இந்தியா - தென்னாப்பிரிக்கா இடையே மூன்று டி - 20 போட்டிகள் கொண்ட தொடர் நடைபெற இருந்தது. அதன்படி தென்னாப்பிரிக்காவின் டர்பனில் உள்ள ஹாலிவுட்பெட்ஸ் கிங்ஸ்மீட் கிரிக்கெட் மைதானத்தில் இன்று (10.12.2023) இந்தியா அணி தென்னாப்பிரிக்காவை எதிர்கொள்ள இருந்தது. மூன்று டி - 20 போட்டிகள் கொண்ட தொடரில் இது முதல் போட்டியாகும்.
இந்த சூழலில் கிங்ஸ்மீட் மைதானத்தில் பெய்து வரும் மழையால் இந்தியா - தென்னாப்பிரிக்கா மோதும் முதல் டி20 போட்டிக்கான டாஸ் போடுவதில் தாமதம் ஏற்பட்டது. தொடர்ந்து மழை பெய்ததால் ஆட்டத்தின் ஓவர்கள் குறைக்கப்பட்டு நடத்தப்படுமா என்ற எதிர்பார்ப்பு எழுந்தது. இந்நிலையில், இடைவிடாமல் பெய்த மழை காரணமாக, தென்னாப்பிரிக்கா - இந்தியா மோத இருந்த முதல் டி - 20 போட்டி ரத்து செய்யப்பட்டதாக அதிகாரப்பூர்வமாக அறிவிக்கப்பட்டது. இதனால் ரசிகர்கள் பெருத்த ஏமாற்றம் அடைந்தனர்.
- "எல்லாருமே பார்ப்பீங்க" - விவரிக்கும் 'கூச முனுசாமி வீரப்பன்'
- "அதான் அடிச்சு தூக்குனேன்" - கூலாக சொன்ன கூச முனுசாமி வீரப்பன்
