருக்கு இதயமார்ந்த நன்றியைத் தெரிவித்து,

கவிக்கோவின் "அழகை ஆராதிப்போம்' கவிதைத் தொடரை மேலும் சில இதழ்களுக்குத் தொடர்கிறோம். கவிக்கோவின் சிந்தனைகளும் கவிதைகளும் அவரில்லாத வெறுமையைச் சுமந்தபடி, உங்கள் முன் எழுந்துவருகின்றன. கவிக்கோவின் எழுத்துக்களில், நின்றுபோய்விட்ட அவரின் இதயத்துடிப்பு, மெல்ல உயிர்த்துத் துடிப்பதை உற்றுக்கேளுங்கள்.

தங்கள் கருத்துக்களை பதிவு செய்யவும்                                  * Indicates mandatory fields
Name * :
Email Id * :
Loading...
Left: Press Ctrl+g to toggle between English and Tamil
Comment *(500) :